ﺭﺍﺟﺪﭘﺘﺮ ﺀَ ﺳﺮﺩﺍﺭﺍﻧﯽ ﺭﺍﺟﯽ ﮐﺮﺩ ۔۔۔ ﺍﻭﻟﯽ ﺑﮩر

نبشتہ کار التاپ بلوچ

ﺑﻠﻮﭺ ﺭﺍﺟﺪﭘﺘﺮﺀُ ﮐﻮْﮨﻨﯿﮟ ﺷﺎﻋﺮﯼ ﺀَ ﮐﮧ ﻭﺍﻧﺌﮯ ﺗﮧ ﻣﺎﺭﺍ ﺳﺮﭘﺪﯼ ﺭﺳﯿﺖ ﮐﮧ ﺑﻠﻮﭺ ﯾﮏ ﺍﻧﭽﯿﮟ ﺭﺍﺟﮯ ﮐﮧ ﭼﮧ ﮐﺪﯾﻤﺎﮞ ﺟﻨﮓ ﺀُ ﺟﺪﻝ ﺀِ ﺗﮩﺎ ﺭُﺳﺘَﮓ ﺀُ ﺍﮮ ﮐَﺪّ ﺀَ ﺍﺗﮑﮓ ﺳﺮ ﺍِﻧﺖ۔

ﮐﺒﯿﻠﮧ، ﭨَﮏّ ﺀُ ﮐُﭩُﻢ ﺍﻧﺴﺎﻥ ﺀِ ﺍﮮ ﺳﺮﺯﻣﯿﻦ ﺀِ ﺳﺮﺍ ﺍﻭﻟﯽ ﺟﻮﮌ ﮐﺘﮕﯿﮟ ﭼﺎﮔﺮﺩﯼ ﮔﻞ ﺍَﻧﺖ ﮐﮧ ﺍﻧﺴﺎﻥ ﺀَ ﺑﯿﺪ ﺀ ﺍِﺷﺎﮞ ﻭﺗﺎﺭﺍ ﺯﻧﺪﮒ ﺩﺍﺷﺖ ﻧﮧ ﮐﺘﮓ۔ ﮨﻤﮯ ﮨﺎﺗﺮﺍ، ﻣﺎ ﻭﮨﺪﮮ ﺑﻠﻮﭺ ﺭﺍﺝ ﺀَ ﮔﻨﺪﺍﮞ ﮐﮧ ﺩﮔﮧ ﺩﮔﮧ ﭨَﮏّ ﺀُ ﮐﺒﯿﻠﮩﺎﮞ ﺑﮩﺮ ﺍِﻧﺖ ﯾﺎ ﺑﻠﻮﭺ ﺀِ ﭘﺠّﺎﺭ ﮔﯿﺸﺘﺮ ﮐﺒﯿﻠﮧ ﺀِ ﺩﺭﻭﺷﻢ ﺀَ ﺍﻧﺖ، ﺍﮮ ﮨﻤﮯ ﺷﻮﻥ ﺀَ ﺩﻧﺖ ﮐﮧ ﺑﻠﻮﭺ ﯾﮏ ﺗﺎﺭﯾﺨﯽ ﻗﻮﻣﮯ، ﺍﻧﺴﺎﻧﯽ ﺗﮩﺬﯾﺐ ﺀُ ﺍﺭﺗﻘﺎﺀ ‏( ﺭﺩﻭﻡ ‏) ﺀِ ﺑﻨﺪﺍﺗﯽ ﺯﻣﺎﻧﮕﺎﻧﯽ ﻗﻮﻣﮯ۔ ﭨَﮏ ّ ﻭ ﺑﻮﻟﮏ ﯾﺎ ﮐﺒﯿﻠﮩﺎﮞ ﻣﺪﺍﻡ ﺍﻧﺴﺎﻧﯽ ﺗﺎﺭﯾﺦ ﺀِ ﺗﮩﺎ ﻭﺗﯽ ﯾﮏ ﺭﮨﺒﻨﺪﮮ ﺟﻮﮌﮐﺘﮓ ﮐﮧ ﮨﻤﺎ ﭼﺎﮔﺮﺩ ﺀِ ﺟﯿﮍﮨﺎﻧﯽ ﮔﯿﺶّ ﺀُ ﮔﯿﻮﺍﺭ ﮐﻨﮓ ﺀِ ﺯﻟﻮﺭﺗﺎﻧﯽ ﭘﻮﺭﺍ ﺑﮧ ﮐﻨﺖ۔ ﭨَﮏ ﺀُ ﺑﻮﻟﮑﺎﮞ ﻭﺗﯽ ﻭﺗﯽ ﻣﺴﺘﺮ ،ﮐﻤﺎﺵ ﺀُ ﺯﺍﻧﺘﮑﺎﺭﯾﮟ، ﻣﺰﻥ ﺟﮕﺮﯾﮟ ﻣﺮﺩﻡ ،ﺍﻧﺼﺎﻑ ﮐﻨﻮﮐﯿﮟ ﺀُ ﺩُﻭﺭ ﭼﺎﺭﯾﮟ ﻣﺮﺩﻡ ﺳﺮﻭﮎ ﺟﻮﮌ ﮐﺘﮓ ﺍَﻧﺖ ﺀُ ﺍﻧﺪﮔﮧ ﻣﺮﺩﻣﺎﮞ ﮨﻤﺎﺋﯽ ﺀِ ﺩﺳﺖ ﺀِ ﭼﯿﺮﺀَ ﮐﺎﺭ ﮐﺘﮓ ﺀ ُ ﻭﺗﯽ ﭼﺎﮔﺮﺩﺍﻧﯽ ﺟﻨﺠﺎﻝ ﭨﮩﯿﻨﺘﮓ ﺍَﻧﺖ۔ ﺍﮮ ﮨﻤﺎ ﺯﻣﺎﻧﮓ ﺍﻧﺖ ﮐﮧ ﺍﻧﺴﺎﻥ ﺀَ ﺭﯾﺎﺳﺖ، ﮐﺎﻧﻮﺩ، ﺁﺋﯿﻦ ﺀُ ﺭﮨﺒﻨﺪ ﻧﮧ ﺑﻮﺗﮓ۔

