ﺭﺍﺟﺪﭘﺘﺮ ﺀَ ﺳﺮﺩﺍﺭﺍﻧﯽ ﺭﺍﺟﯽ ﮐﺮﺩ ۔۔۔ ﺩﻭﻣﯽ ﺑﮩﺮ

نبشتہ کار التاپ بلوچ

ﻣﯿﺮ ﻣﻨﺪﻭ ﮐﮧ  ﻣﯿﺮﭼﺎﮐﺮ ﺀِ  ﻭﺍﺭِﺱ  ﺍَﺕ  ﺀُ  ﺭِﻧﺪ  ﭨَﮏّ ﺀَ ﭼﮧ ﺳﯿﺎﻟﺪﺍﺭﯼ ﺍﺳﺖ ﺍَﺕ ﺋﮯِ، ﺍﮮ ﺯﻣﺎﻧﮕﺎﮞ ﮐﻼﺕﺀِ ﮨﺎﮐﻢ ﺟﻮﮌ ﮐﻨﮓ ﺑﯿﺖ ﭼﯿﺎ ﮐﮧ ﺭﻧﺪ ﺀُ ﻻﺷﺎﺭ ﻭﺗﯽ ﮨﺎﮐﻤﯽ ﺀَ ﻣﺴﺘﺮ ﮐﻨﮓ ﺀِ ﮨﺎﺗﺮﺍ ﺩﯾﻢ ﭘﮧ ﺳﯿﻮﯼ ﺀُ ﮈﮨﺎﮈﺭﺀَ ﺳﺮ ﺑﻨﺖ ﺀُ ﺍﻭﺩ ﺀَ ﺍُﺭﺵ ﺀِ ﺳﺮﻭﮐﯽ ﺀَ ﺍﻭﮞ ﭼﺎﮐﺮ ﺭﻧﺪ ﺀُ ﮔﮩﺮﺍﻡ ﻻﺷﺎﺭﯼ ﮐﻨﻨﺖ۔ ﺩﻭﻣﯽ ﻧﯿﻤﮕﺎ ﻣﯿﺮ ﻋﻤﺮ ﻣﯿﺮﻭﺍﮌﯼ ﺀِ ﺑﭻّ ﻣﯿﺮ ﺑﺠﺎﺭ ﻣﯿﺮﻭﺍﮌﯼ، ﮐﮧ ﺭﻧﺪ ﺀُ ﻻﺷﺎﺭﯾﺎﻧﯽ ﮨﻮﺍﺭﯾﮟ ﺍﺭﺵ ﺀِ ﺳﻮﺏ ﺀَ ﺁﺋﯽ ﺀِ ﭘﺖ ﺳﺮﺩﺍﺭﻋﻤﺮ ﻣﯿﺮﻭﺍﮌﯼ ﮐُﺸﮓ ﺑﻮﺗﮓ ﺍﺕ، ﺁﺋﯽ ﺀَ ﺍﻭﮞ ﯾﮑﺒﺮﮮ ﭘﺪﺍ ﮐﻼﺕ ﺀِ ﮨﺎﮐﻤﯽ ﺀِ ﻭﺍﺏ ﺩﯾﺴﺖ ﺀُ ﮐﻼﺕ ﺀِ ﺳﺮﺍ ﺍﺭﺵ ﮐﺖ ﺀُ ﻣﯿﺮ ﻣﻨﺪﻭ ﺀِ ﮨﺎﮐﻤﯽ ﮨﻼﺱ ﮐﺖ۔

ﻣﯿﺮ ﺑﺠّﺎﺭ ﺩﺍﮞ ﺩﯾﺮﺍﮞ ﮨﺎﮐﻢ ﻧﮧ ﺑﯿﺖ ﭼﯿﺎ ﮐﮧ ﺁ ﺳﮑّﯿﮟ ﻧﺮﻡ ﺩﻟﯿﮟ ﺀُ ﻣﮩﺮﻭﺍﻧﯿﮟ ﻣﺮﺩﻣﮯ ﺍﺕ ﺀُ ﮨﺎﮐﻤﯽ ﺀِ ﺯﯾﺎﺩﮨﯿﮟ ﺷﻮﮎ ﺋﮯِ ﻧﯿﺴﺖ ﺍﺕ۔ ﮐﻼﺕ ﺀِ ﺳﺮﺍ ﺍُﺭﺵ ﺀُ ﻣﯿﺮ ﻣﻨﺪﻭ ﺀِ ﮨﺎﮐﻤﯽ ﺀِ ﮨﻼﺱ ﮐﻨﮓ ﺁﺋﯽ ﺀِ ﭘﺖ ﺀِ ﺑﯿﺮ ﺍَﺕ ﮐﮧ ﮔﭙﺖ ﺋﮯِ۔ ﻭﺗﯽ ﭘﺖ ﺀِ ﺑﯿﺮﺀَ ﭘﺪ ﮨﺎﮐﻤﯽ ﺀَ ﯾﻠﮧ ﺩﻧﺖ ﺀُ ﭘﮧ ﺣﺞ ﺀَ ﺭﺅﺕ ﺀُ ﮐﻼﺕ ﺑﮯ ﮨﺎﮐﻢ ﺑﯿﺖ۔

