ﺭﺍﺟﺪﭘﺘﺮ ﺀَ ﺳﺮﺩﺍﺭﺍﻧﯽ ﺭﺍﺟﯽ ﮐﺮﺩ ۔۔۔ ﮔُﮉّﯼ ﺑﮩﺮ

نبشتہ کار التاپ بلوچ

ﺳﺎﻝ 1838 ﺀَ ﮐﮧ ﺍﻧﮕﺮﯾﺰ ﻣﺎﮞ ﺑﻠﻮﭼﺴﺘﺎﻥ ﺀَ ﺳﺮ ﺑﻨﺖ ﺀُ ﺧﺎﻥ ﻣﯿﺮ ﻣﺤﺮﺍﺏ ﺧﺎﻥ ﺍﻧﮕﺮﯾﺰﺍﮞ ﭼﮧ ﺑﻠﻮﭼﺴﺘﺎﻥ ﺀِ ﺭﺍﮦ ﺀَ ﻣﺎﮞ ﺍﻓﻐﺎﻧﺴﺘﺎﻥ ﺀَ ﻓﻮﺟﯽ ﺗﻮﺷﮓ ﺑَﺮﮒ ﺀِ ﺍﺟﺎﺯﺕ ﺩﻧﺖ ﺗﮧ ﺍﻧﮕﺮﯾﺰ ﺑﺎﺯﯾﮟ ﻋﻼﻗﮩﺎﮞ ﮔﻮﮞ ﺳﺮﺩﺍﺭﺍﮞ ﻭﺗﯽ ﻧﺰﯾﮑﯿﺎﮞ ﻣﮩﮑﻢ ﮐﻨﻨﺖ۔ ﺍﮮ ﺯﻣﺎﻧﮕﺎﮞ ﺑﻠﻮﭺ ﺳﺮﺩﺍﺭﺍﻧﯽ ﻭﺕ ﻣﺎﮞ ﻭﺗﯽ ﺟﻨﮓ ﺀُ ﺟَﺪَﻝ ﮔﯿﺶ ﺑﻨﺖ ﺀُ ﮨﺮ ﯾﮑﮯ ﮔﺸﯿﺖ ﻣﻦ ﺣﺎﮐﻢ ﺑﮧ ﺑﺎﮞ، ﭼُﮏ ﻭﺗﯽ ﭘﺖ، ﺑﺮﺍﺕ ﻭﺗﯽ ﺑﺮﺍﺕ، ﺳﯿﺎﺩ ﻭﺗﯽ ﺳﯿﺎﺩ ﺀِ ﮐُﺸﮓ ﺀَ ﭼَﮏ ﺀُ ﭘﺪ ﻧﮧ ﺑﯿﺖ۔

ﺍﮮ ﻭﺍ ﺍﻧﮕﺮﯾﺰﺍﻧﯽ ﭘﺎﻟﯿﺴﯽ ﺑﻮﺗﮓ ﮐﮧ ﻣﺮﺩﻣﺎﮞ ﻭﺕ ﻣﺎﮞ ﻭﺕ ﺀَ ﻣﯿﮍﯾﻦ ﺀُ ﺁﮨﺎﻧﯽ ﺳﺮﺍ ﺣﺎﮐﻤﯽ ﺑﮑﻦ، ﺀُ ﺍﮮ ﺯﻣﺎﻧﮕﺎﮞ ﮐﮧ ﺑﻠﻮﭺ ﭘﯿﺴﺮﺍ ﭼﮧ ﻭﺗﯽ ﭨﮏ ﺀُ ﻗﺒﯿﻠﮩﺎﮞ ﯾﮑﮯ ﺩﻭﻣﯽ ﺀَ ﺁﺱ ﺀُ ﭘﯿِﺶّ ﺑﻮﺗﮕﻨﺖ ﺍﻧﮕﺮﯾﺰﺍﻧﯽ ﺍﺩﺍ ﺳﺮ ﺑﻮﻭﮔﺎ ﺍﮮ ﺟﯿﮍﮦ ﮐﻤﮯ ﮔﯿﺶ ﺑﯿﺖ۔

ﻣﯿﺮ ﻧﺼﯿﺮ ﺧﺎﻥ ﻧﻮﺭﯼ ﺀَ ﮐﮧ ﺑﺎﺯﯾﮟ ﺟﮩﺪﮮ ﮐﺘﮓ ﺍَﺕ ﭘﮧ ﺑﻠﻮﭼﺴﺘﺎﻥ ﺀِ ﺣﺎﮐﻤﯽ ﺀِ ﻣﮩﮑﻢ ﮐﻨﮕﺎ، ﭼﺮﺍﺋﯽ ﺀَ ﭘﺪ ﮐﮧ ﭘﺮﻧﮕﯽ ﺍِﺩﺍ ﺍﺗﮑﻨﺖ ﺗﮧ ﮨﺮ ﻧﯿﻤﮕﺎ ﺑﻐﺎﻭﺕ ﺑﻨﺪﺍﺕ ﺑﻮﺕ۔ ﮨﺮ ﭨَﮑّﮯ ﺩﻭﻣﯽ ﭨَﮏّ ﺀِ ﺧﻼﻑ ﺀَ ﭘﺎﺩ ﮐﺌﯿﺖ ﺀُ ﮨﺮ ﻧﯿﻤﮕﺎ ﻭﺕ ﻣﺎﮞ ﻭﺗﯽ ﺟﻨﮓ ﺀِ ﺁﺱ ﺭﻭﮎ ﺑﯿﺖ۔ ﭘَﺮﻧﮕﯿﺎﻧﯽ ﻭﺍﮨﮓ ﺍَﺕ ﮐﮧ ﺁ ﺑﻠﻮﭼﺴﺘﺎﻥ ﺀِ ﺳﺮﺍ ﻗﺒﻀﮧ ﺑﮑﻨﻨﺖ، ﮨﻤﮯ ﮨﺎﺗﺮﺍ ﺁﮨﺎﮞ ﺑﺎﺯﯾﮟ ﺑﻠﻮﭺ ﺳﺮﺩﺍﺭ ﺑﮩﺎ ﺯُﺭﺕ ﺀُ ﺍﮮ ﺳﺮﺩﺍﺭﺍﮞ ﮐﮧ ﭘﺮﻧﮕﯿﺎﻧﯽ ﺯَﺭّ ﺀُ ﺩﻭﻟﺖ ﺩﯾﺴﺖ ﺍﻧﺖ ﺗﮧ ﺁﮨﺎﻧﯽ ﻧﯿّﺖ ﺣﺮﺍﺏ ﺑﻮﺕ ﺀُ ﭼﮧ ﺑﻠﻮﭼﯽ ﺣﺎﮐﻤﯽ ﺀَ ﺩﺭ ﺍﺗﮏ ﺍَﻧﺖ ﺀُ ﺍﻧﮕﺮﯾﺰﺍﻧﯽ ﮨﻤﺮﺍﮨﺪﺍﺭﯼ ﺍﺵ ﮐﺖ۔

ﺑﻠﺌﮯ ﺩﻭﻣﯽ ﻧﯿﻤﮕﺎ ﻟﮩﺘﯿﮟ ﻏﯿﺮﺕ ﻣﻨﺪﯾﮟ ﺑﻠﻮﭼﺎﮞ ﭘﺮﻧﮕﯿﺎﻧﯽ ﺣﻼﻑ ﺀَ ﮔﻮﮞ ﺑﮩﺎﺩﺭﯼﺀَ ﺟﻨﮓ ﮐﺖ۔ ﺍﻓﻐﺎﻧﺴﺘﺎﻥﺀَ ﺍﻭﮞ ﺍﻭﮔﺎﻧﺎﮞ ﭘﺮﻧﮕﯿﺎﻧﯽ ﺣﻼﭖﺀَ ﺟﮩﺎﺩ ﺑﻨﺎ ﮐﺖ ﺀُ ﺁﮨﺎﮞ ﺍﻭﮞ ﮔﻮﮞ ﺩﻟﯿﺮﯼ ﺀَ ﭘﺮﻧﮕﯿﺎﻧﯽ ﺩﯾﻤﺎ ﺟﻨﮓ ﮐﺖ۔