ﮨﻤﮯ ﭘﯿﻤﺎ ﺑﻠﻮﭺ ﭨَﮑّﺎﮞ ﺍﻭﮞ ﻭﺗﯽ ﭼﺎﮔﺮﺩﯼ ﺟﯿﮍﮨﺎﻧﯽ ﮨﺎﺗﺮﺍ ﻭﺗﯽ ﮐﺒﯿﻠﮩﺎﻧﯽ ﺳﺮﮐﻤﺎﺵ ﻭﺗﯽ ﻭﺗﯽ ﻣﯿﺘﮓ ﺀِ ﺳﺮﻭﮎ ﺀُ ﻣﯿِﺮ ﺟﻮﮌ ﮐﺘﮓ ﺍَﻧﺖ ﺀُ ﭼﺎﮔﺮﺩﯼ ﺭﮨﺒﻨﺪﮮ ﻭﺗﯽ ﺭﺍﺟﯽ ﺗﺐ ﺀِ ﻣﺘﺎﺑﮏ ﺀَ ﭨﮩﯿﻨﺘﮓ ﮐﮧ ﺁﮨﺎﻧﯽ ﺯﻧﺪ ﺀِ ﺟﻨﺠﺎﻻﻧﯽ ﮔﯿﺶ ﻭ ﮔﯿﻮﺍﺭ ﮐُﺖ ﺑﮧ ﮐﻨﺖ۔

ﺍﻧﭽﺶ ﮔﺸﻨﺖ ﮐﮧ ﮐﺪﯾﻤﯿﮟ ﺯﻣﺎﻧﮕﺎﮞ ﮨﻤﺎ ﭼﺎﮔﺮﺩﯼ ﺳﺮﻭﮎ ﺀِ ﮔﭽﯿﻦ ﺳﺎﭖ ﺀُ ﭘﻠﮕﺎﺭﯾﮟ ﮈﯾﻤﻮﮐﺮﯾﭩﮏ ﺭﻧﮕﮯﺀَ ﺑﻮﺗﮓ۔ ﯾﮏ ﺳﺮﻭﮐﮯ ﺀِ ﺑﯿﺮﺍﻧﯽ ﺀَ ﭘﺪ ﺩﮔﺮﮮ ﻣﺮﺩﻣﺎﮞ ﭘﮧ ﻭﺕ ﮔﭽﯿﻦ ﮐﺘﮓ۔ ﺍﮔﮟ ﭘﯿﺴﺮﯼ ﺳﺮﻭﮎ ﺀِ ﭼُﮏ، ﯾﺎ ﺑﺮﺍﺕ ﺀُ ﻭﺍﺭﺱ ﻧﺎﺑﻮﺩﮮ ﺑﻮﺗﮓ، ﺑﺰﺩﻟﮯ ﺑﻮﺗﮓ ﯾﺎ ﻧﺎﻻﺋﻖ ﺀُ ﺍﺣﻤﻘﯿﮟ ﻣﺮﺩﻣﮯ ﺑﻮﺗﮓ، ﺁﺋﺮﺍ ﭘﮧ ﻭﺍﺭﺳﯽ ﺳﺮﻭﮐﯽ ﺀِ ﺟﺎﮔﮧ ﺀَ ﺁﺭﮒ ﻧﺒﻮﺗﮓ ﺑﻠﮑﻦ ﮨﻤﺎ ﮐﺒﯿﻠﮧ ﺀِ ﺗﮩﺎ ﻻﺋﻖ ،ﺍﯾﻤﺎﻧﺪﺍﺭﺀُ ﺩﻟﯿﺮﯾﮟ ﻣﺮﺩﻡ ﺍِﺵ ﺩَﺭﭼﺘﮓ ﺀُ ﮐُﻼّﻧﯽ ﺳﻮﺝ ءُ ﺳَﻼﮦ ءَ ﭘﺪ ﻧﻮﮐﯿﮟ ﺳﺮﻭﮎ ﮔﭽﯿﻦ ﮐﻨﮓ ﺑﻮﺗﮓ۔

بلوچ ﻧﺒﺸﺘﮧ ﮐﺎﺭ ﻭﺍﺟﮧ ﮈﺍﮐﭩﺮ ﺷﺎہ ﻣﮩﻤﺪ ﻣﺮﯼ ﻭﺗﯽ ﮐﺘﺎﺏ ﺑﻠﻮﭺ ﻗﻮﻡ 2 ﺀ ِ ﺗﺎﮐﺪﯾﻢ 64 ﺀِ ﺳﺮﺍ ﻧﺒﺸﺘﮧ ﮐﻨﺖ ﮐﮧ ﺑﻠﻮﭼﺎﻧﯽ ﺗﮩﺎ ﺳﺮﺩﺍﺭءِ ﺟﺎﮦ ءُ ﻣﮑﺎﻡ ﯾﺎ ﺍﺭﺯﺷﺖ ﺳﮏ ﻣﺰﻥ ﺑﻮﺗﮓ،ﺀُ ﭘﺮﭼﮧ ﻣﮧ ﺑﯿﺖ ﮐﮧ ﺳﺮﺩﺍﺭ ﻣﻮﺭﻭﺛﯽ ﺑﺰﺍﮞ ﭘﺖ ءُ ﭘﯿﺮُﮐﯽ ﻧﮧ ﺑﻮﺗﮓ ﺍَﻧﺖ۔ ﭨَﮏّ ﺀِ ﺩُﺭﺳﺎﮞ ﭼﮧ ﺷﺮ ﺗﺮﯾﮟ ﻣﺮﺩﻡ ﺑﻮﺗﮓ ﺍَﻧﺖ ﮐﮧ ﺁﮨﺎﻧﯽ ﺗﮩﺎ ﺑﻠﻮﭼﯿﺖ ءِ ﺩﺭاﮨﯿﮟ ﺷﺮّﯼ ﺑﻮﺗﮓ ﺍَﻧﺖ ﺀُ ﺳﺮﺩﺍﺭﺍﮞ ﻭﺗﯽ ﭨَﮏّ ﺀِ ﺩﯾﻤﺮﻭﺋﯽ ﺀُ ﮔﮩﺒﻮﺩﯼ ﺀِ ﻭﺍﺳﺘﺎ ﮐﺎﺭ ﮐﺘﮓ۔

