سازگر سازگر،مبارک قاضی

مبارک_قاضی

سازگر سازگر،
سازگر سرشپ انت کمیں مهتل ببئے،
سازگر انگت ترمپانی اولی سر انت،
دم بدئے ساهتے آزگیں لنککاں،
انشپی داں سباه نندگی انت ترا،
شهدیں زهیروک پربندگی انت ترا،
گوں سروزء_ ردیں ذیل و بامء- وتی،
کهریں امروزء_ دل سندگی انت ترا،
سازگر سازگر سازگر سازگر،
سازگر ریچ پریچ دئے زیملاں،
انگت دراجیں شپے برگی انت ترا،
چہ وتی ریدگیں ازمء_ زوراکیء-،
دردء_ پراهیں کپے برگی انت ترا،
سازگر سازگر سازگر سازگر،
چارگی انت ترا نوبتء_ گیگ و گوم،
مارگی انت ترا زیمیں انسانء_ گم،
بےگوم انت موسمء- تاکریچ و هتم،
ارس گوار انت زهیرنالیں چاگردء_ چم،
سازگر دردء لذت نبیت گیش و کم،
سازگر سازگر سازگر سازگر،
سازگر تو کہ جیڈئے گوں سازء- وتی،
سازگر تو کہ وانئے نمازء- وتی،
بود کاریت اے امروزء_ ٹپیگیں دل،
چست بنت و شلنت نود هشکاوگاں،
سنٹیں ڈن و ڈگار سبز و میتاپ بنت،
براهنگیں درچک و دار گیگ و الکاپ بنت،
مال و مردم گلء بال بنت وتسرء-،
زندء_ جنجال بے هال بنت وتسرء-،
سازگر سازگر سازگر سازگر،
تو کہ کاربندئے پرمهریں موردانگاں،
چست بیت شهدیں الہان برزء- تئی،
لڈان لڈانء کئیت گلزمینء- بہار،
برمش دنت شگربء- نگرهیں بامسار،
سازگر انشپی هونیں دستاں مدار،
بلے تالان بیت هر گورء- تئی توار،
سازگر سازگر سازگر سازگر.