ﺑﻠﻮﭺ ﺣﺎﮐﻤﺎﻧﯽ ﻭﮨﺪﯾﮑﮧ ﺭﺍﺟﻤﺎﻧﯽ ﮐِﺮﺩ ﺀِ ﺑﺎﺑﺖ ﺀَ ﺣﺒﺮ ﺑﯿﺖ ﺗﮧ ﮐﻮﮒ ﭘﺮْﻭﺵ ﺀِ ﺟﻨﮓ ﺀِ ﮐِﺴّﮧ ﻣﮧ ﺑﯿﺖ ﻣﻨﯽ ﮨﯿﺎﻝﺀَ ﻣﺌﮯ ﺣﺒﺮ ﺳﺮﺟﻢ ﻧﮧ ﺑﯿﺖ۔ 28 ﺟﻨﻮﺭﯼ 1898 ﺀَ ﻭﮨﺪﯾﮑﮧ ﺍﻧﮕﺮﯾﺰﺀِ ﻟﺸﮑﺮ ﭼﮧ ﭘﺴﻨﯽ ﺀَ ﺩﯾﻢ ﭘﮧ ﮐﯿﭻ ﺀَ ﺭﮨﺎﺩﮒ ﺑﯿﺖ ﺗﮧ ﮨﻤﮯ ﺭﺍﮦ ﺀَ ﻣﯿﺮ ﺑﻠﻮﭺ ﺧﺎﻥ ﻧﻮﺷﯿﺮﻭﺍﻧﯽ ﮔﻮﮞ ﻭﺗﯽ ﭨَﮏّ ﺀِ ﺑﮩﺎﺩﺭﯾﮟ ﻣﺮﺩﻣﺎﻧﯽ ﮨﻤﺮﺍﮨﯽ ﺀَ ﺍﻧﮕﺮﯾﺰﺀِ ﺭﺍﮦ ﺀَ ﺑﻨﺪﯾﺖ، ﺑﻠﺌﮯ ﭘَﺮَﻧﮕﯿﺎﻧﯽ ﻧﻮﮐﯿﮟ ﺗﭙﻨﮓ ﺀُ ﺳﻼﮨﺎﻧﯽ ﺑﺮﮐﺖ ﺀَ ﺑﻠﻮﭺ ﺧﺎﻥ ﺀِ ﻟﺸﮑﺮ ﺯﻭﺕ ﭘﺮﻭﺵ ﻭﺍﺭﺕ ﺀُ ﺑﻠﻮﭺ ﺧﺎﻥ ﮔﻮﮞ ﻭﺗﯽ ﺗﯿﻮﮔﯿﮟ ﺳﻨﮕﺘﺎﮞ ﮐُﺸﮓ ﺑﯿﺖ۔

ﺑﻠﻮﭺ ﺳﺮﺩﺍﺭﺍﮞ ﺍﮔﺎﮞ ﺟﺎﮨﮯ ﻭﺗﯽ ﺣﺎﮐﻤﯽ ﺑﺮﺟﻢ ﺩﺍﺷﺘﮓ ﺑﻠﺌﮯ ﺟﺎﮨﮯ ﺁﮨﺎﮞ ﭘﮧ ﺳﺮﮈﮔﺎﺭﺀِ ﮨﺎﺗﺮﺍ ﯾﺎ ﻭﺗﯽ ﻏﯿﺮﺕ ﺀِ ﮨﺎﺗﺮﺍ ﻭﺗﯽ ﺳﺮ ﻧﺪﺭ ﮐﺘﮓ ﺍَﻧﺖ ﺀُ ﺑﻠﻮﭺ ﺭﺑﯿﺪﮒ ﺭﮐﯿﻨﺘﮓ ﺍَﻧﺖ۔

ﺑﻠﻮﭺ ﺭﺍﺟﺪﭘﺘﺮﺀَ ﺗﻮ ﻭﺍﻧﺌﮯ ﺗﮧ ﮨﺮ ﺗﺎﮎ ﺀَ ﺗﺮﺍ ﻟﮩﺘﯿﮟ ﻟﺒﺰ ﺩﺳﺖ ﮐﭙﯿﺖ : ﺑﻐﺎﻭﺕ، ﮔﺮﻓﺘﺎﺭﯼ، ﻗﺘﻞ، ﻣﻌﺬﻭﻝ، ﺳﺎﺯﺵ، ﻟﻮﭦ ﻣﺎﺭ، ﺣﻤﻠﮧ۔ ﺍﮮ ﺗﮩﻠﯿﮟ ﺭﺍﺳﺘﯽ ﮔﻮﮞ ﺷﯿﺮﮐﻨﯿﮟ ﻟﺒﺰﺍﮞ ﭼﯿﺮ ﺩﯾﮓ ﻧﮧ ﺑﻨﺖ۔ ﺑﻠﻮﭺ ﺀِ ﮔﻮْﺳﺖ ﻭﺕ ﻣﺎﮞ ﻭﺗﯽ ﺟﻨﮕﺎﮞ ﺳﺮ ﺭﯾﭻ ﺍِﻧﺖ۔ ﮨﻤﮯ ﺳﻮﺏ ﺑﻮﺗﮓ ﮐﮧ ﺩﺭﯼ ﺭﺍﺟﺎﮞ ﺍﺗﮑﮓ ﺀُ ﺑﻠﻮﭺ ﺳﺮﮈﮔﺎﺭ ﺀَ ﻟﻮﭦّ ﻭ ﭘُﻞ ﮐﺘﮓ، ﮐُﺸﺖ ﺀُ ﮨﻮﻥ ﮐﺘﮓ ﺀُ ﻣﺮﺩﻡ ﻭﺕ ﻣﺎﮞ ﻭﺗﺎ ﺍﮌﯾﻨﺘﮓ ﺍَﻧﺖ۔ ﺑﻠﻮﭺ ﺀِ ﺑﮯ ﺯﺍﻧﮕﯽ ﺀُ ﮐﻢ ﻋﻠﻤﯽ ﺑﻮﺗﮓ ﮐﮧ ﻣﺪﺍﻡ ﭘﮧ ﻧﺎﻡ ﺀُ ﺣﺎﮐﻤﯽ ﻭﺕ ﻣﺎﮞ ﻭﺗﺎ ﻣﺎﻥ ﮔﯿﺸﺘﮓ۔ ﺩﻭﻣﯽ ﻟﺒﺰﺍﮞ ﺍﮔﺎﮞ ﺑﮕﻮﺵ ﺋﮯ ﺗﮧ ﺍﮮ ﺣﺒﺮ ﺭﺍﺳﺖ ﺍِﻧﺖ ﮐﮧ ﺩﺭﯼ ﺭﺍﺟﺎﻧﯽ ﭼﺎﻻﮐﯽ ﺀَ ﺑﻠﻮﭺ ﻣﺪﺍﻡ ﻭﺕ ﻣﺎﮞ ﻭﺗﯽ ﭼﺎﮔﺮﺩﯼ ﺟﯿﮍﮨﺎﻧﯽ ﺁﻣﺎﭺ ﮐﺘﮓ ﺍَﻧﺖ ﺀُ ﮨﻤﮯ ﻭﺍﺳﺘﺎ ﻣﺮﭼﯽ ﺑﻠﻮﭺ ﺳﯿﻤﺴﺮ ﺑﮩﺮ ﺀُ ﺑﺎﻧﮓ ﺍِﻧﺖ ﺀُ ﺑﻠﻮﭺ ﺳﺮﮈﮔﺎﺭ ﺀَ ﺑﻠﻮﭺ ﺍﻧﮕﺖ ﺩﺭﺁﻣﺪﺍﻧﯽ ﮔﻼﻡ ﺍِﻧﺖ۔

ﺩﭘﺘﺮ ﻧﻮﯾﺲ ﮔﺸﻨﺖ ﮐﮧ ﺑﻠﻮﭼﺴﺘﺎﻥ ﺀِ ﮔُﮉّﯼ ﺧﺎﻥ ﺍﺣﻤﺪ ﯾﺎﺭ ﺧﺎﻥ ﺀِ ﭘِﺖ ﻣﯿﺮ ﻣﺤﻤﺪ ﺍﻋﻈﻢ ﺟﺎﻥ ﺳﮑّﯿﮟ ﻣﺬﮨﺒﯽ ﺀُ ﺷﺮﯾﻌﺖ ﺀِ ﻣﻨّﻮﮐﯿﮟ ﻣﺮﺩﻣﮯ ﺑﻮﺗﮓ ﺀُ ﺍﮮ ﻣﺬﮨﺐ ﺩﻭﺳﺘﯽ ﺀِ ﺍﺛﺮﺍﺕ ﮔُﮉّﯼ ﺧﺎﻥ ﺍﺣﻤﺪ ﯾﺎﺭ ﺧﺎﻥ ﺀِ ﺳﺮﺍ ﺍﻭﮞ ﮐﭙﺘﮓ ﺍﻧﺖ۔ ﻣﯿﺮ ﺍﺣﻤﺪ ﯾﺎﺭ ﺧﺎﻥ 40 ﺳﺘﻤﺒﺮ 1933 ﺀَ ﻗﻼﺕ ﺀِ ﺣﺎﮐﻢ ﺟﻮﮌ ﮐﻨﮓ ﺑﯿﺖ۔ ﻣﺬﮨﺐ ﺀَ ﮔﻮﮞ ﻧﺰﯾﮑﯽ ﺀُ ﺷﺮﯾﻌﺖ ﻣﯿﺮ ﺍﺣﻤﺪ ﯾﺎﺭ ﺧﺎﻥ ﺀِ ﺩﻭﺳﺘﺮﯾﮟ ﻗﺎﻧﻮﻥ ﺑﻮﺗﮓ۔ 1937 ﺀَ ﺍﺣﻤﺪ ﯾﺎﺭ ﺧﺎﻥ ﻣﺎﮞ ﺳﻌﻮﺩﯾﮧ ﺀَ ﭘﮧ ﺣﺞ ﺀِ ﮨﺎﺗﺮﺍ ﺭﻭﺕ ﺀُ ﮨﻤﺎ ﺩﯾﻤﺎ ﻋﺮﺍﻕ، ﻣﺼﺮﺀُ ﻓﻠﺴﻄﯿﻦ ﺀِ ﺗَﺮّ ﺀُ ﺗﺎﺏ ﺀَ ﮐﻨﺖ۔