ﻣﺮﭼﯿﮕﯿﮟ ﺳﺮﺩﺍﺭءُ ﻧﻮﺍﺏ ﺀِ ﺍﺻﻄﻼﺡ ﮐﮧ ﻣﺌﮯ ﭼﺎﮔﺮﺩﺍﮞ ﺍﺳﺖ ﺍِﻧﺖ، ﮐﻮّﺍﺱﺀُ ﺩﭘﺘﺮ ﺯﺍﻧﺘﺎﻧﯽ ﮔﺸﮓ ﺍِﻧﺖ ﮐﮧ ﺍﮮ ﺍﺻﻄﻼﺡ ﯾﺎ ﺭﮨﺒﻨﺪ ﺑﻠﻮﭺءِ ﺯﻧﺪﻣﺎﻥ ﺀِ ﻭﺍﺳﺘﺎ ﻧﻮﮐﯿﮟ ﭼﯿﺰﮮ ﮐﮧ ﮈﻧّﯽ ﺯﻭﺭﺁﻭﺭﯾﮟ ﮨﻤﺎ ﺭﺍﺝ ﮐﮧ ﺑﻠﻮﭺ ﭼﺎﮔﺮﺩ ﺀِ ﺗﮩﺎ ﺍﺗﮑﮓ ﺍَﻧﺖ ﺀُ ﺑﻠﻮﭺ ﺍِﺵ ﻟَﭧّ ﻭ کُٹ ﮐﺘﮓ، ﺑﮩﺮﺀُ ﺑﺎﻧﮓ ﮐﺘﮕﻨﺖ ﺀُ ﺑﻠﻮﭺ ﺳﺮﮈﮔﺎﺭ ﺍِﺵ ﭘُﻞ ﺍِﺗﮓ ،ﺍﮮ ﺭﮨﺒﻨﺪ ﮨﻤﺎ ﺭﺍﺟﺎﻧﯽ ﺩﺍﺗﮕﯿﮟ ﺳﻮﮔﺎﺗﮯ۔ ﺍﮮ ﺯﻭﺭﺁﻭﺭﯾﮟ ﺭﺍﺟﺎﮞ ﮐﮧ ﻭﺗﯽ ﮐﺪﻡ ﺑﻠﻮﭺ ﺳﺮﮈﮔﺎﺭﺀِ ﺳﺮﺍ ﺍﯾﺮ ﮐﺘﮓ ﺍﻧﺖ ﺗﮧ ﺁﮨﺎﮞ ﺍﮮ ﺳﺮﮈﮔﺎ ﺀِ ﮐﺸّﻮﮐﯿﮟ ﮔﻮْﺍﺕ، ﮐﺆﺭﺍﻧﯽ ﮈَﻝ ﺀُ ﺳﻨﮓ، ﮐﻮﮨﺎﻧﯽ ﭨُﻞّ، ﺯِﺭ، ﺍﮮ ﺯﻣﯿﻦﺀِ ﺳﺮﺀُ ﭼﯿﺮﺍ ﺍﺳﺘﯿﮟ ﮔْﻮﺍﺟﻦ، ﺑﻠﻮﭺ ﺳﺮﮈﮔﺎﺭ ﺀِ ﺳﯿﻤﺴﺮ ﺀُ ﺁﺋﯽ ﺍﺭﺯﺷﺖ ﺀَ ﺳﺮﭘﺪ ﺑﻮﺗﮓ ﺍﻧﺖ۔

ﺩﺭﯼ ﺭﺍﺟﺎﻧﯽ ﻣﺪﺍﻡ ﺟﮩﺪ ﮨﻤﯿﺶ ﺑﻮﺗﮓ ﮐﮧ ﺍﮮ ﺳﺮﮈﮔﺎﺭﺀِ ﻭﺍﺟﮧ ﻣﺎ ﺑﮧ ﺑﺎﮞ،ﺀُ ﮨﻤﮯ ﻟﻮﭨﺎﻧﯽ ﭘﺪﺍ ﺩﺭﯼ ﺭﺍﺟﺎﮞ ﺑﻠﻮﭺ ﺳﺮﮈﮔﺎﺭﺀِ ﺳﺮﺍ ﺍُﺭﺵ ﮨﻢ ﺳﮏ ﺑﺎﺯ ﮐُﺘﮓ ﺀُ ﺑﺎﺯﯾﮟ ﻏﯿﺮﺕ ﻣﻨﺪﯾﮟ ﺑﻠﻮﭺ ﺷﮩﯿﺪ ﮐﺘﮓ۔ ﮨﻤﺎ ﺯﻣﺎﻧﮕﺎﮞ ﮐﮧ ﺑﻠﻮﭺ ﯾﮏ ﭘَﺖّ ﻭ ﺗﭙﺎﮎ ﺑﻮﺗﮓ ﺍَﻧﺖ ﺀُ ﺩﺭﯼ ﺯﻭﺭﺁﻭﺭﯾﮟ ﺭﺍﺟﺎﻥﺀَ ﭘﺮﻭﺵ ﺩﺍﺗﮓ ﺍِﺵ ﺀُ ﭼﮧ ﺳﺮﮈﮔﺎﺭﺀَ ﮔَﻠّﯿﻨﺘﮓ ﺍِﺵ، ﮨﻤﺎ ﺯﻣﺎﻧﮕﺎﮞ ﮈﻧّﯽ ﻣﮩﻠﻮﻧﮏ ﺀَ ﯾﮏ ﭘﻨﺪﻟﮯ ﺟﻮﮌ ﮐﺘﮓ ﮐﮧ ﺑﻠﻮﭺﺀِ ﺳﺮﺍ ﮨﺎﮐﻤﯽ ﮐﻨﮓ ﺀُ ﺁﺋﺮﺍ ﮔﻼﻡ ﺩﺍﺭﮒ ﺀِ ﻣﺴﺘﺮﯾﮟ ﺳﺎﺯﺵ ﮨﻤﯿﺶ ﺑﻮﺕ ﮐﻨﺖ ﮐﮧ ﺍﺷﺎﮞ ﻭﺕ ﻣﺎﮞ ﻭﺕ ﺟَﻨﮓ ﺩﺋﮯ، ﮔﮍﺍﮞ ﺑﻠﻮﭺ ﺀِ ﺳﺮﺍ ﺣﺎﮐﻤﯽ ﺀُ ﺁﺋﯽ ﺀِ ﺳﺮﮈﮔﺎﺭﺀِ ﮔْﻮﺍﺟﻨﺎﻧﯽ ﻟُﭧ ﺀُ ﭘُﻞ ﺍﺭﺯﺍﻥ ﺑﯿﺖ۔

