شاہ ابن شین
آ اولی براں کہ من دیست سک لاگر اَت ندے ءِ زورگ ءَ منی دکان ءَ اَتکگ اَت آئی ءِ گِندگ ءَ گوں منی جان ءِ پُٹ پاد اَتک آں من داں دیراں آئی ءِ سَرگ چار اِت من ءَ آئی ءِ سَرگ ءَ اَنچوش گیروشگ کتگ اَت کہ سما نہ بوت چِہ وھد ءَ آئی ءَ ند زُرت، ند ءِ زَرّ دات اَنت ءُ چِہ پیم دَرکپت ءُ شت ... آئی ءِ روگ ءَ پد ھم من آئی ءِ سَر ءِ بابت ءَ جیڑگ ءَ اِتاں اینکسیں مزنیں سَر ایشی ءِ پشک باریں چتور ایشی ءِ گْورا روت؟
من زرّانی دکل پچ کت آدینک کشّ ات وتی سر چار اِت آدینک ءِ چارگ ءَ گوں من گیشتر ھیران بوت آں منی سَر چرائیگ ءَ مستر اَت منی چمّ پشک ءِ جیگ ءَ کپتگ آں جیگ سلامت اَت من ءَ آدینک ءِ سرا ھچ باور نہ بوت پرچا کہ لوگ ءِ آدینک ءِ تہ ءَ منی سرگ کسان بوتگ من اِشتاپ اِشتاپ ءَ آپ زُرت چمّ شُشت اَنت پدا آدینک چار اِت منی سر سک مزن اَت ھمے سھت ءَ جنین ایں پِنڈوکے ءَ چُکے بڈ ءَ اَت اتک
پنڈوک ءِ سر وَ سک مزن اَت بلے آئی ءِ چُک ءِ سر چدو مستر اَت
دکان ءِ توک سک گرم اَت من کُرسی زُرت ڈن ءَ نشت آں دل ءَ اَتک بہ گندئے من ءَ گرم ءَ جتگ سر گوات اِنت بلے ڈنّ ءَ کہ دراَتک آں ھرکس ءَ بلائیں ٹرّیں ٹرّیں سرگ پِر اَت جنین مردین گونڈو دُرستانی سرگ مزن اَت اَنت ....
پنڈوک ءِ سر وَ سک مزن اَت بلے آئی ءِ چُک ءِ سر چدو مستر اَت
دکان ءِ توک سک گرم اَت من کُرسی زُرت ڈن ءَ نشت آں دل ءَ اَتک بہ گندئے من ءَ گرم ءَ جتگ سر گوات اِنت بلے ڈنّ ءَ کہ دراَتک آں ھرکس ءَ بلائیں ٹرّیں ٹرّیں سرگ پِر اَت جنین مردین گونڈو دُرستانی سرگ مزن اَت اَنت ....
کانگی یے ءَ توار کت من سر بُرز کنگ لوٹ اِت بلے وزن ئےِ سک باز اَت منی سر چِست نہ بوت ....