ﮨﺮ ﯾﮏ ﭨﮑّﮯ ﮔﻮﮞ ﻭﺕ ﻣُﺸﮑﻮﻝ ﺑﯿﺖ۔ ﮨﻤﮯ ﺯﻣﺎﻧﮓ ﺀَ ﮐﺎﻣﺮﺍﻥ ﻣﻐﻞ ﻧﺎﻣﯿﮟ ﻣﺮﺩﮮ ﮐﮧ ﻣﺎﮞ ﺍﻭﮔﺎﻧﺴﺘﺎﻥ ﺀَ ﺍﺭﻏﻮﻥ ﮨﺎﻧﺪﺍﻥ ﺀِ ﮨﺎﮐﻤﯽ ﺀَ ﮨﻼﺱ ﮐﻨﺖ ﺗﮧ ﻭﺗﯽ ﻟﺸﮑﺮﺀَ ﮐﻼﺕ ﺀَ ﺩﯾﻢ ﺩﻧﺖ ﺀُ ﮐﻼﺕ ﺀِ ﺳﺮﺍ ﺑﮯ ﺟﻨﮓ ﺀُ ﺟﺪﻝ ﺀَ ﻗﺒﻀﮧ ﮐﻨﺖ۔ ﺑﻠﺌﮯ ﮐﻤﮯ ﻭﮨﺪ ﺀَ ﭘﺪ ﺍﺭﺑﺎﺏ ﺷﻤﺲ ﺍﻟﺪﯾﻦ ﮔﮩﺮﺍﻡ ﻧﺎﻣﯿﮟ ﻣﺮﺩﮮ ﮐﻼﺕ ﺀِ ﻣﻐﻞ ﮨﺎﮐﻢ ﺀِ ﺩﺍﺷﺘﮕﯿﮟ ﮔﻮﺭﻧﺮﺀِ ﺳﺮﺍ ﺍﺭﺵ ﮐﻨﻨﺖ ﺀُ ﺁﺋﺮﺍ ﮐُﺸﻨﺖ۔ ﺍﮮ ﺍُﺭﺵ ﺀَ ﭘﺪ ﻣﯿﺮﻭﺍﮌﯼ ﭨَﮏّ ﻣﯿﺮ ﺣﺴﻦ ﺀَ ﮐﻼﺕ ﺀِ ﺧﺎﻥ ﺟﻮﮌ ﮐﻨﻨﺖ۔ ﻣﯿﺮ ﺣﺴﻦ ﺀِ ﺑﯿﺮﺍﻧﯽ ﺀَ ﭘﺪ ﻣﯿﺮ ﺍﺣﻤﺪ ﺧﺎﻥ ﺍﻭّﻝ ﺧﺎﻥ ﺟﻮﮌ ﮐﻨﮓ ﺑﯿﺖ۔ ﭼﮧ ﻣﯿﺮ ﺍﺣﻤﺪ ﺧﺎﻥ ﺍﻭﻝ ﺀَ ﭘﺪ ﻣﯿﺮ ﻣﺤﺮﺍﺏ ﺧﺎﻥ ﮐﻼﺕﺀِ ﮨﺎﮐﻢ ﺟﻮﮌ ﺑﯿﺖ ﺀُ ﭼﮧ ﻣﯿﺮ ﻣﮩﺮﺍﺏ ﺧﺎﻥ ﺀَ ﭘﺪ ﻣﯿﺮ ﺍﺣﻤﺪ ﺧﺎﻥ ﺩﻭﮨﻢ۔