ﮨﻤﮯ ﮨﺎﺗﺮﺍ ﮈﻧّﯽ ﺯﻭﺭﺍﻭﺭﯾﮟ ﻣﺎﻟﺪﺍﺭﯾﮟ ﺭﺍﺟﺎﮞ ﺑﺎﺯﯾﮟ ﮨﻤﺎ ﻣﯿﺘﮕﺎﮞ ﮐﮧ ﯾﮏ ﺑﻠﻮﭺ ﻗﺒﯿﻠﮧ ﺀِ ﻣﺮﺩﻣﺎﮞ ﮔﻮﮞ ﺩﻭﻣﯿﮓ ﺀَ ﮔﻮْﻧﮉﯾﮟ ﻧﺎﺭﺍﺯﯼ ﯾﮯ ﺑﻮﺗﮓ ﮔُﮉﺍ ﮈّﻧﯽ ﻣﺮﺩﻣﺎﮞ ﮨﻤﺎ ﻧﺰﻭﺭﯾﮟ ﻣﺮﺩﻡ ﻭﺗﯽ ﺩﺳﺖ ﺀَ ﮐﺘﮓ، ﺯَﺭّ ﺀُ ﻣﻼﻡ ﺩﺍﺗﮓ ،ﻟﺸﮑﺮ ﺩﺍﺗﮓ ﮐﮧ ﺗﻮ ﻭﺗﯽ ﻣﺨﺎﻟﻒ ﻣﺮﺩﻣﺎﮞ ﮔﻮﮞ ﺟﻨﮓ ﮐﻦ ﺀُ ﺩﻣﮓ ﺀِ ﺳﺮﻭﮎ ﺟﻮﮌ ﺑﻮ،ﻣﺎ ﺗﺌﯽ ﮨﺮ ﭘﯿﻤﯿﮟ ﮐُﻤﮏ ﮐﻨﺎﮞ۔ ﮨﻤﮯ ﺩﻭﻟﺖ، ﻭﺍﺟﮩﯽ ﺀُ ﺳﺮﻭﮐﯽ ﺀِ ﻻﻟﭻ ﺀَ ﺑﻠﻮﭺ ﭼﺎﮔﺮﺩ ﺀَ ﺟﺎﮔﮧ ﮐُﺘﮓ ﺀُ ﺑﻠﻮﭺ ﺭﻭﺍﯾﺎﺕ ﭘﺮْﺷﺎﻥ ﺀُ ﺳﺮﺩﺍﺭﺀُ ﻧﻮﺍﺑﯽ ﺀِ ﺷﯿﺮﮐﻨﯽ ﺀَ ﺑﻠﻮﭺ ﭼﺎﮔﺮﺩ ﭘﺮﺷﺖ ﺀُ ﭘﺮﻭﺵ ﺀِ ﺁﻣﺎﭺ ﺟﻮﮌ ﮐﺖ۔

ﺍﮮ ﺭﻧﮕﯿﮟ ﮐِﺴّﮧ ﻣﺎﮞ ﺑﻠﻮﭺ ﺭﺍﺝ ﺩﭘﺘﺮﺀَ ﺳﮏ ﺑﺎﺯ ﺍِﻧﺖ ﮐﮧ ﺑﻠﻮﭺ ﺀَ ﻭﺕ ﻣﺎﮞ ﻭﺗﯽ ﺟﻨﮕﺎﮞ ﺳﯽ ﺀُ ﭼِﻞّ ﺳﺎﻻﮞ ﯾﮑﮯ ﺩﻭﻣﯿﮓ ﺟﺘﮓ ﺀُ ﮐُﺸﺘﮓ۔ ﮨﻤﮯ ﻭﺍﺳﺘﺎ ﺑﻠﻮﭺ ﺩﻭﺩ ﻣﯿﺰﺍﻥ ﻣﯿﺰﺍﻥ ﺀَ ﭘﺮﺷﺎﻥ ﺀُ ﭼﺎﮔﺮﺩ ﺀِ ﮈﯾﻤﻮﮐﺮﯾﭩﮏ ﺭﮨﺒﻨﺪ ﮔﻮﮞ ﮨﺎﮐﺎﮞ ﮨﻮﺍﺭ ﺑﻮﺗﮓ۔ ﺀُ ﻣﺮﭼﯿﮕﯿﮟ ﺳﺮﺩﺍﺭﺀُ ﻧﻮﺍﺑﯽ ﺭﮨﺒﻨﺪ ﺩﯾﻤﺎ ﺍﺗﮏ ﮐﮧ ﮨﭻ ﺭﻧﮓ ﺀَ ﮔﻮﮞ ﺑﻠﻮﭺ ﺗﺐ ﯾﺎ ﺍﻧﺴﺎﻧﯽ ﮈﯾﻤﻮﮐﺮﯾﭩﮏ ﺭﮨﺒﻨﺪﺍﮞ ﮨﻤﺪﭖ ﻧﮧ ﺍِﻧﺖ۔ ﭼﯿﺎ ﮐﮧ ﺍﺩﺍ ﺳﺮﺩﺍﺭﯼ ،ﻧﻮﺍﺑﯽ ﺳﭧ ﺍَﭖ ﺀُ ﻭﺍﺟﮧ ﮐﺎﺭﯼ ﮨﻤﺎ ﺍِﻧﺖ ﮐﮧ ﯾﮏ ﻣﺮﺩﻣﮯ ﺍﮔﺎﮞ ﺳﺮﻭﮎ ﺍِﻧﺖ ﺁﺋﯽ ﺀَ ﭘﺪ ﺁﺋﯽ ﺀِ ﭼﮏ، ﻧﻤﺎﺳﮓ، ﺑﺮﺍﺕ، ﺑﺮﺍتﺯﺗﮏ ﯾﺎ ﺩﮔﮧ ﻭﺍﺭﺳﮯ ﮨﻤﺎ ﺳﺮﺩﺍﺭﯼ ﺀ ِ ﺟﺎﮔﮧ ﺀ ِ ﻭﺍﺭﺱ ﺍِﻧﺖ۔ ﺍﮮ ﮐﺒﯿﻠﮧ ﺀِ ﺗﮩﺎ ﺍﻧﺪﮔﮧ ﻣﺮﺩﻣﺎﻧﯽ ﮈﯾﻤﻮﮐﺮﯾﭩﮏ ﺣﻘﺎﻧﯽ ﮬﻼﭖ ﺍِﻧﺖ ﺀُ ﯾﮏ ﻟﻮﮔﮯ ﺀِ ﮬﺎﮐﻤﯽ ﮔﺸﮓ ﺑﯿﺖ۔