ﻣﯿﺮ ﺍﺣﻤﺪ ﯾﺎﺭ ﺧﺎﻥ ﺀِ ﺯﻣﺎﻧﮓ ﺀَ ﺑﻠﻮﭼﺴﺘﺎﻥ ﺀِ ﻣﮩﻠﻮﮎ ﺳﯿﺎﺳﯽ ﺣﻮﺍﻟﮧ ﺀَ ﮐﻤﮯ ﺁﺯﺍﺕ ﺑﻨﺖ ﺀُ ﻭﺗﯽ ﺭﺍﺟﮑﺎﺭﯼ ﺳﺮﺀُ ﭘُﺮﺍﮞ ﺑﻨﺪﺍﺕ ﮐﻨﻨﺖ۔ ﺍﮮ ﺯﻣﺎﻧﮓ ﺀَ ﺑﻠﻮﭼﺴﺘﺎﻥ ‏( ﻗﻼﺕ ‏) ﮈﺍﺋﺮﯾﮑﭧ ﭘﺮﻧﮕﯽ ﺣﺎﮐﻤﺎﻧﯽ ﺩﺳﺖ ﺀِ ﭼﯿﺮﺍ ﻧﮧ ﺑﯿﺖ ﺑﻠﺌﮯ ﺍﻥ ﮈﺍﺋﺮﯾﮑﭧ ﺑﻠﻮﭺ ﺣﺎﮐﻤﯽ ﭘﺮﻧﮕﯿﺎﻧﯽ ﺯﯾﺮ ﺍﺛﺮ ﺑﯿﺖ ﺀُ ﺑﻠﻮﭼﺴﺘﺎﻥ ﺀَ ﺳﯿﺎﺳﯽ ﺳُﺮ ﺀُ ﭘُﺮ ﭘﮧ ﭘﺮﻧﮕﯽ ﺀُ ﻗﺒﺎﺋﻠﯽ ﺳﺮﺩﺍﺭﺍﻧﯽ ﻭﺍﺳﺘﺎ ﻧﯿﮑﯿﮟ ﭘﺎﻟﮯ ﻧﮧ ﺑﯿﺖ۔ ﺑﺮﭨﺶ ﺑﻠﻮﭼﺴﺘﺎﻥ ‏( ﺷﺎﻝ، ﺑﻮﻻﻥ، ﺳﺒﯽ، ﭘﺸﯿﻦ، ﻣﺴﺘﻮﻧﮓ، ﮊﻭﺏ ﺀُ ﮐﺶ ﺀُ ﮔْﻮﺭﺀِ ﻋﻼﻗﮧ ‏) ﺀَ ﭼﮧ ﭘﯿﺴﺮﺍ ﭘﺮﻧﮕﯿﺎﻧﯽ ﺣﺎﮐﻤﯽ ﺑﯿﺖ۔ ﻣﯿﺮ ﺍﺣﻤﺪ ﯾﺎﺭ ﺧﺎﻥ ﻣﺎﮞ ﺑﻠﻮﭼﺴﺘﺎﻥﺀَ ﺳﯿﺎﺳﯽ ﺳُﺮ ﺀُ ﭘُﺮﺍﻧﯽ ﺩﻟﺒﮉّﯼ ﮐﻨﺖ ﺀُ ﭼﮧ ﺍﻧﺠﻤﻦ ﺍﺗﺤﺎﺩ ﺑﻠﻮﭼﺎﻥ ﺀِ ﮨﻼﺱ ﺑﻮﻭﮒ ﺀَ ﭘﺪ ﺍﻭﻟﯽ ﺑﺮﺍﮞ ﯾﮏ ﺩﮔﮧ ﮔﻠﮯ ﺍﺣﻤﺪ ﯾﺎﺭ ﺧﺎﻥ ﻭﺍﺟﮧ ﮔﻞ ﺧﺎﻥ ﻧﺼﯿﺮﺀِ ﺳﺮﻭﮐﯽ ﺀَ ﺟﻮﮌ ﮐﻨﺖ ﮐﮧ ﺁﺋﯽ ﺀِ ﻧﺎﻡ ﺍﻧﺠﻤﻦ ﺍﺳﻼﻣﯿﮧ ﻗﻼﺕ ﺍﯾﺮ ﮐﻨﮓ ﺑﯿﺖ۔

ﻣﯿﺮ ﮔﻞ ﺧﺎﻥ ﻧﺼﯿﺮ ﺍﮮ ﮔﻞ ﺀِ ﺳﺮﻭﮎ ﺀُ ﻣﻠﮏ ﻋﺒﺪﺍﻟﺮﺣﯿﻢ ﺧﻮﺍﺟﮧ ﺧﯿﻞ ﮐﺎﺭ ﮔﺸﺎﺩ ﺟﻮﮌ ﮐﻨﮓ ﺑﻨﺖ۔ ﮔﻞ ﺀِ ﻣﺮﺩﻣﺎﻥ ﺀَ ﻣﯿﺮ ﺍﺣﻤﺪ ﯾﺎﺭ ﺧﺎﻥ ﭼﯿﺮﺀُ ﮐﺎﺋﯽ ﮐُﻤﮏ ﮐﻨﮕﺎ ﺍَﺕ ﮐﮧ ﺁ ﻣﺎﮞ ﺑﻠﻮﭼﺴﺘﺎﻥ ﺀَ ﺳﯿﺎﺳﯽ ﮐﺎﺭ ﺑﮑﻨﻨﺖ ﺀُ ﻣﺮﺩﻣﺎﮞ ﺳﯿﺎﺳﯽ ﺳِﻨﭻ ﺑﺪﯾﻨﺖ۔ ﺑﻠﺌﮯ ﺳﺮ ﻇﺎﮨﺮ ﺀَ ﺁ ﻭﺗﺎ ﮔِﺴﺘﺎ ﺩﺍﺭﯾﺖ ﺀُ ﺍﮮ ﮔﻞ ﺍﻭﮞ ﺳﺮﻇﺎﮨﺮﺀَ ﺳﯿﺎﺳﯽ ﮐﺎﺭ ﻧﮑﻨﺖ، ﺑﻠﮑﯿﮟ ﭼﺎﮔﺮﺩﯼ ﮐﺎﺭﺍﮞ ﮔﻼﺋﯿﺶ ﺑﯿﺖ۔

ﭘﺪﺍ ﮨﻢ ﮔﻞ ﺀِ ﻣﺮﺩﻣﺎﮞ ﭘﺮﻧﮕﯽ ﺣﺎﮐﻢ ﺀُ ﻗﺒﺎﺋﻠﯽ ﺳﺮﺩﺍﺭ ﮐﺎﺭ ﺀَ ﻧﺌﯿﻠﻨﺖ ﺀُ ﺗﯿﻮﮔﯿﮟ ﻣﺮﺩﻡ ﺀُ ﺳِﭧ ﺍَﭖ ﺷِﻨﮓ ﺷﺎﻧﮓ ﮐﻨﮓ ﺑﻨﺖ۔ ﮨﻤﮯ ﮨﺎﺗﺮﺍ 5 ﻓﺮﻭﺭﯼ 1938 ﺀَ ﺑﻠﻮﭼﺴﺘﺎﻥ ﺀِ ﻭﺭﻧﺎﮨﺎﮞ ﻣﺎﮞ ﺳﺒّﯽ ﺀَ ﯾﮏ ﺩﯾﻮﺍﻧﮯ ﺑﺮﺟﻢ ﺩﺍﺷﺖ ﺀُ ﻗﻼﺕ ﺍﺳﭩﯿﭧ ﻧﯿﺸﻨﻞ ﭘﺎﺭﭨﯽ ﺀِ ﻧﺎﻡ ﺀَ ﺩﮔﮧ ﮔﻠﮯ ﭨﮩﯿﻨﺖ۔ ﺍﮮ ﮔﻞ ﺀِ ﺳﺮﻭﮎ ﻣﯿﺮ ﻋﺒﺪﺍﻟﻌﺰﯾﺰ ﮐُﺮﺩ، ﻧﺎﺋﺐ ﺳﺮﻭﮎ ﻣﯿﺮ ﮔﻞ ﺧﺎﻥ ﻧﺼﯿﺮ ﺀُ ﻣﻠﮏ ﻓﯿﺾ ﻣﺤﻤﺪ ﺧﺎﻥ ﯾﻮﺳﻒ ﺯﺋﯽ ﮐﺎﺭﮔﺸﺎﺩ ﺟﻮﮌ ﮐﻨﮓ ﺑﻮﺕ۔ ﺍﻭﻟﯽ ﺑﺮﺍﮞ ﺍﮮ ﮔﻞ ﺀِ ﻟﻮﭦ ﺀُ ﮔﺰﺭ ﺩﯾﻤﺎ ﺍﺗﮏ ﺍَﻧﺖ ﮐﮧ ﺁﺋﯽ ﺀِ ﮐﺎﺭﺍﻧﯽ ﺑُﻨﺰﮦ ﺑﻠﻮﭺ ﺳﯿﺎﺳﯽ ﺟﻨﺰﺀَ ﮔﻮﮞ ﻭﺗﯽ ﺳﯿﻤﺴﺮﺍﻧﯽ ﭘﮩﺎﺯﮒ ﺀُ ﺭﯾﺎﺳﺖ ﻗﻼﺕ ‏( ﺑﻠﻮﭼﺴﺘﺎﻥ ‏) ﺀِ ﻗﺎﻧﻮﻧﺎﻧﯽ ﺗﮩﺎ ﮔﮩﺘﺮﯼ ﺁﺭﮒ ﺀُ ﺑﻠﻮﭼﺎﮞ ﺳﯿﺎﺳﯽ ﮐﺎﻟﺒﮯ ﺀَ ﺁﺭﮒ ﺍﺕ۔