ﺍﮮ ﺯﻣﺎﻧﮕﺎﮞ ﻣﯿﺮ ﻋﺒﺪﺍﻟﻠﮧ ﺧﺎﻥ ﮐﮧ ﻣﯿﺮ ﺍﺣﻤﺪ ﺧﺎﻥ ﺩﻭﺋﻢ ﺀِ ﮐﺴﺘﺮﯾﮟ ﺑﺮﺍﺕ ﺑﯿﺖ، ﺷﺎﻟﮑﻮﭦ ‏( ﮐﻮﺋﭩﮧ ‏) ﺀِ ﮨﺎﮐﻢ ﺟﻮﮌ ﮐﻨﮓ ﺑﯿﺖ۔ ﺩﭘﺘﺮ ﻧﻮﯾﺲ ﮔﺸﻨﺖ ﮐﮧ ﻣﯿﺮ ﺍﺣﻤﺪ ﺧﺎﻥ ﺩﻭﺋﻢ ﺳﮑﯿﮟ ﺑﺰﺩﻟﯿﮟ ﺀُ ﻋﯿﺎﺷﯿﮟ ﮨﺎﮐﻤﮯ ﺑﯿﺖ ﭘﻤﺸﮑﮧ ﺁﺋﯽ ﺀِ ﮐﺴﺘﺮﯾﮟ ﺑﺮﺍﺕ ﻣﯿﺮ ﻋﺒﺪﺍﻟﻠﮧ ﺧﺎﻥ ﻟﻮﭨﯿﺖ ﮐﮧ ﺁﺋﺮﺍ ﭼﮧ ﮐﻼﺕ ﺀِ ﮨﺎﮐﻤﯽ ﺀَ ﺩﺯ ﮐﺶ ﺑﮑﻨﺖ۔ 1716 ﺀَ ﻣﯿﺮ ﻋﺒﺪﺍﻟﻠﮧ ﺧﺎﻥ ﻭﺗﯽ ﺑﺮﺍﺕ ﻣﯿﺮ ﺍﺣﻤﺪ ﺧﺎﻥ ﺩﻭﺋﻢ ﺀَ ﮐُﺸﯿﺖ ﺀُ ﮐﻼﺕ ﺀِ ﮨﺎﮐﻢ ﺟﻮﮌ ﺑﯿﺖ۔ ﺩﺍﮞ ﭘﺎﻧﺰﺩﮦ ﺳﺎﻻﮞ ﻣﯿﺮ ﻋﺒﺪﺍﻟﻠﮧ ﺧﺎﻥ ﮐﻼﺕ ﺀِ ﮨﺎﮐﻢ ﺑﯿﺖ ﺀُ ﺍﮮ ﺯﻣﺎﻧﮕﺎﮞ ﺁ ﮐﭽﮩﯽ، ﮈﯾﺮﮦ ﺟﺎﺕ، ﺑﻮﺭﯼ، ﮊﻭﺏ، ﭼﻤﻦ، ﮐﻨﺪﮨﺎﺭ، ﺧﺎﺭﺍﻥ، ﭼﺎﮔﯽ، ﺷﻮﺭﺍﻭﮎ، ﮨﻠﻤﻨﺪ، ﻣﮑﺮﺍﻥ، ﺗﺎﮞ ﺑﻨﺪﺭﻋﺒﺎﺱﺀَ ﮔﻮﮞ ﭘﻨﭻ ﮨﺰﺍﺭ ﻣﺮﺩﻣﺎﮞ ﻟﺸﮑﺮ ﮐﺸﯽ ﮐﻨﺖ ﺀُ ﮨﻮﺩ ﺀِ ﺟﮩﮧ ﻣﻨﻨﺪﺍﮞ ﻟُﭧ ﺀُ ﭘﻞ ﮐﻨﺖ۔ ﺑﻠﻮﭺ ﺷﺎﺋﺮ ﻣﺎﮞ ﺷﻌﺮﺍﻧﯽ ﺗﮩﺎ ﻣﯿﺮ ﻋﺒﺪﺍﻟﻠﮧ ﺧﺎﻥ ﺀَ ﻗﮩﺎﺭ ‏( ﺯﺍﻟﻢ ‏) ﺧﺎﻥ ﺀِ ﻧﺎﻡ ﺀَ ﯾﺎﺕ ﮐﻨﻨﺖ۔ ﻣﯿﺮ ﻋﺒﺪﺍﻟﻠﮧ ﺧﺎﻥ ﭘﻨﺠﮕﻮﺭ، ﮐﯿﭻ ﺗﺎﮞ ﺑﻨﺪﺭ ﻋﺒﺎﺱ ﺀَ ﻟُﭧ ﺀُ ﭘُﻞ ﺑﻨﺪﺍﺕ ﮐﻨﺖ ﺀُ ﺗﯿﻮﮔﯿﮟ ﺩﻣﮕﺎﮞ ﭘﺘﺎﺋﯿﺖ۔ ﮨﺮ ﻣﯿﺘﮓ ﺀُ ﺑﺎﺯﺍﺭﺍﮞ ﺟﻨﮓ ﮐﻨﺎﻥ ﺀُ ﺟﺎﮔﮩﺎﮞ ﻭﯾﺮﻧﺪﺍﮞ ﮐﻨﺖ۔

ﻣﯿﺮ ﻋﺒﺪﺍﻟﻠﮧ ﺧﺎﻥ، ‏( ﻗﮩﺎﺭ ﺧﺎﻥ ‏) ، ﯾﮏ ﺟﺎﮔﮩﮯ ﮔﺸﯿﺖ :