ﺍﮔﺎﮞ ﮨﻤﮯ ﺳﺮﺩﺍﺭﺀِ ﮨﻤﺎ ﺳﯿﺎﺳﯽ ﻭﺍﺭﺱ ﺑﺰﺩﻟﮯ ﺑﯿﺖ، ﻻﻟﭽﯽ ﯾﮯ ﺑﯿﺖ، ﻭﺗﯽ ﭨَﮏّ ﺀُ ﮐﺒﯿﻠﮧ ﺀِ ﻟﻮﭨﺎﻧﯽ ﻣﺘﺎﺑﮏ ﺀَ ﻣﮧ ﺑﯿﺖ، ﺍﺣﻤﻘﮯ ﺑﯿﺖ، ﺑﻠﮯ ﺁ ﺳﺮﺩﺍﺭ ﺍﻟﻢ ﺑﯿﺖ ﭼﯿﺎ ﮐﮧ ﺁﺋﺮﺍ ﺍﮮ ﺣﻖ ﭼﮧ ﻭﺭﺍﺛﺖ ﺀَ ﮔﻮﻥ ﺍِﻧﺖ۔ ﺍﮮ ﺭﮨﺒﻨﺪ ﺀَ ﺑﻠﻮﭺ ﺭﺍﺝ ﺳﮏ ﺑﺎﺯ ﻧُﮑﺲ ﺩﺍﺗﮓ۔

ﻣﺎ ﻭﮨﺪﮮ ﭼﮧ ﺍﮊﺩﮨﻤﯽ ﮐﺮﻥ ﺀِ ﺩَﺳﺖ ﮐﭙﺘﮕﯿﮟ ﺭﺍﺝ ﺩﭘﺘﺮﯼ ﻧﺸﺎﻧﯿﺎﮞ ﭼﺎﺭﺍﮞ ﺗﮧ ﻣﺎﺭﺍ ﺳﻤﺎ ﮐﭙﯿﺖ ﮐﮧ ﺑﻠﻮﭺ ﭼﺎﮔﺮﺩ ﺀَ ﺑﮯ ﺍﯾﻤﻨﯽ، ﺑﺮﺍﺕ ﮐُﺸﯽ، ﺩُﺯﯼ، ﻟُﭧّ ﺀُ ﭘُﻞ ﺀُ ﮨﻤﮯ ﺭﻧﮓ ﺀِ ﺟﺎﻭﺭ ﺳﮏ ﺑﺎﺯ ﮔﻨﺪﮔﺎ ﮐﺌﯿﺖ۔ ﺍﺷﯽ ﺀِ ﻣﺴﺘﺮﯾﮟ ﺳﻮْﺏ ﮨﻤﮯ ﻭﺍﺟﮧ ﮐﺎﺭﯼ ﺀُ ﺳﺮﺩﺍﺭﯼ ﺳﺴﭩﻢ ﺍِﻧﺖ ۔ﻣﺎ ﮔﻨﺪﮔﺎﺋﯿﮟ ﮐﮧ ﺳﺮﺩﺍﺭﯼ ﺀُ ﻭﺍﺟﮧ ﮐﺎﺭﯼ ﺀِ ﭘﺎﮒ ﺀِ ﺳﺮﺍ ﮐﻨﮓ ﺀِ ﻭﺍﺳﺘﺎ ﭘِﺖ ﻭﺗﯽ ﭼﮑﺎﮞ، ﭼﮏ ﻭﺗﯽ ﭘﺖﺀَ، ﺑﺮﺍﺕ ﻭﺗﯽ ﺑﺮﺍﺕ ﺀَ ﺀُ ﺍﻧﺪﮔﮧ ﻭﺍﺭﺳﺎﮞ ﺍﻭﮞ ﮐُﺸﮕﺎ ﺍَﻧﺖ ﺩﺍﮞ ﮐﮧ ﮨﺎﮐﻤﯽ ﮨﻤﺎﺋﯽ ﺀِ ﺩﺳﺖ ﺀَ ﺑﺌﯿﺖ۔ ﺍﮔﺮﭼﮧ ﻣﺎﺭﺍ ﺍﮮ ﺭﻧﮕﯿﮟ ﺟﺎﻭﺭ ﺍﻧﺪﮔﮧ ﺑﺎﺯﯾﮟ ﺭﺍﺟﺎﻧﯽ ﺭﺍﺝ ﺩﭘﺘﺮﺀِ ﺗﮩﺎ ﮔﻨﺪﮔﺎ ﮐﺌﯿﺖ ﺑﻠﺌﮯ ﺑﻠﻮﭺ ﺀِ ﺭﺍﺟﯽ ﺗﺐ ﭼَﭧﺀَ ﺟﺘﺎ ﺀُ ﯾﮑﺘﺎ ﺍِﻧﺖ۔ ﺀُ ﺍﮮ ﻧﺎﺩﺭﺍﮨﯽ ﮔﺸﺌﮯ ﺑﻠﻮﭺ ﺯﻧﺪﻣﺎﻥ ﺀِ ﺗﮩﺎ ﮔﯿﺶ ﺗُﺮﺳﻨﺎﮐﯿﮟ ﺭﻧﮓ ﺀُ ﺩﺭﻭﺷﻤﮯ ﺀَ ﺩﯾﻤﺎ ﺍﺗﮑﮓ ﺀُ ﺗﺎﺭﯾﺦ ﺀِ ﺗﺎﮐﺎﮞ ﮐﮧ ﻭﺍﻧﺌﮯ ﺗﮧ ﺳﮏ ﺑﯿﻤﻨﺎﮐﯽ ﯾﮯ ﻣﺌﮯ ﺩﯾﻤﺎ ﮐﺌﯿﺖ ﮐﮧ ﭘﮧ ﮨﺎﮐﻤﯽ ﺀِ ﮨﺎﺗﺮﺍ ﺑﻠﻮﭺ ﺳﺮﺩﺍﺭﺀُ ﻭﺍﺟﮧ ﮐﺎﺭﺍﮞ ﭼﮯ ﭼﮯ ﻧﮧ ﮐﺘﮓ۔ ﮨﺮ ﮨﻤﺎ ﮐﺎﺭ ﮐﮧ ﺑﻠﻮﭺ ﺩﻭﺩﺍﻧﯽ ﮬﻼﭖ ﺍﻧﺖ ﮔﯿﺸﺘﺮﯾﮟ ﺳﺮﺩﺍﺭ ﮨﻤﺎ ﮐﺎﺭ ﺀِ ﮐﻨﮕﺎ ﺗﯿﺎﺭ ﺑﻮﺗﮓ ﺍﻧﺖ۔ ﮨﻤﮯ ﻭﺍﺳﺘﺎ ﻣﺮﭼﯽ ﺳﯿﺎﺳﯽ ﭘﮍﺀَ ﺑﻠﻮﭺ ﭼﮧ ﺍﻧﺪﮔﮧ ﺭﺍﺟﺎﮞ ﭘﺸﺖ ﮐﭙﺘﮓ۔