ﺑﻠﻮﭼﺎﻧﯽ ﺍﻭﻟﯽ ﺳﯿﺎﺳﯽ ﮔﻞ ﺀُ ﺳﯿﺎﺳﯽ ﺟﻨﺰ ﭼﮧ ﻗﻼﺕ ﺍﺳﭩﯿﭧ ﻧﯿﺸﻨﻞ ﭘﺎﺭﭨﯽﺀَ ﺑﻨﺪﺍﺕ ﺑﻮﺗﮓ۔ ﺍﮮ ﺳﯿﺎﺳﯽ ﮔﻞ ﺀِ ﺑُﻦ ﮨِﺸﺖ 1920 ﺀَ ﻣﺎﮞ ﻣﺴﺘﻮﻧﮓ ﺀَ ﻣﯿﺮ ﻋﺒﺪﺍﻟﻌﺰﯾﺰ ﮐﺮﺩ ﺀِ ﺳﺮﻭﮐﯽ ﺀَ ﺍﻧﺠﻤﻦ ﺍﺗﺤﺎﺩ ﺑﻠﻮﭼﺎﻥ ﺀِ ﻧﺎﻡ ﺀَ ﺍﯾﺮ ﮐﻨﮓ ﺑﯿﺖ ﮐﮧ ﺍﺷﯽ ﺀِ ﻧﺎﻡ ﺀُ ﮐﺎﺭﭼﯿﺮ ﺩﺋﯿﮓ ﺑﻨﺖ ﮐﮧ ﺁ ﻭﮨﺪﺍﮞ ﻧﯿﺸﻨﻠﺰﻡ ﺀِ ﻧﺎﻡ ﺀِ ﮔِﺮﮒ ﯾﮏ ﮔﻨﺎﮨﮯ ﺑﯿﺖ۔

ﭘﺮﻧﮕﯿﺎﻧﯽ ﭘﺮﯾﺸﺮﺀُ ﺳﺮﺩﺍﺭﺍﻧﯽ ﻣﺨﺎﻟﻔﺖ ﺀُ ﻭﺗﯽ ﺗﮩﮧ ﺀُ ﺗُﻮﮐﯽ ﭘﺮْﺷﺖ ﺀُ ﭘﺮﻭﺵ ﺀِ ﺳﻮﺏ ﺀَ ﻗﻼﺕ ﺍﺳﭩﯿﭧ ﻧﯿﺸﻨﻞ ﭘﺎﺭﭨﯽ ﭘﺮْﺷﺖ ﺀُ ﭘﺮﻭﺵ ﺀِ ﺁﻣﺎﭺ ﺑﯿﺖ ﺀُ ﮔﻞ ﺀِ ﺳﺮﻭﮎ ﺀُ ﺭﮨﺒﺮﭼﮧ ﻗﻼﺕ ﺀَ ﺩﺭﺑﺪﺭ ﮐﻨﮓ ﺑﻨﺖ۔ ﭼﺪ ﺀُ ﭘﺪ ﺍﺣﻤﺪ ﯾﺎﺭ ﺧﺎﻥ ﮔﻮﮞ ﺁﻝ ﺍﻧﮉﯾﺎ ﻣﺴﻠﻢ ﻟﯿﮓ ﺀَ ﻧﺰﯾﮏ ﺑﯿﺖ ﺀُ ﻣﺤﻤﺪ ﻋﻠﯽ ﺟﻨﺎﺡ ﺀَ ﻭﺗﯽ ﺳﯿﺎﺳﯽ ﺍﺳﺘﺎﺩ ﻟﯿﮑﯿﺖ۔ ﺧﺎﻥ ﺀِ ﻣﺬﮨﺐ ﺩﻭﺳﺘﯽ ﺀُ ﺷﺮﯾﻌﺖ ﺀِ ﺩﻭﺳﺘﯽ ﺀِ ﺳﻮﺏ ﺑﯿﺖ ﮐﮧ ﺁ ﮔﻮﮞ ﻣﺴﻠﻢ ﻟﯿﮓ ﺀَ ﻧﺰﯾﮏ ﺑﯿﺖ ﺀُ ﭘﺪﺍ ﮨﻤﮯ ﻧﺰﯾﮑﯽ ﺀِ ﺳﻮﺏ ﺀَ ﺑﻠﻮﭼﺴﺘﺎﻥ ﺀِ ﺳﺮﺍ ﻧﻮﮎ ﺟﻮﮌ ﺑﻮﺗﮕﯿﮟ ﻣﻠﮏ ﭘﺎﮐﺴﺘﺎﻥ 27 ﻣﺎﺭﭺ 1948 ﺀَ ﺍُﺭﺵ ﮐﻨﺖ۔

ﭘﺎﮐﺴﺘﺎﻥ ﺀِ ﺍﺭﺵ ﺀَ ﭘﺪ ﺧﺎﻥ ﺀِ ﺑﺮﺍﺕ ﺁﻏﺎ ﻋﺒﺪﺍﻟﮑﺮﯾﻢ ﻣﺰﺍﺣﻤﺖ ﮐﻨﺖ ﺀُ ﮔﮉ ﺳﺮﺍ ﺑﻨﺪﯾﮓ ﮐﻨﮓ ﺑﯿﺖ۔ ﭼﮧ ﺁﻏﺎ ﻋﺒﺪﺍﻟﮑﺮﯾﻢ ﺀَ ﭘﺪ ﻧﻮﺍﺏ ﻧﻮﺭﻭﺯ ﺧﺎﻥ ﮔﻮﮞ ﻭﺗﯽ ﮐﮩﻮﻝ ﺀُ ﭨَﮏّ ﺀِ ﺍﻧﺪﮔﮧ ﻣﺮﺩﻡ ﺀُ ﮨﻢ ﭘﮕﺮﯾﮟ ﺳﻨﮕﺘﺎﮞ ﮨﻮﺍﺭ ﻣﺰﺍﺣﻤﺖ ﮐﻨﺖ ﺀُ ﭘﺎﮐﺴﺘﺎﻥ ﺀِ ﻗﺒﻀﮧ ﺀِ ﺣﻼﭖ ﺀَ ﮐﻮﮨﺎﮞ ﺭﺅﺕ۔ ﭘﺎﮐﺴﺘﺎﻥ ﺀِ ﻟﺸﮑﺮ ﻗﺮﺁﻥ ﺀِ ﺳﺮﺍ ﺳﻮﮔﻨﺪ ﻭﺍﺭﺕ ﮐﮧ ﻧﻮﺍﺏ ﻧﻮﺭﻭﺯ ﺧﺎﻥ ﭼﮧ ﮐﻮﮨﺎﮞ ﺑﺌﯿﺖ ﺷﮩﺮﺀَ، ﻣﺎ ﮔﻮﮞ ﺁﺋﯽ ﺀَ ﮔﭗ ﺀُ ﻣﺬﺍﮐﺮﺍﺕ ﺀَ ﺟﯿﮍﮨﺎﮞ ﮔﯿﺸﯿﻨﺎﮞ۔ ﻧﻮﺍﺏ ﻧﻮﺭﻭﺯ ﺧﺎﻥ ﮐﮧ ﮔﻮﮞ ﺳﻨﮕﺘﺎﮞ ﮐﻮﮨﺎﮞ ﯾﻞ ﮐﻨﺖ ﺀُ ﭘﮧ ﻣﺬﺍﮐﺮﺍﺕ ﺀَ ﮐﺌﯿﺖ ﺗﮧ ﻟﺸﮑﺮ ﺁﮨﺎﮞ ﺑﻨﺪﯾﮓ ﮐﻨﺖ ﺀُ ﺭﻧﺪﺍ ﺁﺋﯽ ﺀِ ﮐﻠﯿﮟ ﺳﻨﮕﺘﺎﮞ ﭘﺎﮨﻮ ﺩﻧﺖ۔