ﮐﻮﮨﻨﮓﺀِ ﺍﮮ ﮐﻮﮨﯿﮟ ﮐﻼﺕ

ﮐَﺴّﯽ ﭘﺖ ﺀِ ﻣﯿﺮﺍﺱ ﻧﮧ ﺍَﻧﺖ

ﻣﺎ ﭘﮧ ﺳﮕﺎﺭﺍﮞ ﮔﭙﺘﮓ ﺍَﻧﺖ

ﻋﺒﺪﺍﻟﻠﮧ ﺧﺎﻥ ﻭﮨﺪﯾﮑﮧ ﻣﮑﺮﺍﻥ ﺀِ ﺳﺮﺍ ﺍﺭﺵ ﮐﻨﺖ ﺗﮧ ﺁﺋﯽ ﺀِ ﻣﻮﻝ ﺀُ ﻣﺮﺍﺩ ﻭﺗﯽ ﮨﺎﮐﻤﯽ ﺀِ ﻭﺩّﯾﻨﮓ ﺀُ ﺑﻠﻮﭼﺴﺘﺎﻥ ﺀِ ﻣﮩﮑﻢ ﮐﻨﮓ ﻧﮧ ﺑﯿﺖ ﺑﻠﮑﻦ ﻟُﭧّ ﻭ ﭘُﻞ ﺑﯿﺖ۔ ﮨﻤﮯ ﺯﻣﺎﻧﮓ ﺀَ ﻣﺎﮞ ﺍﻭﮔﺎﻧﺴﺘﺎﻥ ﺀَ ﺍﺷﺮﻑ ﺷﺎﮦ ﺍﻭﮔﺎﻧﯽ ﺀِ ﮨﺎﮐﻤﯽ ﺑﯿﺖ ﺀُ ﺍﺷﺮﭖ ﮔﻮﮞ ﻭﺗﯽ ﻟﺸﮑﺮﺀَ ﺍﻭﮔﺎﻧﺴﺘﺎﻥ ﺀِ ﺑﺎﺯﯾﮟ ﮨﻨﺪ ﺀُ ﺩﻣﮕﺎﮞ ﻗﺒﻀﮧ ﮐﻨﺎﻥ ﺀَ ﺑﻠﻮﭼﺴﺘﺎﻥ ﺀَ ﺳﺮ ﺑﯿﺖ۔ ﻭﮨﺪﯾﮑﮧ ﻣﯿﺮ ﻋﺒﺪﺍﻟﻠﮧ ﺧﺎﻥ ﺳﺮﭘﺪ ﺑﯿﺖ ﮐﮧ ﺍﺷﺮﭖ ﺍﻭﮔﺎﻧﯽ ﻣﺎﮞ ﺑﻠﻮﭼﺴﺘﺎﻥ ﺀَ ﭘُﺘﺮﺗﮓ ﺀُ ﺁﺋﯽ ﺀِ ﻧﯿﺖ ﮨﻤﯿﺶ ﺍﻧﺖ ﮐﮧ ﺁ ﮐﻼﺕ ﺀِ ﺳﺮﺍ ﻗﺒﻀﮧ ﮐﻨﺖ، ﺗﮧ ﻣﯿﺮ ﻋﺒﺪﺍﻟﻠﮧ ﺧﺎﻥ ﭘﯿﺴﺮﺍ ﺍﺷﺮﭖ ﺍﻭﮔﺎﻧﯽ ﺀِ ﺳﺮﺍ ﺍﺭﺵ ﮐﻨﺖ ﺀُ ﺍﮮ ﺟﻨﮓ ﺀَ ﺩﻭﺋﯿﮟ ﻧﯿﻤﮕﺎﮞ ﻣﺰﻧﯿﮟ ﺟﺎﻧﯽ ﺗﺎﻭﺍﻧﮯ ﺑﯿﺖ۔ ﺍﺷﺮﭖ ﺍﻭﮔﺎﻧﯽ ﺩﺯﮔﯿﺮ ﮐﻨﮓ ﺑﯿﺖ۔ ﺁﺋﯽ ﺀِ ﻟﺸﮑﺮ ﺀِ ﻣﺰﻧﯿﮟ ﻣﺮﺩﻣﮯ ﺗﭽﯿﺖ ﺩﯾﻢ ﭘﮧ ﺍﻭﮔﺎﻧﺴﺘﺎﻥﺀَ ۔

ﻣﯿﺮ ﻋﺒﺪﺍﻟﻠﮧ ﺧﺎﻥ ﺍﻭﮞ ﻣﺎﮞ ﺟﻨﮓ ﺀِ ﭘﮍﺀَ ﮐﺸﮓ ﺑﯿﺖ۔

ﭼﮧ ﻣﯿﺮ ﻋﺒﺪﺍﻟﻠﮧ ﺧﺎﻥ ﺀَ ﭘﺪ ﮐﻼﺕ ﺀِ ﺧﺎﻥ ﺁﺋﯽ ﺀِ ﻣﺴﺘﺮﯾﮟ ﺑﭻ ﻣﯿﺮ ﻣﺤﺒﺖ ﺧﺎﻥ ﺑﯿﺖ۔ ﭼﻮﻧﮩﺎ ﺁﺋﯽ ﺀِ ﺳﺌﮯ ﺑﭻ ﺑﻨﺖ۔ ﻣﺴﺘﺮﯾﮟ ﺑﭻ ﻣﯿﺮ ﻣﺤﺒﺖ ﺧﺎﻥ، ﻣﯿﺎﻧﺠﯽ ﺀِ ﺑﭻ ﻣﯿﺮ ﺍﮨﻠﺘﺎﺯ ﺧﺎﻥ ﺀُ ﮐﺴﺘﺮﯾﮟ ﺑﭻ ﻣﯿﺮ ﻧﺼﯿﺮ ﺧﺎﻥ۔ ﺍﮨﻠﺘﺎﺯ ﺧﺎﻥ ﺀُ ﻧﺼﯿﺮ ﺧﺎﻥ ﯾﮑﯿﮟ ﻣﺎﺕ ﺀِ ﭼﮏ ﺑﻨﺖ ﺀُ ﻣﺤﺒﺖ ﺧﺎﻥ ﺩﮔﮧ ﻣﺎﺗﮯ ﺀِ۔ ﻭﮨﺪﯾﮑﮧ ﮐﻼﺕ ﺀِ ﻟﺲ ﻣﮩﻠﻮﮎ ﻣﯿﺮ ﻋﺒﺪﺍﻟﻠﮧ ﺧﺎﻥ ﺀِ ﻭﺍﮨﺸﺎﻧﯽ ﭘﺪﺍ ﭼﺮﺍﺋﯽ ﺀَ ﭘﺪ ﺁﺋﯽ ﺀِ ﻣﺴﺘﺮﯾﮟ ﺑﭻ ﺀَ ﻭﺗﯽ ﺳﺮﻭﮎ ﺟﻮﮌ ﮐﻨﻨﺖ ﺗﮧ ﺍﻭﻟﯽ ﺭﻭﭺ ﺀَ ﺁﺋﯽ ﺀِ ﮐﺴﺘﺮﯾﮟ ﺑﺮﺍﺕ ﺍﮨﻠﺘﺎﺯ ﺧﺎﻥ ﺀُ ﻧﺼﯿﺮ ﺧﺎﻥ ﺁﺋﯽ ﺀِ ﮨﻼﭖ ﺀَ ﮐﺎﺭﺑﻨﺪﺍﺕ ﮐﻨﻨﺖ ﺀُ ﺳﺮﺩﺍﺭﯼ ﺀَ ﻭﺗﯽ ﺩﺳﺖ ﺀَ ﺯﻭﺭﮒ ﺀِ ﺟﮩﺪ ﮐﻨﻨﺖ۔