ﺍﮮ ﻧﺒﺸﺘﺎﻧﮏﺀِ ﺗﮩﺎ ﻣﻦ ﺟﮩﺪ ﮐﻨﺎﮞ ﮐﮧ ﻣﺎﮞ ﺑﻠﻮﭺ ﭼﺎﮔﺮﺩ ﺀِ ﺗﮩﺎ ﺑﻠﻮﭺ ﺳﺮﺩﺍﺭ، ﻧﻮﺍﺏ ﺀُ ﻭﺍﺟﮧ ﮐﺎﺭﺍﻧﯽ ﺳﯿﺎﺳﯽ ﮐﺮﺩ ﭼﮯ ﺑﻮﺗﮓ ﺀُ ﭼﯿﻨﮑﺲ ﭘﮧ ﺑﻠﻮﭺ ﺳﺮﮈﮔﺎﺭﺀَ ﺍﮮ ﺳﯿﺎﺳﯽ ﮐﺮﺩ ﺀِ ﻧﭗ ﺀُ ﻧُﮑﺲ ﺑﻮﺗﮓ ﺍَﻧﺖ۔ﺀُ ﻣﺮﭼﯽ ﮐﮧ ﻣﺌﮯ ﺳﯿﺎﺳﯽ ﺟﺎﻭﺭﺍﻝ ﺍَﻧﺖ ﺩﯾﻤﺘﺮﺍ ﺑﻠﻮﭺ ﭼﮧ ﻭﺗﯽ ﺳﺮﺩﺍﺭﺍﮞ ﮐﺠﺎﻡ ﺍﻭﺳﺖﺀَ ﺑﺪﺍﺭﯾﺖ۔

ﮈﺍﮐﭩﺮﺷﺎﮦ ﻣﮭﻤﺪ ﻣﺮﯼ ﻭﺗﯽ ﮐﺘﺎﺏ ﺑﻠﻮﭺ ﻗﻮﻡ 2 ﺀِ ﺗﺎﮐﺪﯾﻢ 64 ﺀِ ﺗﮩﺎ ﻧﺒﺸﺘﮧ ﮐﻨﺖ ﮐﮧ ﻟﺒﺰ ” ﺳﺮﺩﺍﺭ “ ﺩﺭﺁﻣﺪﯾﮟ ﻟﺒﺰﮮ ﮐﮧ ﻧﺼﯿﺮ ﺧﺎﻥ ﺍﻭﻝ ﺀِ ﺯﻣﺎﻧﮓ ﺀَ ﺑﻨﺪﺍﺕ ﺑﯿﺖ۔ ﺍِﺷﯽﺀَ ﭼﮧ ﭘﯿﺴﺮ ﺑﻠﻮﭼﺎﮞ ﺳﺮﺩﺍﺭﺀِ ﺟﺎﮔﮩﮧ ﺀَ ” ﻣِﯿﺮ “ ﺀِ ﻟﺒﺰ ﮐﺎﺭ ﻣﺮﺯ ﮐﺘﮓ ۔

ﻣﺎ ﺍﮔﺎﮞ ﭼﮧ ﭘﺎﻧﺰﺩﮨﻤﯽ ﮐﺮﻥﺀِ ﻣِﯿﺮﻭﺀَ ﺑﻨﺪﺍﺕ ﺑﮑﻨﺎﮞ ﺀُ ﺩﺍﻧﮑﮧ ﺑﯿﺴﺖ ﺀُ ﯾﮑﻤﯽ ﮐﺮﻥ ﺀِ ﻧﻮﮐﺘﺮﯾﮟ ﻧﻮﺍﺏ ﻣﮩﺮﺍﻥ ﻣﺮﯼ ﺀَ ﺑﯿﺎ ﺋﯿﮟ، ﻣﺎﺭﺍ ﺑﻠﻮﭺ ﭼﺎﮔﺮﺩ ﺀ ُ ﺭﺍﺟﮑﺎﺭﯼ ﺀِ ﺗﮩﺎ ﻣﺰﻧﯿﮟ ﮐُﺸﺖ ﺀُ ﮨﻮﻧﮯ ﮔﻨﺪﮔﺎ ﮐﺌﯿﺖ ﮐﮧ ﭘﮧ ﻭﺍﺟﮧ ﮐﺎﺭﯼﺀِ ﻭﺍﺳﺘﺎ ﺑﻮﺗﮓ ﺀُ ﭼﺮﮮ ﮐُﺸﺖ ﺀُ ﮨﻮﻧﺎﮞ ﮨﺰﺍﺭﺍﮞ ﺑﻠﻮﭺ ﭘُﺴّﮓ ﺀُ ﻣﺰﻧﯿﮟ ﻻﺋﮑﯿﮟ ﺀُ ﺭﺍﺟﯽ ﺑﺎﻣﺮﺩﯾﮟ ﺳﺮ ﺟَﻨَﮓ ﺀُ ﮐُﺸﮓ ﺑﻮﮔﺎ ﺍﻧﺖ۔

ﮔﻞ ﺧﺎﻥ ﻧﺼﯿﺮ ﺀِ ﻧﺒﺸﺘﮕﯿﮟ ﺗﺎﺭﯾﺦ ﺑﻠﻮﭼﺴﺘﺎﻥ ‏( ﺑﻠﻮﭺ ﺭﺍﺝ ﺩﭘﺘﺮ ‏) ﺀِ ﺩﻭﻣﯽ ﺑﺎﺏ ﺀِ ﺗﺎﮐﺪﯾﻢ ﻧﻤﺒﺮ 6 ﺀَ ﻭﺍﺟﮧ ﻧﺒﺸﺘﮧ ﮐﻨﺖ ﮐﮧ ﮨﻤﺎ ﺯﻣﺎﻧﮓ ﺀَ ﮐﻼﺕﺀِ ﺳﺮﺍ ﺳﯿﻮﺍ ﻧﺎﻣﯿﮟ ﮨﻨﺪﻭﯾﮯ ﮨﺎﮐﻢ ﺑﻮﺗﮓ۔ ﺑﻠﺌﮯ ﺍﮮ ﮨﺎﮐﻤﯽ ﮨﻨﺪﻭ ﺩﺭﺍﻭﮌ ﭨَﮏّ ﺀِ ﺑﻮﺗﮓ۔ ﭘﺎﻧﺰﺩﮨﻤﯽ ﮐﺮﻥﺀِ ﻧﯿﺎﻡ ﺀَ ﮐﮧ ﻣﺎﮞ ﮨﻨﺪﻭﺳﺘﺎﻥ ﺀِ ﺳﺮﺍ ﻣﻨﮕﻮﻻﮞ ﺍُﺭﺵ ﮐﺖ ﺗﮧ ﮐﻼﺕ ﺀِ ﮨﻨﺪﻭ ﺣﺎﮐﻢ ﺍﻭﮞ ﮨﻤﮯ ﺍُﺭﺵ ﺀِ ﺯَﺩ ﺀَ ﺍﺗﮏ۔

