۔۔میر اشرف۔۔۔۔۔

گشنت یک شپ ئے ماں تربت ءِ نزیک ءَ شاہوکارے ءِ یک دیوان ئے اڈداتگ ات۔ اے دیوان ءِ ازکاری ءِ چم و پونز میراشرف ات۔آئی ءِ وش گٹی گوں سازوزیمل ءِ براہندگی ءَ یک عجیبیں چزّے اَت۔ دل پرینچ و گوشداروک ءِ مہلوک وتی حال ءِ سرا بے سدوعشق ءِ حقیقی ءَ دچار اِتنت۔ہنچو معلوم بوت کہ میر اشرف ءِ توار نہ انت بلکیں یک ساحرے ءِ سحرات۔ہمے سازو زیمل ووش گٹی ءِ توار پروشیت ءُ جنگل ءَ اژدِھا ءِ گوش آسربیت۔اژدِھا چہ ہونڑا در کپیت دیم پہ دیوان ءِ نیمگ ءَ راہدگ بیت۔ میر اشرف ءِ وش گشی توار اژدِھاءِ ہمنچو اسرکنت کہ اژدِھا ءَ نزانت کہ مھلوک ءِ دیوان انت۔آٰئی ءَ وتی مزنیں لوسان ءَ پچ شانت وتنا کچءَ لوڈگ ءَ لگیت۔کہ دیوان کروسانی بانگ ءَ آسر بوتگت۔ وکتے مہلوک ءَ سماہ کرتگت آ چیو گیند انت۔یک سہاھیں اژدھا ءِ سرچنڑینگائنت۔دیوان دّر کدی اژدھا ءَ چارنت اوکدی میر اشرف ءِ نیمگ ءَ چارنت۔دیوان ءِ دیوان ءِآسری ءَ اژدھا وتی راہ گیت ءُ درَوت۔میر اشرف گچکی قبیلہ ءِ یک شاخ؛؛ ورزئی؛؛ ءِ چم و چراگ انت ازمکاری خدائی داد و بہرانت۔خدائے منشا انت۔کہ اے داد ءَ کجام مردمءِ داد بہر وار بکنت۔ ازم کاری و وش گشی۔میر اشرف ءِ بہرو ونڑءَ کپتگت۔آئیءِ ازکاری سک بز خاصیں دیوانانی ساہ و جان انت۔ انگہ ازم کاری ووش گشی بازاری بہ بیت۔ آئی تہا وزن نہ بیت بلکیں سبکیّ ودی بوت کنت۔بلے میر اشرفءِ ازم کاری چرے پولنگءَ چٹ پہک انت۔ازم کاری ءِ پڑءَآئی ء زانتکاری و وش تواری راج ءِ واسطہ یک گنج ایت۔پمیشا دورو دراجیں ھندانی مردم آئیءِ وش درگالیءُ تھام داریں توار ءِ ہنچو ہدوناک اتنت۔کہ آیان چہ گسءَ دراج کشّیں پند جتگ ءُ دیوان ءَ شتگ انت۔مہلوک دیوان ء،تہا تنا کچ ءَ تنکا سرانت ۔کہ میر اشرف ءِ دل سندیں توار آیانی گوش ءَ نہ کپنت۔گشنت میر اشرف ہمک وھد سردار میرمحراب خان ءِ سنگت و ہمراہ ات پیشکہ آئی ازم کاری ووش تواری بازاری مہپلءَ آسر نہ بوتگنت میر محراب خان ءِ مہر ءُ دوستی ء ساھگ ءَ میر اشرف ءِ سراہنچوں مانکشیتگت کہ محراب خان یک اشارہے ءِ سرا دیوان گومائی وش تواری ءَ گرم گیت۔۔بلوچ ازم کار،مدام اوشتنت وتی ازم کاری و وش گٹی ءِپرچارءَ کنت۔اے پیما دیوان ءِ زیمل و ساز ءِ توار دل و جگر ءَ سنداں کنت وتی حُب و مہر ءِ تہا گمسار کنت۔یک گشتاں میر محراب خان سوروآروس ءِ دعوتءَ ،،تمپ،،ءِ یک امیر زادگ ئے نزیکا داشتگت۔میر اشرف ہمے دعوتءَ اھتگ ات وھدے سور وآروس ءِ رسم آسر بوتنت۔گڑا مہلوک ءَ گوں محراب حان میر اشرف ءَ وتی نزیکا لوٹائینت و گشت کہ چہ دور ودر ءَتربت ءِتئ توار ءِ اشکنگ ءَ اھتگ انت۔ باید انت کہ گوں تئ وش گشی ءِ توار ءِ کمک ءَ سازوزیمرانی دیوان ئےاڈبگیت۔پرچیکہ مہلوک تئ درگالی ووش تواری ءِ چکاس ءَ اھتگ انت۔ میر اشرف کموکیں وتی حیالانی زرءِ تہا کپت و گشت ئے کہ شما لوٹ ات کہ اے شپ ءَ سوری سالونک یکجاہ مہ بنت۔ چوکہ میراشرف ءَمیر کحراب خان ءِ گپ و حبرءِتوار ءَ سجّہ ایں مہلوک ءِ واب ءَ را پروشیت سحر کنوکیں توار ءَ مہلوک باہند کرتگ انت چارنت کہ سوری سالونک برزی ماڈی ءَ نشتگ انت دیوانءَندارگ کنگا ئنت وھدے دیوان آسر بوتنت میر محراب خانءَ گوں جوش ءَ میر اشرف ءِ پیشانی بوسہ دات ءُ گشت ئے کہ بلوچ قوم مدام تئ ازم کاری ءِ سرءَپہربندایت۔ 

زانگ بہ بیت اے نبشتانک کاروان وانگیءِ تہا چہ زورگ بوتگ