ﻟﮩﺘﯿﮟ ﻭﮨﺪﺍﮞ ﭘﺪ ﺍﮮ ﺩﻭﺋﯿﮟ ﺑﺮﺍﺕ ﺳﻮﺑﯿﻦ ﺑﻨﺖ ﺀُ ﻣﯿﺮ ﻣﺤﺒﺖ ﺧﺎﻥ ﺀَ ﺩﺯﮔﯿﺮ ﮐﻨﻨﺖ ﺀُ ﮐﻼﺕ ﺀِ ﮨﺎﮐﻢ ﻣﯿﺮ ﺍﮨﻠﺘﺎﺯ ﺧﺎﻥ ﺟﻮﮌ ﮐﻨﮓ ﺑﯿﺖ۔ ﺍﻧﭽﺶ ﮔﺸﻨﺖ ﮐﮧ ﺳﺮﺩﺍﺭ ﮔﯿﺸﺘﺮ ﮐﮧ ﺑﻮﺗﮓ ﺍﻧﺖ، ﻋﺎﺷﻖ ﻣﺰﺍﺝ ﺀُ ﻋﯿﺎﺵ ﺀُ ﮐﺮﭘﭧ ﺑﻮﺗﮕﻨﺖ۔ ﻣﯿﺮ ﻣﺤﺒﺖ ﺧﺎﻥ ﺀِ ﻭﮌﺍ ﻣﯿﺮ ﺍﮨﻠﺘﺎﺯ ﺧﺎﻥ ﺍﻭﮞ ﮨﻤﮯ ﺭﻧﮓ ﺀَ ﻋﯿﺎﺷﮯ ﺑﻮﺗﮓ۔ ﺑﻠﺌﮯ ﻣﯿﺮ ﺍﮨﻠﺘﺎﺯ ﺧﺎﻥ ﭘﮧ ﻋﯿﺎﺷﯽ ﺩﺳﺘﮯ ﺩﯾﻤﺎ ﺑﻮﺗﮓ۔ ﮨﻤﮯ ﮨﺎﺗﺮﺍ ﺁﺋﯽ ﺀِ ﮐﺶ ﺀُ ﮐﺮّﺍﮞ ﻣﺮﺩﻡ ﭼﺮﺍﺋﯽ ﺀَ ﻧﮧ ﻭﺵ ﺑﻮﺗﮕﻨﺖ ﺀُ ﯾﮑﺒﺮﮮ ﭘﺪﺍ ﻟﺲ ﻣﮩﻠﻮﮎ ﺀِ ﻟﻮﭦ ﺑﯿﺖ ﮐﮧ ﻣﺎ ﻣﯿﺮ ﻣﺤﺒﺖ ﺧﺎﻥ ﺀَ ﮐﻼﺕ ﺀِ ﺳﺮﻭﮎ ﺑﮑﻨﺎﮞ۔ ﮨﻤﮯ ﺯﻣﺎﻧﮓ ﺀَ ﺍﻭﮔﺎﻧﺴﺘﺎﻥ ﺀِ ﺷﺎﮦ ﻣﯿﺮ ﺍﮨﻠﺘﺎﺯ ﺧﺎﻥ ﺀُ ﻣﺤﺒﺖ ﺧﺎﻥ، ﻧﺼﯿﺮ ﺧﺎﻥ ﺀُ ﺍﻧﺪﮔﮧ ﺟﮩﻞ ﺀِ ﺳﺮﺩﺍﺭﺍﮞ ﻭﺗﯽ ﻣﻠﮏ ﺀَ ﻟﻮﭨﺎﺋﯿﻨﯿﺖ ﮐﮧ ﻣﻨﯽ ﻣﺴﺘﺮﯼ ﺀَ ﺑﮧ ﻣﻦ ﺍِﺕ ﻣﻦ ﺷﻤﺎﺭﺍ ﮐﻤﮏ ﮐﻨﺎﮞ۔ ﺍﮮ ﺩﺭﺱ ﻣﺎﮞ ﺍﻭﮔﺎﻧﺴﺘﺎﻥ ﺀَ ﺭﻭﻧﺖ،ﮨﻤﻮﺩﺍ ﺍﻧﺪﮔﮧ ﺳﺮﺩﺍﺭ ﺍﮨﻠﺘﺎﺯ ﺧﺎﻥ ﺀِ ﺷﮑﺎﯾﺖ ﺀَ ﮐﻨﻨﺖ ﺀُ ﯾﮑﺒﺮﮮ ﭘﺪﺍ ﻣﯿﺮ ﻣﺤﺒﺖ ﺧﺎﻥ ﮐﻼﺕ ﺀِ ﮨﺎﮐﻢ ﺟﻮﮌ ﺑﯿﺖ ﺀُ ﻣﯿﺮ ﺍﮨﻠﺘﺎﺯ ﺧﺎﻥ ﺀُ ﻣﯿﺮ ﻧﺼﯿﺮ ﺧﺎﻥ ﺩﺯﮔﯿﺮ ﮐﻨﮓ ﺑﻨﺖ ﺀُ ﮐﻨﺪﮨﺎﺭ ﺀِ ﺷﺎﮨﯽ ﻣﺤﻞ ﺀَ ﺑﻨﺪﯾﮓ ﺑﻨﺖ۔ ﯾﮏ ﺭﻭﭼﮯ ﺩﻭﺋﯿﮟ ﺑﺮﺍﺕ ﻣﯿﺮ ﺍﮨﻠﺘﺎﺯ ﺧﺎﻥ ﺀُ ﻣﯿﺮ ﻧﺼﯿﺮ ﺧﺎﻥ ﮨﺒﺮﮮ ﺀِ ﺳﺮﺍ ﺍَﮌﻧﺖ ﺀُ ﻣﯿﺮ ﻧﺼﯿﺮﺧﺎﻥ ﻣﯿﺮ ﺍﮨﻠﺘﺎﺯ ﺧﺎﻥ ﺀَ ﺯﮨﻤﮯ ﺟﻨﺖ ﺀُ ﮐُﺸﯿﺖ۔