ﻣﻨﮕﻮﻻﻧﯽ ﺑﺎﺑﺖ ﺀَ ﺩﭘﺘﺮ ﺯﺍﻧﺖ ﻧﺒﺸﺘﮧ ﮐﻨﻨﺖ ﮐﮧ ﺍﮮ ﺳﮑّﯿﮟ ﺩﻟﯿﺮﯾﮟ، ﺯﺍﻟﻢ ﺀُ ﺯﻭﺭﺍﮐﯿﮟ ﺭﺍﺟﮯ ﺑﻮﺗﮓ۔ ﻣﻨﮕﻮﻻﮞ ﮨﺮ ﮐﺠﺎ ﮐﮧ ﺟَﻨﮓ ﺑﻨﺪﺍﺕ ﮐﺘﮓ ﺍﻭﺩﺍ ﻧﺎﮞ ﺟﻨﯿﻦ ﺍﺷﺘﮓ، ﻧﺎﮞ ﮐﮧ ﮐﺴﺎﻧﯿﮟ ﺯﮨﮓ، ﮐﻤﺎﺵ ﺀُ ﻭﺭﻧﺎ، ﯾﺎ ﻧﺎﺩﺭﺍﮦ، ﮨﭻ ﻣﺮﺩﻡ ﭼﺮﯾﺸﺎﻧﯽ ﺯﮨﻢ ﺀ َ ﻧﮧ ﺭﮐّﺘﮓ۔ ﺍﮮ ﺯﻭﺭﺍﮐﺎﮞ ﭼﻢ ﺑﺴﺘﮓ ﺀُ ﻣﺮﺩﻡ ﮐُﺸﺎﻥ ﮐﺘﮓ ﺍَﻧﺖ۔ ﮐﺌﮯ ﮐﺴﺎﻥ، ﮐﺌﮯ ﻣﺰﻥ، ﮐﺌﮯ ﭘﯿﺮﺀُ ﮐﺌﮯ ﻭﺭﻧﺎ ﺍِﻧﺖ ﺀُ ﮐﺌﮯ ﺯﺍﻟﺒﻮﻟﮯ، ﺍﺷﺎﻥ ﮨﭻ ﮐِﻤﺎﺭ ﻧﮧ ﮐﺘﮓ۔

ﻣﯿﺮﻭ ﮨﻤﮯ ﺯﻣﺎﻧﮓ ﺀَ ﺑﻠﻮﭼﺎﻧﯽ ﺑﺮﺍﮨﻮﯼ ﺑﻮﻟﮏ ﺀِ ﺳﺮﺩﺍﺭ ﺑﻮﺗﮓ۔ ﻣﯿﺮﻭ ﺀَ ﺯﺍﻧﺘﮓ ﮐﮧ ﻣﻨﮕﻮﻝ ﭼﻮ ﺍﺑﺮﺳﺘﮓ ﺍَﻧﺖ ﺍﮮ ﺩﻣﮓ ﺀَ ﺍﻭﮞ ﯾﮏ ﺁﺷﻮﺑﮯ ﮐﺌﯿﺖ۔ ﭘﻤﺸﮑﮧ ﻣﯿﺮﻭ ﮔﻮﮞ ﻭﺗﯽ ﭨﮏ ﺀِ ﻣﺮﺩﻣﺎﻧﯽ ﮨﻤﺮﺍﮨﯽ ﺀَ ﮔﻮﮞ ﻣﻨﮕﻮﻻﮞ ﮨﻤﺮﺍﮦ ﺩﺍﺭﯼ ﮐﻨﺖ ﺀُ ﮐﻼﺕ ﺀِ ﺳﺮﺍ ﮨﻨﺪﻭ ﺑﻮﻟﮏ ﺀِ ﮨﺎﮐﻤﯽ ﺀَ ﮨﻼﺱ ﮐﻨﮓ ﺀَ ﮔﻮﮞ ﻣﻨﮕﻮﻻﮞ ﮨﻮﺍﺭ ﺑﯿﺖ ﺀُ ﺍﮮ ﺩﻣﮓ ﺀَ ﭼﮧ ﮨﻨﺪﻭ ﺩﺭﺍﻭﮌ ﺀُ ﺟﺪﮔﺎﻝ ﺑﻮﻟﮏ ﺀِ ﻣﺮﺩﻡ ﺗﺎﭼﯿﻨﮓ ﺑﻨﺖ۔ ﻧﻮﮎ ﺩﺳﺖ ﮐﭙﺘﮕﯿﮟ ﺭﺍﺝ ﺩﭘﺘﺮﺀِ ﺭِﺩﺍ ﺍﮮ ﺑﻠﻮﭼﺎﻧﯽ ﮨﺎﮐﻤﯽ ﺀِ ﺍﻭﻟﯽ ﺩﻭﺭ ﺯﺍﻧﮓ ﺑﯿﺖ ﺀُ ﺑﻠﻮﭼﺎﻧﯽ ﮐﻼﺕ ﺀِ ﺳﺮﺍ ﮨﺎ ﮐﻤﯽ ﺀِ ﺑُﻦ ﮨِﺸﺖ ﮨﻤﯿﺶ ﺑﯿﺖ۔ ﺑﻠﺌﮯ ﺳﮏ ﺑﺎﺯ ﻭﮨﺪ ﻧﮧ ﮔﻮْﺳﺖ ﮐﮧ ﻣﻨﮕﻮﻝ ﻣﺎﮞ ﺍﮮ ﺩﻣﮕﺎﮞ ﻧﺰﻭﺭ ﺑﻮﺍﻥ ﺑﻮﺕ ﺍَﻧﺖ، ﮨﻤﮯ ﮨﺎﺗﺮﺍ ﺑﻠﻮﭼﺎﻧﯽ ﻣﺎﮞ ﮐﻼﺕ ﺀِ ﮨﺎﮐﻤﯽ ﺍﻭﮞ ﻧﺰﻭﺭ ﺗَﺮّﺍﻥ ﺑﻮﺕ۔