ھمے میان ءَ لھتے پس منی دکان ءَ پُتِرت من ءَ ھمینچو ھم ھمّت نہ بوت بہ گلّینان اِش من وتی جاہ ءَ چست بوت نہ بوتاں یکّے ءَ من ءَ توار جت
ھمے میان ءَ لھتے پس منی دکان ءَ پُتِرت من ءَ ھمینچو ھم ھمّت نہ بوت بہ گلّینان اِش من وتی جاہ ءَ چست بوت نہ بوتاں یکّے ءَ من ءَ توار جت
" تئی دکان ءِ کاہ پَساں وارتاں تو واب ئے وَ"
کاہ؟
منی دکان وَ کتاب ءِ دکانے دیر نہ گوست پساں کتابے کتابے دپ ءَ اَت دَراتک انت .... سر ءِ وزن اَنچو باز اَت کہ منی چیر ءِ کرسی تِرک تِرک ءَ توار ءَ اَت من پاد اَتک نہ کت کُرسی پُرشت ءُ من جھل ءَ ایر بوت آں
آ دومی براں من پدا ھما روچ ءَ دیست ھمے سھت ءَ کہ کرسی پرشت من کپت آں یکّ زنڈیں مردے ءَ منی کوپگ دست جت من تچک ءَ آئی ءِ سرگ چار اِت (ایشی ءِ سر کسان اِنت) پدا ھُورت چار اِت داں ھما مردیں کہ ندے ءِ زورگ ءَ اَتکگ اَت
من سما کت منی سر سُبّک اِنت بلے من سک زنڈاں آ دگہ مردمانی نیمگ ءَ چار اِت داں دُرس زنڈاں بلے سر اِش کسان اَنت
من سما کت منی سر سُبّک اِنت بلے من سک زنڈاں آ دگہ مردمانی نیمگ ءَ چار اِت داں دُرس زنڈاں بلے سر اِش کسان اَنت
من تچان تچان ءَ دکان ءَ پُتِرتاں آدینک چاراِت داں منی سَرگ شر بوتگ پسانی ھیال ءَ کپت آں ءُ دکان ءِ کتاب چار اِت اَنت داں کتاب ھم سلامت اَنت
مرد دکان ءِ تہ ءَ اَتک " دَہ کلدار ءِ کاہ بدئے"
کاہ؟
من دست شھار دات کہ تو زاناں نہ گِندئے اے کتاب ءِ دکانے؟
گْومے گپّ ءَ مرد ءِ سَر مستر بوت من ءَ تُرس اِت من اشتاپ اشتاپ ءَ لھتیں کتاب آئی ءَ را دات ءُ آئی ءِ زرّ ھم نہ زُرت
آئی ءِ روگ ءَ پد ھرکس منی دکان ءَ کاہ ءِ زورگ ءَ اَتک ھرکس ءَ را کہ من گُشت اے کتاب ءِ دکانے آھانی سرگ مزن بوت انت من ءَ تُرس اِت پرچا کہ سرگ ءِ مزنی ءِ ازاب من سھتے پیش دیستگ اَت منی دکان ءِ سرجمیں کتاب ھلاس بوت اَنت
سیمی براں ھما مرد پدا اَتک
منی دکان ئےِ چار اِت ھچّ ئےِ نہ گشت دَرکپت ءُ شت
آئی ءِ روگ ءَ پد من ھم دکان بند کت دَرکپت آں دو سے دمک گوازینت داں مردے راہ ءِ سر نشتگ کاہ بھا کنگ ءَ اِنت رَوگ ءُ آھگ ءِ راہ ھم بند اِنت نزیکّ ءَ شُت آں داں ھمے مرد اِنت !
منی دکان ئےِ چار اِت ھچّ ئےِ نہ گشت دَرکپت ءُ شت
آئی ءِ روگ ءَ پد من ھم دکان بند کت دَرکپت آں دو سے دمک گوازینت داں مردے راہ ءِ سر نشتگ کاہ بھا کنگ ءَ اِنت رَوگ ءُ آھگ ءِ راہ ھم بند اِنت نزیکّ ءَ شُت آں داں ھمے مرد اِنت !
"تو راہ ءِ سرا کاہ بھا کنگ ءَ ئے ؟مردمانی راہ بند اِنت وَ
آئی ءِ سرگ سک مزن بوت سرجمیں راہ آئی ءِ سرگ ءَ بند کت کُوکّارئےِ کت "تو زاناں کور ئے اے کاہ نہ انت کتاب اَنت؟
من ءُ ھرکس کہ نزیکّ اَت ما وتی سَرگانی مزن بوھگ ءِ تُرس ءَ وت ءَ کور کت
ءُ ما ھمائیں کوریں
ءُ ما ھمائیں کوریں