ﻭﮨﺪﯾﮑﮧ ﻣﯿﺮ ﻧﺼﯿﺮ ﺧﺎﻥ ﻭﺗﯽ ﺑﺮﺍﺕ ﺍﮨﻠﺘﺎﺯ ﺧﺎﻥ ﺀَ ﮐُﺸﯿﺖ ﺗﺎﮞ ﻣﯿﺮ ﻣﺤﺒﺖ ﺧﺎﻥ ﺳﮏ ﮔَﻞ ﺑﯿﺖ ﮐﮧ ﻧﻮﮞ ﻣﯿﺮ ﻧﺼﯿﺮ ﺧﺎﻥ ﺍﻭﮞ ﺍﮨﻠﺘﺎﺯ ﺧﺎﻥ ﺀِ ﻣﺮﮒ ﺀِ ﺍﻟﺰﺍﻡ ﺀَ ﮐُﺸﮓ ﺑﯿﺖ ﺀُ ﻣﻨﯽ ﮨﺎﮐﻤﯽ ﺀَ ﮐﺴﮯﺀَ ﭼﮧ ﺗُﺮﺱ ﻧﯿﺴﺖ۔ ﺑﻠﺌﮯ ﻧﺼﯿﺮ ﺧﺎﻥ ﺳﮑّﯿﮟ ﺗﯿﺰﯾﮟ ﻣﺮﺩﻣﮯ ﺑﯿﺖ ﺀُ ﺯﻭﺕ ﯾﻠﮧ ﺩﺋﯿﮓ ﺑﯿﺖ۔