ﻣﯿﺮﻭﺀِ ﻣﺮﮒ ﺀَ ﭘﺪ ﮐﻨﺪﮬﺎﺭ ‏( ﻗﻨﺪﮬﺎﺭ ‏) ﺀِ ﺍﺭﻏﻮﻥ ﮨﺎﻧﺪﺍﻥ ﺀَ ﮐﻼﺕ ﺀِ ﺳﺮﺍ ﺍﺭﺵ ﮐﺖ ﺀُ ﻣﻨﮕﻮﻝ ﭘﺮﻭﺵ ﺩﺍﺕ ﺍَﻧﺖ،ﺀُ ﮐﻼﺕ ﺀِ ﮨﺎﮐﻢ ﺯﻧّﻮﻥ ﺑﯿﮓ ﺍﺭﻏﻮﻥ ﻧﺎﻣﯿﮟ ﺍﻭﮔﺎﻧﯽ ﯾﮯ ﺟﻮﮌ ﮐﻨﮓ ﺑﻮﺕ۔ ﺑﻠﺌﮯ 1530 ﺀ ﺀَ ﻭﮨﺪﯾﮑﮧ ﮐﻨﺪﮬﺎﺭ ﺀِ ﮨﺎﮐﻢ ﮨﺎﻧﺪﺍﻥ ﺍﺭﻏﻮﻥ، ﻣﻐﻼﻧﯽ ﺩﯾﻤﺎ ﭘﺮﻭﺵ ﻭﺍﺭﺕ، ﺗﮧ ﺳﺮﺩﺍﺭ ﻣﯿﺮﻭ ﺀِ ﺑﭻ ﺳﺮﺩﺍﺭ ﻋﻤﺮ ﻣﯿﺮﻭﺍﮌﯼ ﮔﻮﮞ ﻟﺸﮑﺮﺀَ ﮐﻼﺕ ﺀِ ﺳﺮﺍ ﯾﮑﺒﺮﮮ ﭘﺪﺍ ﺍﺭﺵ ﮐﻨﺖ ءُ ﺳﻮﺑﯿﻦ ﺑﯿﺖ۔

ﺑﻠﺌﮯ ﻣﺎﮞ ﻣﮑﺮﺍﻥ ﺀِ ﮐﻮﮨﯽ ﺩَﻣﮕﺎﮞ ﭘﮧ ﮔَﺮﺩﮒ ﺀُ ﺳﯿﻞﺀَ ﺷُﺘﮕﯿﮟ ﻣﯿﺮ ﺷﯿﮩﮏ ﺭﻧﺪ ‏( ﻣﯿﺮ ﭼﺎﮐﺮ ﺭﻧﺪﺀِ ﭘﺖ ‏) ﺀُ ﮔﮩﺮﺍﻡ ﻻﺷﺎﺭﯼ ﺍﮮ ﮬﺎﻝ ﺀَ ﺳﺮﭘﺪ ﺑﻨﺖ ﺗﮧ ﻣﯿﺮ ﻋﻤﺮ ﻣﯿﺮﻭﺍﮌﯼ ﺀِ ﮬﺎﮐﻤﯽ ﺀِ ﮨﻼﭖ ﺀَ ﭘﺎﺩ ﮐﺎﯾﻨﺖ ﺀُ ﺩﯾﻢ ﭘﮧ ﮐﻼﺕ ﺀَ ﻟﺸﮑﺮ ﮐﺸﯽ ﮐﻨﻨﺖ۔ ﺍﮮ ﻟﺸﮑﺮ ﮐﺸﯽ ﺀِ ﺳﻮﺏ ﺀَ ﺳﺮﺩﺍﺭ ﻋﻤﺮ ﻣﯿﺮﻭﺍﮌﯼ ﮐُﺸﮓ ﺑﯿﺖ ﺀُ ﮐﻼﺕ ﺀِ ﮨﺎﮐﻢ ﻧﻮﮞ ﮨﻤﯿﺶ ﺑﻨﺖ۔ ﺑﺰﺍﮞ ﺭﻧﺪ ﺀُ ﻻﺷﺎﺭﺍﻧﯽ ﺗﭙﺎﮐﯿﮟ ﮬﺎﮐﻤﯽ ﯾﮯ ﺑﯿﺖ۔

ﻣﯿﺮ ﮔﻞ ﺧﺎﻥ ﻧﺼﯿﺮ ﺗﺎﺭﯾﺦ ﺑﻠﻮﭼﺴﺘﺎﻥ ﺀِ ﺗﮩﺎ ﻧﺒﺸﺘﮧ ﮐﻨﺖ ﮐﮧ ﻣﯿﺮ ﺷﯿﮩﮏ ﺭﻧﺪ ﺀُ ﻣﯿﺮ ﮔﮩﺮﺍﻡ ﻻﺷﺎﺭﯼ ﻣﺪﺍﻡ ﮔﻮﮞ ﻭﺗﯽ ﻟﺸﮑﺮﺀَ ﻣﺎﮞ ﮐﻮﮨﺎﮞ ﯾﻠﮧ ﭼﺮ ﺑﯿﺘﮓ ﺍَﻧﺖ ﺀُ ﻣﺪﺍﻡ ﻣﺮﺩﻡ ﺍِﺵ ﻟُﭧ ﺀُ ﭘُﻞ ﮐﺘﮓ۔ ﮨﻤﮯ ﮨﺎﺗﺮﺍ ﺍﺷﺎﻥﺀَ ﮐﻼﺕ ﺀِ ﭘﯿﻤﯿﮟ ﺍِﺳﺘﺎﻥ ﺀِ ﺳﺮﺍ ﮨﺎﮐﻤﯽ ﺀِ ﻭﮌ ﺀُ ﭘﯿﻢ ﻧﺰﺍﻧﺘﮓ۔ ﮐﻼﺕ ﺀِ ﺳﺮﺍ ﺍﺭﺵ ﺀَ ﭘﺪ ﺭﻧﺪ ﺀُ ﻻﺷﺎﺭﺍﮞ ﺩﯾﻢ ﭘﮧ ﺳﯿﻮﯼ ﺀُ ﮈﮬﺎﮈﺭﺀَ ﺩﺍﺕ ﮐﮧ ﭼﺪ ﺀُ ﺩﯾﻢ ﺭﺍﺝ ﺩﭘﺘﺮﺀُ ﺑﻠﻮﭼﯽ ﮐﻮﮨﻨﯿﮟ ﺷﺎﺋﺮﯼ ﺀِ ﺭﺩ ﺀَ ﺭﻧﺪ ﺀُ ﻻﺷﺎﺭﺍﮞ ﻭﺕ ﻣﺎﮞ ﻭﺗﺎ ﺳﯽ ﺳﺎﻻﮞ ﺩﺍﮞ ﺑﻠﻮﭺ ﮐُﺸﯽ ﺀِ ﻣﺴﺘﺮﯾﮟ ﺭﯾﮑﺎﺭﮈ ﺟﻮﮌ کت... روان
دلگوش۔۔اے نبشتانکءِ تہا لیکیتگیں درائیں لبز لیکوک ئیگ انت ۔