ﺑﻠﻮﭺ ﺳﯿﺎﺳﺖ ﺀِ ﺗﮩﺎ، ﭘﺎﮐﺴﺘﺎﻥ ﺀَ ﮨﻮﺍﺭ ﺑﻮﮒ ﺀَ ﭘﺪ، ﺑﺎﺯﯾﮟ ﺳﺮﺩﺍﺭﺍﮞ ﭘﮧ ﻭﺗﯽ ﺣﺎﮐﻤﯽ ﺀُ ﻭﺍﺟﮩﯽ ﺀِ ﺑﺮﺟﻢ ﺩﺍﺭﮒ ﺀَ، ﺩﮊﻣﻦ ﺀِ ﮨﻤﺮﺍﮨﺪﺍﺭﯼ ﮐﺘﮓ ﺀُ ﻟﮩﺘﯿﻦ ﺀَ ﭘﮧ ﺑﻠﻮﭺ ﺀِ ﺣﺎﮐﻤﯽ ﺀِ ﻭﺍﺳﺘﺎ ﻭﺗﯽ ﺳﯿﺎﺳﯽ ﮐِﺮﺩ ﭘﯿﻠﻮ ﮐﺘﮓ۔ ﺳﺮﺩﺍﺭ ﺧﯿﺮ ﺑﺨﺶ ﻣﺮﯼ، ﺷﮩﯿﺪ ﻧﻮﺍﺏ ﺍﮐﺒﺮ ﺧﺎﻥ ﺑﮕﭩﯽ ﺀُ ﺳﺮﺩﺍﺭ ﻋﻄﺎﺀ ﺍﻟﻠﮧ ﻣﯿﻨﮕﻞ ﮨﻤﺎ ﻣﺮﺩﻡ ﺑﻮﺗﮓ ﺍَﻧﺖ ﮐﮧ ﺑﻠﻮﭺ ﺳﯿﺎﺳﺖ ﺀِ ﺗﮩﺎ ﺟﻮﺍﻧﯿﮟ ﮐﺮﺩﮮ ﺀِ ﻭﺍﮨﻨﺪ ﺯﺍﻧﮓ ﺑﻨﺖ۔ ﺑﻠﺌﮯ ﺍﮮ ﺳﺌﯿﮟ ﻭﺗﯽ ﻭﺗﯽ ﻣﺨﺘﻠﻔﯿﮟ ﻣﺰﺍﺝ ﺀُ ‏( ﺳﯿﺎﺳﯽ ﻃﺮﯾﻘﮧ ﮐﺎﺭ ‏) ﺀِ ﺳﻮﺏ ﺀَ ﯾﮑﺠﺎﮦ ﻧﮧ ﺑﻮﺗﮓ ﺍَﻧﺖ۔ ﻧﯿﭗ ‏( ﻧﯿﺸﻨﻞ ﻋﻮﺍﻣﯽ ﭘﺎﺭﭨﯽ ‏) ﺀِ ﻓﻮﺭﻡ ﺀَ ﭘﺪ ﺍﮮ ﺳﺌﯿﮟ ﺳﺮﻭﮎ ﺟﺘﺎ ﺟﺘﺎ ﺋﯿﮟ ﺭﺍﮨﺎﻧﯽ ﻣﺴﺎﻓﺮ ﺑﻮﺗﻨﺖ۔ ﻧﻮﺍﺏ ﺍﮐﺒﺮ ﺧﺎﻥ ﺑﮕﭩﯽ ﮨﭙﺘﺎﺩ ﺀِ ﺩِﮨﮏّ ﺀَ ﺑﻠﻮﭼﺴﺘﺎﻥ ﺀِ ﮔﻮﺭﻧﺮ ﺟﻮﮌ ﮐﻨﮓ ﺑﯿﺖ ﺀُ ﮨﻤﮯ ﺯﻣﺎﻧﮕﺎﮞ ﻣﺎﮞ ﺑﻠﻮﭼﺴﺘﺎﻥﺀَ ﭘﯿﭙﻠﺰﭘﺎﺭﭨﯽ ﺀِ ﺣﺎﮐﻤﯽﺀِ ﻭﮨﺪﺍﮞ ﮐﮧ ﺫﻭﻟﻔﻘﺎﺭ ﺑﮭﭩﻮ ﭘﺎﮐﺴﺘﺎﻥ ﺀِ ﺳﺮ ﻭﺯﯾﺮ ﺑﯿﺖ، ﭘﺎﮐﺴﺘﺎﻥ ﺀُ ﺍﯾﺮﺍﻥ ﮨﻮﺍﺭﯾﮟ ﻟﺸﮑﺮ ﮐﺸﯽ ﯾﮯ ﮐﻨﻨﺖ ﺀُ ﻣﺰﻧﯿﮟ ﺑﻠﻮﭼﮯ ﺍﮮ ﺁﭘﺮﯾﺸﻦ ﺀَ ﮐُﺸﮓ ﺑﯿﺖ۔ ﮨﺸﺘﺎﺩ ﺀِ ﺩِﮨﮏّ ﺀَ ﺑﻠﻮﭺ ﻧﯿﺸﻨﻠﺴﭧ ﻣﺎﮞ ﭘﺎﺭﻟﯿﻤﻨﭧ ﺀَ ﻭﺗﯽ ﯾﮏ ﺍﻻﺋﻨﺴﮯ ﭨﮩﯿﻨﻨﺖ ﮐﮧ ﺍﮮ ﺍﻻﺋﻨﺲ ﻧﻮﺍﺏ ﺍﮐﺒﺮ ﺧﺎﻥ ﺑﮕﭩﯽ ﺀَ ﺑﻠﻮﭼﺴﺘﺎﻥ ﺀِ ﺳﺮ ﻭﺯﯾﺮ ﺟﻮﮌ ﮐﻨﺖ۔ ﭼﺮﯾﺸﯽﺀَ ﺍﺑﯿﺪ ﻧﻮﺍﺏ ﺍﮐﺒﺮ ﺧﺎﻥ ﺑﮕﭩﯽ ﺑﺎﺯ ﺑﺮﺍﮞ ﭘﺎﮐﺴﺘﺎﻥ ﺀِ ﻗﻮﻣﯽ ﺍﺳﻤﺒﻠﯽ ﺀِ ﺑﺎﺳﮏ ﺍﻭﮞ ﮔﭽﯿﻦ ﮐَﻨﮓ ﺑﯿﺖ۔ ﮔﮉ ﺳﺮﺍ ﺑﮕﭩﯽ ﮔﻮﮞ ﭘﺎﮐﺴﺘﺎﻥ ﺀِ ﻓﻮﺝﺀَ ﺩﯾﻢ ﭘﮧ ﺩﯾﻢ ﺑﯿﺖ ﺀُ ﻣﺎﮞ ﺗﺮﺍﺗﺎﻧﯽ ﺀِ ﮐﻮﮨﺎﻧﯽ ﺗﮩﺎ 26 ﺍﮔﺴﺖ 2006 ﺀَ ﺷﮩﯿﺪ ﮐﻨﮓ ﺑﯿﺖ ﺀُ ﭼﺮﺍﺋﯽ ﺀَ ﭘﺪ ﺳﺮﺩﺍﺭ ﺧﯿﺮ ﺑﺨﺶ ﻣﺮﯼ ﺍﻭﮞ ﺟﻮﻥ ﺀِ ﻣﺎﮦ ﺀَ 2014 ﺀَ ﻣﺎﮞ ﮐﺮﺍﭼﯽ ﺀِ ﯾﮏ ﻧﺎﺩﺭﺍﮦ ﺟﺎﮨﮯﺀَ ﺑﯿﺮﺍﻥ ﺑﯿﺖ۔

ﺑﻠﺌﮯ ﺍﮮ ﻭﮨﺪﯼ ﺩﻭﮨﺰﺍﺭ ﺷﺎﻧﺰﺩﮦ ﺍِﻧﺖ ﮐﮧ ﻣﻦ ﺍﮮ ﻧﺒﺸﺘﺎﻧﮏﺀَ ﻧﺒﺸﺘﮧ ﮐﻨﮕﺎ ﺍﻭﮞ ﺳﺮﺩﺍﺭ ﻋﻄﺎﺀ ﺍﻟﻠﮧ ﻣﯿﻨﮕﻞ ﺍَﺳﺖ ﺀُ ﮨﯿﺎﺕ ﺍِﻧﺖ ﺀُ ﺣﺎﻣﻮﺷﯿﮟ ﺯﻧﺪﮮ ﮔﻮْﺍﺯﯾﻨﮕﺎ ﺍِﻧﺖ۔ ﺁﺋﯽ ﺀِ ﺳﯿﺎﺳﯽ ﻭﺍﺭﺙ ﺳﺮﺩﺍﺭ ﺍﺧﺘﺮ ﺟﺎﻥ ﻣﯿﻨﮕﻞ ﺑﯽ ﺍﯾﻦ ﭘﯽ ﺀِ ﺳﺮﻭﮎ ﺍِﻧﺖ ﺀُ ﭘﺎﺭﻟﯿﻤﺎﻧﯽ ﺳﯿﺎﺳﺖ ﺀِ ﺑﮩﺮﮮ۔ ﺳﺮﺩﺍﺭ ﻋﻄﺎﺀ ﺍﻟﻠﮧ ﻣﯿﻨﮕﻞ ﺀَ ﭘﮧ ﺑﻠﻮﭺ ﺭﺍﺟﯽ ﺟﮩﺪ ﺀَ ﺑﺎﺯﯾﮟ ﺳَﮑّﯽ ﻭ ﺳﻮُﺭﯼ ﮐَﺸّﺘﮓ، ﺁﺋﯽ ﺀِ ﺑَﭻّ ﺍﺳﺪ ﺍﻟﻠﮧ ﻣﯿﻨﮕﻞ ﮐِﺴﺎﺱ ﺍﻭﻟﯽ ﻭﺭﻧﺎ ﺑﻮﺗﮓ ﮐﮧ ﭼﮧ ﺑﻠﻮﭼﺴﺘﺎﻥﺀَ ﺁﻭﺍﺭ ﺟَﻨَﮓ ﺑﻮﺗﮓ ﺀُ ﺁﺋﯽ ﺀِ ﻻﺵ ﺗﻨﯽ ﻭﮨﺪﺍﮞ ﮐﺲﺀَ ﺩﺯ ﻧﮧ ﮐﭙﺘﮓ۔