ﮨﻤﮯ ﺯﻣﺎﻧﮓ ﺀَ ﺍﻭﮔﺎﻧﺴﺘﺎﻥ ﺀِ ﺷﺎﮦ ﺍﻭﮞ ﻭﺗﯽ ﻭَﺳِﺮﮎ ﺀِ ﺩﺳﺘﺎ ﮐُﺸﮓ ﺑﯿﺖ ﺀُ ﺍﻭﮔﺎﻧﺴﺘﺎﻥ ﺀِ ﺳﺮﺍ ﺍﺣﻤﺪ ﺷﺎﮦ ﺍﺑﺪﺍﻟﯽ ﺀِ ﮨﺎﮐﻤﯽ ﺑﻨﺪﺍﺕ ﺑﯿﺖ۔ ﺍﮮ ﮨﻤﮯ ﺯﻣﺎﻧﮓ ﺍِﻧﺖ ﮐﮧ ﮐﻼﺕ ﺀِ ﮨﺎﮐﻢ ﺍﻭﮞ ﺍﻭﮔﺎﻧﺴﺘﺎﻥ ﺀِ ﮨﺎﮐﻤﺎﻧﯽ ﺩﺳﺖ ﺀِ ﭼﯿﺮﺀَ ﺑﻨﺖ۔ ﻣﯿﺮ ﻣﺤﺒﺖ ﺧﺎﻥ ﻭﺗﯽ ﻧﺰﯾﮏ ﺗﺮﯾﮟ ﺳﺮﺩﺍﺭﮮ ﺍﺣﻤﺪ ﺷﺎﮦ ﺍﺑﺪﺍﻟﯽ ﺀِ ﮔﻮْﺭﺍ ﺩﯾﻢ ﺩﻧﺖ۔ ﮨﻤﮯ ﺳﺮﺩﺍﺭ ﻣﯿﺮ ﻣﺤﺒﺖ ﺧﺎﻥ ﺀَ ﺳﺮﭘﺪ ﻧﮧ ﮐﻨﺖ ﺀُ ﭼﺮﺍﺋﯽ ﺀِ ﻧﯿﻤﮕﺎ ﻣﯿﺮ ﻣﺤﺒﺖ ﺧﺎﻥ ﺀِ ﺟﻨﮑﯿﮟ ﭼُﮏّ ﺀِ ﺳﺎﻧﮕﺒﻨﺪﯼ ﺀَ ﮔﻮﮞ ﺍﺣﻤﺪ ﺷﺎﮦ ﺍﺑﺪﺍﻟﯽ ﮐﻨﺖ۔ ﺍﮮ ﺳﺮﺩﺍﺭﺀِ ﻧﯿﺖ ﮨﻤﯿﺶ ﺑﯿﺖ ﮐﮧ ﻣﯿﺮ ﻣﺤﺒﺖ ﺧﺎﻥ ﺀِ ﺟﻨﮏ ﻭﮨﺪﯾﮑﮧ ﺍﺣﻤﺪ ﺷﺎﮦ ﺍﺑﺪﺍﻟﯽ ﺀِ ﻟﻮﮒ ﺑﺎﻧﮏ ﺑﯿﺖ ﺗﮧ ﻣﺤﺒﺖ ﺧﺎﻥ ﺀِ ﮨﺎﮐﻤﯽ ﻣﮩﮑﻢ ﺗﺮ ﺑﯿﺖ۔ ﺑﻠﺌﮯ ﻭﮨﺪﯾﮑﮧ ﺍﮮ ﺳﺮﺩﺍﺭ ﻭﺍﺗﺮ ﺑﯿﺖ ﺩﯾﻢ ﭘﮧ ﮐﻼﺕ ﺀَ ﺩﺍﮞ ﻣﯿﺮ ﻣﺤﺒﺖ ﺧﺎﻥ ﺍﮮ ﮨﺎﻝ ﺀَ ﮐﮧ ﺳﺮﭘﺪ ﺑﯿﺖ ﺳﮏ ﺯﮨﺮ ﮔﯿﭙﺖ ﺀُ ﺍﺣﻤﺪ ﺷﺎﮦ ﺍﺑﺪﺍﻟﯽ ﺀَ ﭘﮧ ﺯﺍﻣﺎﺗﯽ ﻧﮧ ﺯﻭﺭﯾﺖ۔ ﺍﺣﻤﺪ ﺷﺎﮦ ﺍﺑﺪﺍﻟﯽ ﺍﻭﮞ ﺳﮏ ﺯﮨﺮ ﺑﯿﺖ ﮐﮧ ﺧﺎﻥ ﮐﻼﺕ ﺀَ ﻣﻨﺎ ﮐﻢ ﺷﺮﭖ ﮐُﺘﮓ۔ ﺍﺣﻤﺪ ﺷﺎﮦ ﺍﺑﺪﺍﻟﯽ ﮔﻮﮞ ﻟﺸﮑﺮ ﺀَ ﮐﺌﯿﺖ ﮐﮧ ﻣﻦ ﻣﺤﺒﺖ ﺧﺎﻥ ﺀَ ﺩﺯﮔﯿﺮ ﮐﻨﺎﮞ ﺗﮧ ﺭﺍﮦ ﺀِ ﻧﯿﻤﺎ ﯾﮏ ﺳﺮﺩﺍﺭﮮ ﮐُﺮﺁﻥ ﻣﺠﯿﺪ ﺀَ ﺯﻭﺭﯾﺖ ﺀُ ﺍﺣﻤﺪ ﺷﺎﮦ ﺍﺑﺪﺍﻟﯽ ﺀِ ﺩﯾﻤﺎ ﺍﻭﺷﺘﯿﺖ ﮐﮧ ﺍﮮ ﻭﮌ ﻣﮧ ﮐﻦ۔ ﺍﺣﻤﺪ ﺷﺎﮦ ﺍﺑﺪﺍﻟﯽ ﻣﺬﮨﺒﯽ ﻣﺮﺩﻣﮯ ﺑﯿﺖ، ﭼﺪﺍﮞ ﻭﺍﺗﺮ ﻣﺎﮞ ﺍﻭﮔﺎﻧﺴﺘﺎﻥﺀَ ﺭﺅﺕ۔ ﺑﻠﺌﮯ ﮨﻤﺎ ﻭﮨﺪ ﺀَ ﮐﮧ ﺩﯾﻢ ﭘﮧ ﮐﻼﺕ ﺀَ ﺭﮨﺎﺩﮒ ﺑﻮﺗﮓ ﺍﮮ ﻭﮨﺪﺍﮞ ﺩﯾﻢ ﭘﮧ ﻣﺴﺘﻮﻧﮓ ﺀِ ﻧﯿﻤﮕﺎ ﺁ ﻣﺰﻧﯿﮟ ﻣﺮﺩﻣﮯ ﺟﻨﺖ ﺀُ ﮐُﺸﯿﺖ۔

