مبارک کازی
رگانی هون بِلّئے سرجم ءَ درداں بہ
سْرامین اَنت
من باندا نوبتے جیڑاں
من باندا منزلے پولاں
اِے وهد ءِ تاکریچیں موسمانی مهربانی
اِنت
کہ من گُنگیں هزاماں چہ دل ءَ آسر کنگ
لوٹاں
من ءَ آساپ تهلیں درد ءِ لزّت انگرین
ساهتے
وتی هینّاریں جیگ ءَ تر کنگ لوٹاں
گمے پدّر کنگ لوٹاں
دل ءَ شگرب داں مگرب من پہ ماتیں
گلزمین ءَ آس پِرداراں
من کولیگاں پہ ڈیه ءِ مهلبیں پُلکاں
من هیراتاں وتی مسکیں سماتانی
مراتاں پہ تیاب ءِ ارزنیں ریکاں
من کرباناں وتن مات ءِ ڈل ءُ ڈوکاں بہ
پلگاراں
چگردی کُنٹگاں گوں دیدگاں داراں
منی مکّہ، مدینہ، مصر ءُ لِبنان اِنت
بلوچستان
منی ساه ءُ منی ایمان من ءَ چہ دیدگاں
دوست اِنت
من ءَ چہ ساه ءَ دیم ءَ اِنت
رگانی هون بِلّئے سرجم ءَ درداں بہ
سْرامین اَنت
من باندا نوبتے جیڑاں
من باندا منزلے پولاں
منی مکّہ، مدینہ، مصر ءُ لِبنان اِنت
بلوچستان
منی کبلہ، منی کعبہ منی ماتیں
بلوچستان