ﺳﺮﺩﺍﺭ ﻋﻄﺎ ﺍﻟﻠﮧ ﻣﯿﻨﮕﻞ، ﻭﺍﺟﮧ ﺧﯿﺮ ﺑﺨﺶ ﻣﺮﯼ ﺀِ ﮨﻤﺮﺍﮨﯽ ﺀَ ﮔﻮﮞ ﻣﯿﺮ ﻏﻮﺙ ﺑﺨﺶ ﺑﺰﻧﺠﻮ ﺀَ ﯾﮏ ﺟﺎﮦ ﻣﺎﮞ ﺑﻨﺪﯼ ﺟﺎﮦ ﺀَ ﺑﻨﺪ ﺍﻭﮞ ﺑﻮﺗﮓ۔ ﺁﺋﯽ ﺀِ ﺑَﭻّ ﺳﺮﺩﺍﺭ ﺍﺧﺘﺮ ﻣﯿﻨﮕﻞ ﮐﮧ ﺍَﻧّﻮﮞ ﺑﯽ ﺍﯾﻦ ﭘﯽ ﺀِ ﺳﺮﻭﮎ ﺍِﻧﺖ، ﻓﻮﺟﯽ ﮈﮐﭩﯿﭩﺮ ﭘﺮﻭﯾﺰ ﻣﺸﺮﻑ ﺀِ ﺯﻣﺎﻧﮓ ﺀَ ﺯِﻧﺪﺍﻥ ﺀَ ﺑﻨﺪ ﮐﻨﮓ ﺑﯿﺖ۔ ﻋﻄﺎ ﺍﻟﻠﮧ ﺀِ ﺩﻭﻣﯽ ﺑَﭻّ ﺟﺎﻭﯾﺪ ﻣﯿﻨﮕﻞ ﻣﺎﮞ ﻟﻨﺪﻥ ﺀَ ﻧﻨﺪﻭﮎ ﺍِﻧﺖ ﺀُ ﮔﻮﮞ ﺑﻠﻮﭺ ﺳﯿﺎﺳﺖ ﺀَ ﮨﻤﮕﺮﻧﭻ ﺍِﻧﺖ ﺑﻠﺌﮯ ﭼﻮ ﻭﺍﺟﮧ ﺣﯿﺮ ﺑﯿﺎﺭ ﺀُ ﻧﻮﺍﺏ ﻣﮩﺮﺍﻥ ﻣﺮﯼ ﺀِ ﭘﯿﻢ ﺀَ ﺁﺋﺮﺍ ﺍﻭﮞ ﺳﺮﻓﯿﺲ ﺀَ ﺳﯿﺎﺳﯽ ﭘﺎﺭﭨﯽ ﻧﯿﺴﺖ۔

ﻧﯿﺸﻨﻞ ﻋﻮﺍﻣﯽ ﭘﺎﺭﭨﯽ ﺀَ ﭘَﺪ ﻧﻮﺍﺏ ﺧﯿﺮ ﺑﺨﺶ ﻣﺮﯼ ﺀَ ﮨﭻ ﭘﺎﺭﭨﯽ ﺟﻮﮌ ﻧﮧ ﮐﺘﮓ ﺀُ ﮨﭻ ﭘﺎﺭﭨﯽ ﺀِ ﺑﺎﺳﮏ ﺍﻭﮞ ﻧﮧ ﺑﻮﺗﮓ۔ ﺳﺮﺩﺍﺭ ﻋﻄﺎ ﺍﻟﻠﮧ ﻣﯿﻨﮕﻞ ﺑﯽ ﺍﯾﻦ ﭘﯽ ﺀُ ﻧﻮﺍﺏ ﺍﮐﺒﺮ ﺧﺎﻥ ﺑﮕﭩﯽ ﺟﻤﮩﻮﺭﯼ ﻭﻃﻦ ﭘﺎﺭﭨﯽ ﺀَ ﺟﻮﮌ ﮐﻨﺖ ﺀُ ﻭﺗﯽ ﺳﯿﺎﺳﯽ ﺳﻔﺮﺀَ ﺩﯾﻤﺎ ﺑﺎﺭﺕ۔ ﮨﻤﮯ ﭘﯿﻢ ﺀَ ﺑﻠﻮﭺ ﺳﺮﺩﺍﺭﺀُ ﻭﺍﺟﮧ ﮐﺎﺭﺍﻧﯽ ﺗﮩﺎ ﺳﺮﺩﺍﺭ ﯾﺎﺭ ﻣﺤﻤﺪ ﺭِﻧﺪ، ﻧﻮﺍﺏ ﻣﺤﻤﺪ ﺧﺎﻥ ﺷﺎﮨﻮﺍﻧﯽ، ﻣﯿﺮ ﺑﺨﺘﯿﺎﺭ ﺧﺎﻥ ﮈﻭﻣﮑﯽ، ﻧﻮﺍﺑﺰﺍﺩﮦ ﻃﺎﺭﻕ ﻣﮕﺴﯽ، ﻧﻮﺍﺏ ﺍﺳﻠﻢ ﺭﺋﯿﺴﺎﻧﯽ، ﻣﯿﺮ ﻋﺒﺪﺍﻟﺮﺣﻤﺎﻥ ﺟﻤﺎﻟﯽ، ﻣﯿﺮ ﻟﺸﮑﺮﯼ ﺭﺋﯿﺴﺎﻧﯽ، ﻣﯿﺮ ﻧﺼﯿﺮ ﺧﺎﻥ ﺟﻤﺎﻟﯽ، ﻣﯿﺮ ﺳﻠﯿﻢ ﺍﺣﻤﺪ ﮐﮭﻮﺳﮧ، ﻣﯿﺮ ﺟﺎﻡ ﻣﺤﻤﺪ ﯾﻮﺳﻒ، ﻣﯿﺮ ﻇﻔﺮﺍﻟﻠﮧ ﺟﻤﺎﻟﯽ، ﻧﻮﺍﺑﺰﺍﺩﮦ ﻃﺎﺭﻕ ﻣﮕﺴﯽ، ﺳﺮﺩﺍﺭ ﺍﺳﻠﻢ ﺑﺰﻧﺠﻮ، ﺳﺮﺩﺍﺭ ﻋﺒﺪﺍﻟﺮﺣﻤﺎﻥ ﮐﮭﯿﺘﺮﺍﻥ، ﺳﺮﺩﺍﺭ ﮐﻤﺎﻝ ﺧﺎﻥ ﺑﻨﮕﻠﺰﺋﯽ، ﻣﯿﺮ ﺍﺳﺮﺍﺭ ﺯﮨﺮﯼ، ﻧﻮﺍﺏ ﺛﻨﺎﺀ ﺍﻟﻠﮧ ﺯﮨﺮﯼ، ﻧﻮﺍﺏ ﺫﻭﺍﻟﻔﻘﺎﺭ ﻣﮕﺴﯽ ﺀُ ﺍﻧﺪﮔﮧ ﺑﺎﺯﯾﮟ ﺳﺮﺩﺍﺭ ﺀُ ﻭﺍﺟﮧ ﮐﺎﺭ ﺑﺮﮮ ﭘﮧ ﻭﺕ ﭘﺎﺭﭨﯽ ﯾﮯ ﺟﻮﮌ ﮐَﻨﻨﺖ ﺀُ ﺑﺮﮮ ﺩﮔﮧ ﭘﺎﺭﭨﯿﺎﻧﯽ ﺑﮩﺮ ﺑﻨﺖ ﺀُ ﺳﯿﺎﺳﯽ ﭘِﮍ ﺀَ ﮨﻮﺍﺭ ﺑﻨﺖ۔ ﺑﻠﺌﮯ ﺍِﺷﺎﮞ ﮨﭽﺒﺮ ﺑﻠﻮﭺ ﺭﺍﺟﺪﻭﺳﺘﯽ ﺀِ ﺳﯿﺎﺳﺖ ﺀِ ﺑﯿﺮﮎ ﭼِﺴﺖ ﻧﮧ ﮐﺘﮓ۔