ﮨﺎﮐﻤﯽﺀِ ﻣﮩﮑﻢ ﮐﻨﮓ ﺀِ ﮨﺎﺗﺮﺀَ ﻣﺤﺒﺖ ﺧﺎﻥ ﺩﻝ ﺀَ ﺟﯿﮍﯾﺖ ﮐﮧ ﻣﻦ ﭼﯿﺎ ﺍﺣﻤﺪ ﺷﺎﮦ ﺍﺑﺪﺍﻟﯽ ﺀَ ﻭﺗﯽ ﺟﻨﮏ ﻧﮧ ﺩﺍﺕ۔؟ ﮨﻤﮯ ﺟﯿﮍﮔﺎﮞ ﮔﻮﮞ ﻓﯿﺼﻠﮧ ﮐﻨﺖ ﺀُ ﺩﻭﺍﺭ ﺍﺣﻤﺪ ﺷﺎﮦ ﺍﺑﺪﺍﻟﯽ ﺀَ ﻭﺗﯽ ﺯﺍﻣﺎﺕ ﮐﻨﺖ ﺀُ ﮔﻮﮞ ﺟﻨﮏ ﺀَ ﻧﮑﺎﺡ ﺩﻧﺖ۔

ﺑﻠﺌﮯ ﺍﮮ ﻭﮨﺪﺍﮞ ﻣﯿﺮ ﻣﺤﺒﺖ ﺧﺎﻥ ﺀِ ﮐﺴﺘﺮﯾﮟ ﺑﺮﺍﺕ ﻧﺼﯿﺮ ﺧﺎﻥ ﻣﺎﮞ ﺍﻭﮔﺎﻧﺴﺘﺎﻥ ﺀَ ﻧﺸﺘﮓ ﺀُ ﭘﮧ ﮨﺎﮐﻤﯽ ﺀِ ﮨﺎﺗﺮﺍ ﻭﺗﯽ ﺑﺮﺍﺕ ﺀِ ﮨﻼﭖ ﺀَ ﮐﺎﺭ ﮐﻨﮕﺎ ﺑﯿﺖ۔ ﻧﺼﯿﺮ ﺧﺎﻥ ﺭﺅﺕ ﺍﺣﻤﺪ ﺷﺎﮦ ﺍﺑﺪﺍﻟﯽ ﺀِ ﮔﻮْﺭﺍ ﮐﮧ ﺗﻮ ﻣﺤﺒﺖ ﺧﺎﻥ ﺀِ ﮨﺎﮐﻤﯽ ﺀَ ﻣﮩﮑﻢ ﮐﻨﮕﺎﺋﮯ ﺑﻠﺌﮯ ﻣﺤﺒﺖ ﺧﺎﻥ ﺗﺌﯽ ﮨﻼﭖ ﺀَ ﻣﺎﮞ ﮐﻼﺕ ﺀَ ﮐﺎﺭ ﮐﻨﮕﺎ ﺍﻧﺖ، ﺗﺌﯽ ﺳﺮﺍ ﺍﺭﺵ ﮐﻨﮓ ﺀِ ﺍﻭﮞ ﺗﯿﺎﺭﯼ ﮐﻨﮕﺎ ﺍﻧﺖ۔ ﮔﻮﺍﮦ ﺀُ ﺷﺎﮨﺪ ﺗﯿﺎﺭ ﮐﻨﮓ ﺑﻨﺖ ﺀُ ﺧﺎﻥ ﮐﻼﺕ ﻣﺤﺒﺖ ﺧﺎﻥ ﺩﺯﮔﯿﺮ ﮐﻨﮓ ﺑﯿﺖ ﺀُ ﮐﻤﯿﮟ ﻭﮨﺪﮮ ﺀَ ﭘﺪ ﻣﺤﺒﺖ ﺧﺎﻥ ﻣﺎﮞ ﺍﻭﮔﺎﻧﺴﺘﺎﻥ ﺀِ ﺑﻨﺪﯼ ﺟﺎﮦ ﺀَ ﭘﺎﮨﻮ ﺩﺋﯿﮓ ﺑﯿﺖ۔ ﮐﻼﺕ ﺀِ ﺳﺮﺍ ﻧﻮﮞ ﻧﺼﯿﺮ ﺧﺎﻥﺀِ ﮨﺎﮐﻤﯽ ﺑﻨﺪﺍﺕ بیت.... روان

دلگوش۔۔اے نبشتانکءِ تہا لیکیتگیں درائیں لبز  لیکوک ئیگ انت ۔

ﺭﺍﺟﺪﭘﺘﺮ ﺀَ ﺳﺮﺩﺍﺭﺍﻧﯽ ﺭﺍﺟﯽ ﮐﺮﺩ ۔۔۔ ﺍﻭﻟﯽ ﺑﮩر