بلیک اسکائی
چندن ساچ
من انچیں عہدے ءَ سفر کنانءُ اتکگاں
ہزار موسم اَنت منی، ہزار موسم اَنت
اے موسمانی موسم ءَ
من چنچو واب
پُژ جتگ ءُ چم نز آؤرتگ اَنت
وت
ءَ گوں وت نہ جیڑ اِتگ ءُگنگ بوتگاں
عزابیں
عہدے ءِ مسافرانی کسہ ءَ مکن کہ واب بُن گرنت
چو
پیریں مرغے ءَ ملور بنت
گوں
آزمان ءِ چارگ ءَ جدائیانی موسمے رُدیت
اے
آزمان ءَ چنچو کسہانی جون دیستگ اَنت
اِے
آزمان برے چو پیرزالے ءَ وت ءَ گوں مانگیش اِتگ
کُجا
من اتکگاں؟
اِے
تُن پرچی ءَ نہ روت؟
زمین
پرچی ءَ حبر نہ کنت پہ موسمانی ءَ گاری ءَ؟
اِے
آزمان
برے
چو شہ سوارے ءَ گوں زہم ءُ اسپراں
گوں
سیاہیں بورے ءَ
شتگ
پہ ناشناسیں جنگے ءَ
پدا
نہ تَر اِتگ۔۔۔۔۔۔۔
اِے
آزمان ہستیانی جنگلے
نہ
بوتگیں بشارتے
اِے
آزمان قیامتے
بَلے
اِے قیامت ءِ ندارگانی باطن ءَ ہزار کسہ اَنت
اے
کسہانی زندگی
من
ءَ چو پیریں جِنے ءَ توار کنت
پدا
چو شہمے ءَ گوزیتءُ گار بیت