ﺧﯿﺮ ﺑﺨﺶ ﻣﺮﯼ ﺀِ ﺑﭻ ﭼﻨﮕﯿﺰ ﻣﺮﯼ ﮔﻮﮞ ﻣﺴﻠﻢ ﻟﯿﮓ ﺀَ ﮨﻤﮕﺮﻧﭻ ﺍﻧﺖ ﺀُ ﺻﻮﺑﺎﺋﯽ ﻭﺯﯾﺮﮮ ﺑﻠﺌﮯ ﺁﺋﯽ ﺀِ ﺑﺮﺍﺕ ﺣﯿﺮ ﺑﯿﺎﺭ ﻣﺮﯼ ﺑﻠﻮﭼﺴﺘﺎﻥ ﺀِ ﻣﺰﺍﺣﻤﺘﯽ ﺳﯿﺎﺳﺖ ﺀُ ﺁﺟﻮﺋﯽ ﺀِ ﺟﮩﺪ ﺀَ ﮔﻮﮞ ﮨﻤﮕﺮﻧﭻ ﺍﻧﺖ۔ ﺧﯿﺮ ﺑﺨﺶ ﻣﺮﯼ ﺀِ ﺑﯿﺮﺍﻧﯽ ﺀَ ﭘﺪ ﺁﺋﯽ ﺀِ ﺑﭻ ﻣﮩﺮﺍﻥ ﻣﺮﯼ ﻭﺗﯽ ﭨَﮏّ ﺀِ ﻧﻮﺍﺏ ﺟﻮﮌ ﺑﯿﺖ ﺀُ ﺍﮮ ﻭﮨﺪﺍﮞ ﮔﻮﮞ ﺑﻠﻮﭼﺴﺘﺎﻥ ﺀِ ﺁﺟﻮﺋﯽ ﺀِ ﺟﮩﺪﺀَ ﮨﻤﮕﺮﻧﭻ ﺍِﻧﺖ۔ ﺑﯿﺴﺖ ﺀُ ﯾﮑﻤﯽ ﮐﺮﻥ ﺀِ ﺗﮩﺎ ﻧﻮﮐﺘﺮﯾﮟ ﺑﻠﻮﭺ ﻧﻮﺍﺏ ﺟﻮﮌ ﺑﻮﻭﮐﯿﮟ ﻧﻮﺍﺏ ﻣﮩﺮﺍﻥ ﻣﺮﯼ ﻣﺎﮞ ﺍﻗﻮﺍﻡ ﻣﺘﺤﺪﮦ ﺀِ ﺍﻧﺴﺎﻧﯽ ﺣﻘﺎﻧﯽ ﺍﺩﺍﺭﮦ ﺀَ ﺍﻭﮞ ﺑﺎﺳﮑﮯ ﺀِ ﺑﺴﺘﺎﺭﺀَ ﮔﻮﻥ ﺍِﻧﺖ۔

ﻧﻮﺍﺏ ﺍﮐﺒﺮ ﺧﺎﻥ ﺑﮕﭩﯽ ﺀِ ﺷﮩﺎﺩﺕ ﺀَ ﭘﺪ ﺁﺋﯽ ﺀِ ﻧﻤﺎﺳﮓ ﺑﺮﺍﮨﻤﺪﮒ ﺑﮕﭩﯽ ﻭﺗﯽ ﭨَﮏّ ﺀِ ﻧﻮﺍﺏ ﺟﻮﮌ ﺑﯿﺖ ﺑﻠﺌﮯ ﺩﻭﻣﯽ ﻧﯿﻤﮕﺎ ﺳﺮﺩﺍﺭ ﻋﺎﻟﯽ ﺑﮕﭩﯽ ﺍﻭﮞ ﻧﻮﺍﺑﯽ ﺀِ ﺩﻋﻮﯼٰ ﺀَ ﮐﻨﺖ ﺀُ ﻣﺎﮞ ﮈﯾﺮﮦ ﺑﮕﭩﯽ ﺀَ ﺳﺮ ﺑﯿﺖ۔ ﺩﻭﻣﯽ ﻧﯿﻤﮕﺎ ﻧﻮﺍﺏ ﺑﺮﺍﮨﻤﺪﮒ ﺑﮕﭩﯽ ﭼﮧ ﺍﻓﻐﺎﻧﺴﺘﺎﻥﺀَ ﺩﯾﻢ ﭘﮧ ﯾﻮﺭﭖ ﺀَ ﺭﺅﺕ ﺀُ ﺍﮮ ﻭﮨﺪﺍﮞ ﺁ ﺑﻠﻮﭺ ﺭﯾﭙﺒﻠﮑﻦ ﭘﺎﺭﭨﯽ ﺀِ ﺳﺮﻭﮎ ﺍِﻧﺖ ﺀُ ﺑﻠﻮﭼﺴﺘﺎﻥ ﺀِ ﺁﺟﻮﺋﯽ ﺀِ ﺟُﻨﺰﺀَ ﺁﺋﯽ ﺀِ ﻣﺰﻧﯿﮟ ﮐِﺮﺩﮮ ﺍﺳﺖ ﺍِﻧﺖ۔

ﺳﺮﺩﺍﺭﺍﻧﯽ ﮔﯿﺸﺘﺮ ﺳﯿﺎﺳﯽ ﮐِﺮﺩ ﭘﮧ ﻭﺗﯽ ﭨَﮏّ ﺀُ ﻗﺒﯿﻠﮧ ﯾﺎ ﻭﺗﯽ ﺫﺍﺗﯽ ﻧﭗ ﺀُ ﺳﯿﺘّﺎﻧﯽ ﻭﺍﺳﺘﺎ ﺑﻮﺗﮓ ﺀُ ﭼﺸﯿﮟ ﺳﺮﺩﺍﺭ ﮐﻢ ﺑﻮﺗﮓ ﮐﮧ ﺁﺋﯽ ﺀَ ﻭﺗﯽ ﺳﯿﺎﺳﯽ ﺯِﻧﺪ ﭘﮧ ﺑﻠﻮﭺ ﺭﺍﺝ، ﺭﺍﺟﯽ ﺳﯿﻤﺴﺮ ﯾﺎ ﺭﺍﺟﯽ ﭘَﺠّﺎﺭﺀَ ﺟﮩﺪﺀَ ﮔﻮﺍﺯﯾﻨﺘﮓ۔ ﯾﮏ ﺣﺒﺮﮮ ﺍِﺩﺍ ﺗﭽﮏ ﮐﻨﮓ ﻟﻮﭨﺎﮞ ﮐﮧ ﺳﺮﺩﺍﺭﺍﻧﯽ ﺗﯿﻮﮔﯿﮟ ﻧﺰﻭﺭﯾﺎﮞ ﺍﺑﯿﺪ ﺳﺮﺩﺍﺭﺍﮞ ﯾﺎ ﭨَﮏّ ﺀُ ﻗﺒﯿﻠﮩﯽ ﻧﻈﺎﻡ ﺀِ ﺗﮩﺎ ﺑﻠﻮﭺ ﺀِ ﺩﻭﺩ ﺭﺑﯿﺪﮒ ﮔﯿﺸﺘﺮ ﭘﮩﺎﺯﮒ ﺑﻮﺗﮓ ﺍَﻧﺖ۔

ﻣﺮﭼﯿﮕﯿﮟ ﻋﻠﻢ، ﻓﻠﺴﻔﮧ، ﺳﺎﺋﻨﺲ ﺀُ ﭨﯿﮑﻨﺎﻟﻮﺟﯽ ﺀِ ﺯﻣﺎﻧﮓ ﺀَ ﺑﻠﻮﭺ ﺭﺍﺝ ﺀِ ﺗﮩﺎ ﺳﺮﺩﺍﺭﯼ ﻧﻈﺎﻡ ﯾﺎ ﻭﺍﺟﮧ ﮐﺎﺭﯼ ﺩﺅﺭﺀِ ﮨﭻ ﺿﺮﻭﺭﺕ ﻧﮧ ﺍِﻧﺖ ﺀُ ﻧﺎﮞ ﮐﮧ ﺑﻠﻮﭺ ﺍﮮ ﻧﻈﺎﻡ ﺀَ ﭘﺮﻭﻣﻮﭦ ﮐﻨﺖ۔ ﺑﻠﺌﮯ ﻣﻦ ﮨﻤﮯ ﺣﺒﺮﺀَ ﮐﻤﮯ ﺣﯿﺮﺍﻧﺎﮞ ﮐﮧ ﮨﻤﺎ ﺳﺮﺩﺍﺭ ﮐﮧ ﻭﺗﺎ ﺁﺟﻮ ﭘﺴﻨﺪﯾﮟ ﺳﺮﺩﺍﺭ ﮔﺸﻨﺖ ﺀُ ﺍﮮ ﺩﻭﺭﺀِ ﺗﮩﺎ ﺳﯿﺎﺳﺖ ﺀَ ﮨﻮﺍﺭ ﺍَﻧﺖ، ﺁ ﺍﻧﮕﺖ ﻭﺗﯽ ﻧﺎﻡ ﺀِ ﺩﯾﻤﺎ ﻧﻮﺍﺏ ﻧﺒﺸﺘﮧ ﮐﻨﻨﺖ ﯾﺎ ﺳﺮﺩﺍﺭ۔ ﭘﮧ ﺩَﺭﻭﺭ ﻣﻦ ﻧﻮﺍﺏ ﺑﺮﺍﮨﻤﺪﮒ ﺑﮕﭩﯽ ﺀُ ﻧﻮﺍﺏ ﻣﮩﺮﺍﻥ ﻣﺮﯼ ﺀِ ﻧﺎﻡ ﺀَ ﮔِﺮﺍﮞ ﮐﮧ ﺍﮮ ﺩﻭﺋﯿﮟ ﻭﺗﺎ ﮔﻮﮞ ﺑﻠﻮﭺ ﺳﯿﺎﺳﺖ ﺀَ ﮨﻤﮕﺮﻧﭻ ﻟﯿﮑﻨﺖ ﺑﻠﺌﮯ ﻣﺮﭼﯽ ﺑﯿﺴﺖ ﺀُ ﯾﮑﻤﯽ ﮐﺮﻥ ﺀَ ﺍﻭﮞ ﮔﻮﮞ ﻭﺗﯽ ﻧﻮﺍﺑﯽ ﭨﺎﺋﯿﭩﻞ ﺀَ ﺳﯿﺎﺳﺖ ﮐﻨﮕﺎ ﺍَﻧﺖ۔ ﺩﻭﺋﯿﮟ ﻧﻮﺍﺏ ﺍﮮ ﻭﮨﺪﯼ ﻣﺎﮞ ﯾﻮﺭﭖ ﺀَ ﻧﺸﺘﮓ ﺍَﻧﺖ ﺀُ ﺑﺮﮮ ﺑﺮﮮ ﻣﯿﺎﮞ ﺍﺳﺘﻤﺎﻧﯽ ﺍﺩﺍﺭﮨﮯ ﺀَ ﭘﮧ ﺑﻠﻮﭺ ﺀَ ﺁﻭﺍﺯ ﭼﺴﺖ ﮐﻨﻨﺖ ﺑﻠﺌﮯ ﺍﻧﮕﮧ ﻧﻮﺍﺑﯽ ﭘﻮﺳﺖ ﺀَ ﭼﮧ ﺩﺭﺁﯾﮕﺎ ﺭﺍﺯﯼ ﻧﮧ ﺍﻧﺖ۔

