جنز ءِ سیاسی رھشونی ءِ زلورت ءُ لَشکری ادارہ ءِ زمہ واری ءُ ڈوبہ!

نبشتہ کار : رندانی گَٹ

مسقط ءَ ھزاراں بلوچ بھرتی کت گوں زپاریاں (ظفاری) جنگ اِش کت وتی ملک اِش مُھکم کت وتی ملک ءَ امن اِش آؤرت مرچی مسقط یک ایمنیں ءُ شرپداریں ملکے ماں جھان ءَ زانگ بیت بَلے ھمے بلوچ ءِ شریّانی برکتءَ ۔ اے بلوچ کہ ماں مسقط ءَ بَھرتی بیت انت ایشانی تہ ءَ یکے ءَ ھم زانت بزاں تالیم نیست اَت، دُراہ لاٹ ءِ لاٹ بے وانندہ اِت اَنت بَلے اِے یک اِستانی یا ملکی پُوجّی ادارہ ءِ تہ ءَ بَھرتی کنگ بوت اَنت، گَلّ بزاں تنزیمی یا پارٹی ھَساب ءَ ایشان ءَ بَرّگ ءُ بھرتی کنگ نہ بوت ایشاں رسمی پوجّی درچ ءَ کار گرگ بوت۔ ایشاں لَشکری بزاں پوجی ڈسپلن ٹرینگ دیگ بوت۔ پمیشکا ایشاں لَشکری ڈسپلن ءِ تہ ءَ نام کٹ اِت کانود ءِ پاسداری کنگ ءِ تہ ءَ نام کٹ اِت دلیری ءُ بھادری تہ ءَ نام کٹ اِت نگھداری ءُ بیسہ ءِ تہ ءَ نام کٹ اِت وھدے پابندی ءِ تہ ءَ نام کٹ اِت اِش گُڑا مزنیں چکاسّے ءَ گوزگ ءَ رند آسر اِے درآتک ایشاں وتی ملک مھکم ءُ ایمن کُرت۔ مزنیں مزنیں کار ءُ اگدھانی تہ ءَ وزیر بوت انت، کرنل ءُ جرنل بیت اَنت تا مروچی ھم ھومان ءِ لَشکر بزاں پوج ءِ آرمی چیف یک بلوچے ۔ وزیر ءُ مشیر ھم بے ھساب ءَ بلوچ اَنت۔ اے ایوک ءَ مسکت (سلطنت اف عمان) ءَ انا بلکیں پورائیں کلیجی (خلیج) ملکاں چہ بلوچ ءِ شریّاں پاھیدگ چِست کتگ آ ھم لَشکری میدان ءَ گیشتر

بلوچ ھما بلوچ اَنت بلوچ ءِ شَرّی تھنا کلیجی عرباں زانتگ۔ عرباں چہ بلوچانی شَرّی ءَ نَپّ چِست کُتگ ءُ بلوچ شْرپ اِزّت ءُ جوانیں کار ءُ اُگدہ داتگ اَنت بلے بلوچ وتی شریّاں وت نہ زانت ایشی ءِ سوْب ایش اِنت کہ عرباں بلوچ مارکسٹ ءُ سوشلزم نہ وانینتگ اَنت بلکیں بلوچانی توسیپ اِش کُتگ کہ بلوچ ءِ کوڈ اف کنڈکٹ بلوچی اِنت۔ بلوچ ماوزے تنگ ءُ چی نہ وانینتگ اَنت بلکیں پَھکیں لَشکری ٹریننگ داتگ اَنت۔ اِستانی کانود وانینگ بیتگ اَنت ءُ ھمے کانودانی پاسداری کنگ ءِ ھاتر ءَ آھان ءَ ڈسپلن دیگ بوتگ اَنت۔

