۔۔۔حمید بلوچ۔۔۔۔
امریکہء_ نامداریں دانشور
زانتکار پروفیسر نوم چومسکی سرجمیں دگنیا ء_ شاہ زانتانی سرپ ء- ہوار گندگ ء- کیت۔ نوم چومسکی ایوک ء- روبرکتی پروپیگنڈآ نہ بلکیں سرجمیں دگنیائے سرمایہ دارانی نظام ء_ نفسیاتی جبر ءو دگنیا ء_ ایرجیگیں ۔بزگیں لاچاریں راجانی سرا زوراکی، زلم ءو زالمی ء_ کہ ہر رنگ ء- اشانی زند ءو زمین لاچار کتگ انت وتی آواز جہانی تک ء- برز کتگ ءو وتی زہرشانی درشان کتگ۔ امریکا ءو مگربی ملکانی زانتکار ءو دانشوارانی ٹگی ٹوری ۔دروگ ءو مناپکی پاشک کتگ انت ءو بزگ ءو لاچاریں انساناں اے درس داتگ ءو گشتگ کہ وھدے سوویت یونین ء_ بہر ءو بانگ بوھگ ۔پروشگ ءو اشتراکی نظام ء_ تباہی ء- چہ پد امریکا دگنیا ء_ سپر پاور جوڈ بوتگ۔ہمیشی سوب ء- سرجوزمیں دگنیا ء- یک لیکہی پروشت ءو پروشے ء- پد امریکا یک سپر پاورے بزاں مزنیں تاگتے جوڑ بوتگ ۔امریکا ء_ دری ہالیسی انگت تک پہ دگنیا ء- درد سرئے جوڈ بوتگ۔سرجمیں دگنیا ء_ شاہ زانت ءو زانتکارانی تہا بس نوم چومسکی انت کہ انگت است ءو حیات انت ۔انوگیں وھدا اوں امریکہ ء_ پالیسیانی سرا ایراد کنت ءو ایر جنت۔۔ انگت اوں امریکہ ءو مگربی ملکانی زنتکار احوالکار۔دانشوارانی سرا ایراد گیپت ۔ءو اشانی یک نیمگی تجزیہ آں ایر جنت۔ہمیشکہ مگربی ملکا چومسکی ء- مزنیں بستار ءو عزتے نہ دینت پرچا کہ ہروھدا راستی ء- پدر کنت ءو راست گشیت۔ نوم چومسکی 1928 ء- فلاڈلفیا ء- ودی بوتگ واجہ ء_ کہول چہ رودراتکی یورپ ء- لڈاتگ ءو اتکگ امریکہ ء_ فلاڈلفیا جامنند بوتگ انت ۔پتے عبرانی زبان ءء- بلد بوتگ ءو نوم چومسکی وتی بنداتی وانگ ءو زانگ ء- فلاڈلفیا دربارت ءو 1948 تا 51 ء- یونیورسٹی آف پینسلوالیا ء- لسانیت ء- دربارت ہمے وانگ ءو زانگ ء_ وھداں وت گوں جدید لسانیت ء_ مزنیں نام ءو مردماں دوچار کپیت۔۔ 1949 ء- گوں کیرول شاز ء- وتی زند ء_ سفر ء- بندات کنت ۔بزاں سانگ کنت۔ 1951 تا 55 ء- ہارورڈ شاہ دربرجاہ ء- یک مزنیں نامے ءو شرپے گیپت۔ پدا 1955 ء- بوسٹن ء_ میسا چوسٹس انسٹی ٹیوٹ آف ٹیکنالوجی ء- ہروفیسر جوڈ بیت ءو جدیدلسانیت ء_ درس ء- دنت۔1957 ء- یک کتابے Syntactice structures شنگ ءو تالان بیت۔ وتی کتاب ء_ توک ء- جدیدلسانیت ء_ ھوالہ ء- یک آشوبی دروشمے پدر کنت ءو ماہر ء_ لسانیت اسکز ء_ کتااب Verbal Behaviour ء_ سرا شریں وڈے ء- نگد کنت۔ 1964 ء- وھدےویت نام ء- جنگ کہ بندات بیت نوم چومسکی وتی زانت ءو زانگ ءو انسان دوستی ء_ ہاترا اے جنگ ہلاپ ء- وتی زہرشانی ء- درشان کنت ہرچ وڈیں روانک ءو زہرشانی ء- گوں ہمرہ دار ءو ہمکوپگ بیت داں 1967ء- دزگیر کنگ بیت پرچہ واجہ امریکہ ء_ دری پالیسیانی گوں لیکہی بنیات ء- وانگ ءو زانگ ء- پد اے پدر کتگ کہ ویت نام ء_ امریکہ ء_ جنگ جموریت ء_ واستہ نہ انت بلکیں امریکہ ء_ وتی زاتی مفادانی واستہ انت۔اقتصادی مفادانی واستہ انت ۔۔ ۔۔۔
ہمے وھدا کہ زندان ء- بیت گڈا گند ءو نندے گوں نامداریں امریکہ ء_ گدار نویس نارمین میلر ء- بیت ءو میلر ء- وتی مزنیں گدارانی توک ء- چومسکی ء_ زکر کتگ۔۔۔ 1965 ء- چومسکی ء_ دومی کتاب لسانیت ء_ Aspect Of Theory شنگ بیت۔1969 ء- اولی سیاسی کتابAmerican power And The New Mandarians شنگ بیت 1988 ء- لسانیت ء_ سیمی کتاب شنگ بیت Reflection On Language گوں اے کتاب ء_ شنگ بوگ ء- چومسکی ایوک ء- ویت نام ء_ نہ خلیج ء_ جنگجو ء- گوں امریکہ ء_ دست مان جنی ایر جتگ۔۔ 1988 ۔89 ء- چومسکی ء_ دو کتاب شنگ بیتTe Culture Of Terrorism ءو Political Economy Of Mass Media ۔اے دوئیں کتاب امریکہ ء- آس ءو پیش روک کن انت۔
11 مئی 1995 ء- چومسکی ورلڈ آڈر ء- انسانی حقوق کہ زمہ واریاں ہمے سرھال ء_ سرا گشتانک دنت اے گشتانک ء- پد نوم چومسکی ء_ ازت ءو شرپ ء_ مزن بوھگ ء- ابید دگنیا ء- اے امیت ودی بیت کہ انگت نوم چومسکی ء_ وڈیں انسان است اے دگنیا ء- کہ حق ءو لگتمالیں ملکانی بابت ء- ہبر کنت۔۔۔
