عائشہ مراد تمپ
مئے میتگ ءِ چَپّی دست ءَ یک کم اُمبریں زال ئِے است اَت آئی ء نام مِھرھاتون اَت آئی ءَ چار کلاس ونتگ اَت ءُ آئی ءِ مات ءُ پِتاں آ سانگ دات آئی ءِ باز ھُبّ ءُ واھگ اَت کہ من دیما بہ واناں بلئے ارمان کہ آئی ءِ واھگ آس ءَ سُتک اَنت ءُ پُر بوت اَنت... آئی ءِ جود (چُکانی پِت) یک سَکّیں تنگ دستیں مردمے اَت آ کار ءُ روزگار ءِ ھاتر ءَ برے یورپ ءُ برے سویڈن ءَ در پہ در اَت ھمے مُدّتاں گُڑا آ پہ کار روزگار ءِ ھاتر ءَ سویڈن ءَ شُتگ اَت بلئے مزنیں مُدتے گوست کہ آئی ءِ ھچ ھال ءُ بودے نیست اَت کہ چے وڑ ءَ اِنت ءُ چون اِنت... پدا ھمے زال مِھرھاتون دو سَر ءُ نیم سریں چُکانی مات اَت یک بچکوے اَت ءُ یک جنکوے...
"بچکوے ئے نام مہران ء، جنکوے ئے نام مہر ات"
اے دوئیں چُک آں مدام ابّا ابّا کت بلئے ھمے بزّگیں مِھرھاتون ءَ مدام پہ ھیل ءَ ھُنر وتی چُک پہ رَدّئے پَدّئے ساکم کُت اَنت.. اے زال ءَ نان پَچ ءُ گُد دوچی کُت ءُ وتی چُک رودینت اَنت.. ھمے نیستی ءِ جاگاہ ءَ اے زال ءَ وتی چُک وانینت اَنت ھم.. مھرھاتون ھما زال اَت کہ اگاں ھمشام ءُ ھمسبارگ اَت بلئے وتی چُکّے وانینت اَنت.. پرچا کہ مھرھاتون ءَ اِلم ءُ زانت ءِ کَدر زانتگ اَت ... آئی ءَ نہ لوٹ اِت کہ منی بچکیں چُک چو منی جود ءِ وڑا بے زانتی ءُ بے اِلمی ءَ پہ روزگارے بے گواہ بہ بیت .... مھرھاتون ءَ گوں اے دوئیں چُکّاں باز رَنج ءُ گَم دیست... بلئے وتی توکل ءُ تمبل اِش دور نہ دات ... بازیں کرناں پد گڑا مھرھاتون ءِ چُک مزن ءَ لائک بوت اَنت ...
بچک شَرّیں روزگارے ءِ سرا بوت آئی ءَ وتی مات ءُ گھار شاھی شاھان کت اَنت .... جنک ءِ واستہ بازینے ءَ وتی گواجار آؤرت بلئے مھرھاتون ءَ نہ زُرت اَنت ءُ رزا دات اَنت پرچا کہ مھرھاتون ءَ وتی گوست دیستگ اَت آئی ءَ نہ لوٹ اِت کہ منی جنک ءِ باندات چو منی گوست ءَ بہ بیت .... مھرھاتون کُلیں میتگ ءَ یک مثال ے جوڑ بوت...مھرھاتون ءِ زندگی پہ مھرھاتون ءَ یک بلاھیں چکّاس ے اَت بلئے گوں دانائی ءَ سوبمند بوت... بلئے مھرھاتون ءِ جود تنی وھدیگ ءَ گار ءُ بیگواہ اِنت...
"زانت دریاے نہ کُٹّ ایت بلئے زانگ لوٹ ایت
ھرچی پہ کَچّ ءُ کساس ءَ وتی وانگ لوٹ ایت""'