ﻧﻮﺍﺏ ﺑﺮﺍﮨﻤﺪﮒ ﺑﮕﭩﯽ ﺀُ ﻧﻮﺍﺏ ﻣﮩﺮﺍﻥ ﻣﺮﯼ ﺀِ ﻣَﻨّﺎﻧَﮏ ﮨﻤﯿﺶ ﺍِﻧﺖ ﺀُ ﺁﮨﺎﻧﯽ ﺳﯿﺎﺳﯽ ﮨﻤﺮﺍﮦ ﻣﺎﮞ ﺳﻮﺷﻞ ﻣﯿﮉﯾﺎ ﺀَ ﻣﺪﺍﻡ ﮨﻤﮯ ﺣﺒﺮﺀَ ﺍﯾﺮ ﮐﻨﻨﺖ ﮐﮧ ﻣﺎ ﺍﻭﮞ ﻣﺮﭼﯽ ﻋﻠﻢ ﺀُ ﺯﺍﻧﺖ ﺀِ ﺯﻣﺎﻧﮓ ﺀَ ﺳﺮﺩﺍﺭﯼ ﻧﮧ ﻟﻮﭨﺎﮞ ﺀُ ﺳﯿﺎﺳﯽ ﺭﮨﺒﻨﺪﺍﻧﯽ ﻣﻨّﻮﮔﺮﺍﮞ ﺑﻠﺌﮯ ﻣﺌﮯ ﻣﺠﺒﻮﺭﯼ ﮨﻤﯿﺶ ﺍﻧﺖ ﮐﮧ ﻣﺌﮯ ﭨَﮑّﺎﻧﯽ ﺗﮩﺎ ﮨﺰﺍﺭﺍﮞ ﻣﺮﺩﻡ ﺍﺳﺖ ﮐﮧ ﺍﮔﺎﮞ ﻣﺎ ﺍﮮ ﻧﻮﺍﺑﯽ ﭨﺎﺋﯿﭩﻞ ﺀَ ﻣﮧ ﺯﻭﺭﺍﮞ ﺗﮧ ﺑﮕﭩﯽ ﭨَﮏّ ﺀِ ﻣﺮﺩﻡ ﮔﻮﮞ ﻧﻮﺍﺏ ﻋﺎﻟﯽ ﺑﮕﭩﯽ ﺀَ ﮨﻮﺍﺭ ﺑﻨﺖ ﺀُ ﻣﺮﯼ ﭨَﮏّ ﺀِ ﻣﺮﺩُﻡ ﮔﻮﮞ ﻧﻮﺍﺑﺰﺍﺩﮦ ﭼﻨﮕﯿﺰ ﻣﺮﯼ ﺀَ ﮨﻮﺍﺭ ﺑﻨﺖ ﺀُ ﺑﻠﻮﭼﺴﺘﺎﻥ ﺀَ ﭘﺎﺭﻟﯿﻤﺎﻧﯽ ﺳﯿﺎﺳﺖ ﺀَ ﻣُﮩﮑﻢ ﮐﻨﻨﺖ۔

ﺑﻠﻮﭺ ﺀِ ﺟﯿﮍﮦ ﺍﯾﺶ ﺍﻧﺖ ﮐﮧ ﻭﺕ ﺀَ ﭼﮧ ﻗﺒﺎﺋﻠﯽ ﺳﺴﭩﻢ ﺀَ ﺩﺭ ﮐﻨﮓ ﻟﻮﭨﯿﺖ ﺑﻠﺌﮯ ﺍﺩﺍﺭﮦ ﺟﻮﮌ ﮐﻨﮓ ﺀُ ﻣُﮩﮑﻢ ﮐﻨﮓ ﺀِ ﻧﯿﻤﮕﺎ ﺳﻨﺠﯿﺪﮦ ﻧﮧ ﺍِﻧﺖ۔ ﮨﻤﮯ ﻭﺍﺳﺘﺎ ﺁﮨﺎﻧﯽ ﭨَﮏ ﺀِ ﻣﺮﺩﻡ ﺳﯿﺎﺳﯽ ﺯﺍﻧﺖ ﺀِ ﭘﺪﺍ ﻧﺎﮞ ﺑﻠﮑﯿﮟ ﭘﮧ ﻧﻮﺍﺑﯽ ﻧﺎﻡ ﺀَ ﺁﮨﺎﻧﯽ ﮨﻤﺮﺍﮦ ﺍﻧﺖ۔ ﮨﻤﮯ ﺳﻮﺏ ﺍﻧﺖ ﮐﮧ ﺳﯿﺎﺳﯽ ﭘﮍﺀَ ﺩﻧﯿﺎ ﺀِ ﺗﮩﺎ ﺑﻠﻮﭺ ﺳﯿﺎﺳﯽ ﺟﻨﺰ ﺀَ ﺍﺭﺯﺷﺖ ﺩﺋﯿﮓ ﻧﮧ ﺑﯿﺖ۔ ﺍﮔﺎﮞ ﯾﮏ ﺍﺩﺍﺭﮨﮯ ﺟﻮﮌ ﮐﻨﮓ ﺑﻮﺗﮓ ﮔﮍﺍ ﺁ ﺍﺩﺍﺭﮦ ﺀِ ﺗﮩﺎ ﮐﮧ ﺁﺋﯿﻦ ﯾﮯ ﺍﺳﺖ ﺍِﻧﺖ ﮨﻤﺎ ﺁﺋﯿﻦ ﺀِ ﺳﺮﺍ ﻋﻤﻞ ﺍﻭﮞ ﻧﮧ ﺑﻮﻭﮒ ﺀِ ﺑﺮﻭﺑﺮ ﺍِﻧﺖ ﺀُ ﺷﺨﺼﯿﺖ ﻭﺗﯽ ﺗﺐ ﺀَ ﺩﺭﮨﯿﮟ ﭼﯿﺰﺍﮞ ﭨﮩﯿﻨﮕﺎ ﺍَﻧﺖ۔

ﺳﺮﺷﻮﻥ

۔ﺗﺎﺭﯾﺦ ﺑﻠﻮﭼﺴﺘﺎﻥ۔۔ ﮔﻞ ﺧﺎﻥ ﻧﺼﯿﺮ

۔ﺗﺎﺭﯾﺦ ﺑﻠﻮﭼﺴﺘﺎﻥ ۔۔ ﮨﺘّﻮﺭﺍﻡ

۔ﺑﻠﻮﭺ ﻗﻮﻡ 2 ۔۔ ﮈﺍﮐﭩﺮ ﺷﺎﮦ ﻣﺤﻤﺪ ﻣﺮﯼ

دلگوش۔۔اے نبشتانکءِ تہا لیکیتگیں درائیں لبز  لیکوک ئیگ انت ۔

ایشاں اوں بوانیت۔

ﺭﺍﺟﺪﭘﺘﺮ ﺀَ ﺳﺮﺩﺍﺭﺍﻧﯽ ﺭﺍﺟﯽ ﮐِﺮﺩ ۔۔۔ ﺳﯿﻤﯽ ﺑﮩﺮ

ﺭﺍﺟﺪﭘﺘﺮ ﺀَ ﺳﺮﺩﺍﺭﺍﻧﯽ ﺭﺍﺟﯽ ﮐﺮﺩ ۔۔۔ ﺩﻭﻣﯽ ﺑﮩﺮ

ﺭﺍﺟﺪﭘﺘﺮ ﺀَ ﺳﺮﺩﺍﺭﺍﻧﯽ ﺭﺍﺟﯽ ﮐﺮﺩ ۔۔۔ ﺍﻭﻟﯽ ﺑﮩر