مرچی بلوچ ءِ وتی باریگ اِنت کہ نو وتی ملک ءَ آجو بہ کنت۔ راجی لشکر یا آرمی ءِ جاگہ ءَ تو اگاں گَل بزاں تنزیمی بنیاد ءِ سر ءَ اِے پَھک دِلیں بلوچاں ھَرچ پیم ءَ جنگی زمہ داری دیگ لوٹ ئے گُڑا جنجال سک باز بنت۔ اے راجی جُھدے ایشی تہ ءَ ھرکس کہ بھر زور اِیت آ وتی مرزی سرا کئیت بَلے وھدے کہ آئی جند ءِ زند ءِ گٹّی ءُ زلورتاں کاینت گڑا ادارہ آیاں پورہ کت نہ کنت۔ اے کمزور ءُ نِزوریں سرمچارانی سرا کہ بے وام ءَ پہ وتی لوگ ءَ مات برات گُھار چکّاں یک شامے ءِ بندوبست ءَ کُت نہ کن اَنت وھدے وتی زلورتانی لوٹ ءَ کن اَنت گُڑا تو ایشانی سرا چے گویرا ءُ ماوزے تنگ، کاسترو ، کم آل سنگ استالن جمال ناصر ٹیٹو، ہوچی منہ وڑیں مردانی ھشکیں لیکھاں مُشّ ئے کہ تو لیکھی بزاں نظریانی جُھد کارے ئے باید وتا بہ دار دیما اللہ ھیرکنت ۔ راستی ھمیش اِنت تاں وھدے کہ تو سرمچارانی زلورتاں پورہ مہ کن ئے گُڑا آ بازیں مجبوریانی شکار بنت یا جُنز ءَ یلہ کن اَنت ڈن ءَ رو اَنت یا سرینڈر کن انت۔ سرمچارانی مجبوریانی گیش ءُ گیوار کنوک سیاسی سروگان ءِ زمہ واری بیت پرچا کہ راجی سیاسی سروگان جُنز ءِ زلورتاں بزاں سیاسی چِست ءُ اِیر ، سَپارت کاری ، میڈیا اور کُمکی زلورتانی بندوبست ءَ باید کت بہ کنت۔ سلاہ بندیں جُھد ما جُنز ءِ چہ چار بندریں تکاں یک تَکے سیاسی تک ، سلاہ بندیں تک، سپارتکاری تک ، میڈیا تک۔ بَلے ما ادا ایوکا جُھد ءِ سلاہ بندیں تک ءِ گپ ءَ کنگ ءَ ئے گُڑا اے درگت ءَ جھد ءِ تہ ءَ سرمچار باید وتی ھَکّ ءُ مُزّانی بابت ءَ باید سرپد بہ بنت جھل ءِ نبشتہ کرتگیں تک ءُ گچین سرمچارانی ھَک اَنت آ بزاں

اگاں جُنز ءِ یک سیاسی سروگان بزاں کیادتے مہ بیت گُڑا سرمچار چو چورھی جاور ءَ جَنگّ ءَ بنت گُڑا سرمچار باید یک ھوریں سیاسی سروگانے ءِ لوٹ ءَ بہ کن اَنت پرچا کہ اے راجی سیاسی سرے بیت کہ آ اِستان بزاں ریاستے ءِ مٹ بیت ، آئی رویہ رھشونی ءُ مستری اِستانے ءِ درور بیت ۔ سیاسی سر جُنز ءِ سرجمیں کُمکی بزاں مالی ءُ چِنّ ءُ لانچی زلورتانی پورہ کنگ ءِ ڈوبہ ءَ وتی سرا زور اِیت ۔ جُھد ءِ سیاسی زلورت ، مالی ءُ مادی زلورت ، سِپارتکاری زلورت، میڈیا ءُ رسانکءِ زلوتاں تھنا سیاسی سروگان کت کنت۔ گوں دنیا ءِ ایندگہ سیاسی سروگانی دیم ایوکا سیاسی جیڑھاں گیش ءُ گیوار کُت کنت ۔ اے کار لَشکر ءِ دست ءَ بوت نہ کنت۔ نو سوال ایش اِنت کہ دنیا پرچا بلوچ ءَ سپورٹ کنگ ءَ باڑہ نہ اِنت ؟ نو اگاں یک راجے بلوچ ءِ سپورٹ ءَ ساڑی بہ بیت گڑا گوں کئے ءَ گپ بہ کنت ؟ نو وھدے دنیا بلوچ ءَ کُمک نہ کنت گڑا جُنز کمزور بیت ، مھلوک تنگ دست بیت تاوان گیش بنت سرمچار ھَزاب بنت ۔ نو وھد اتکگ باید سرمچار پرامگ مہ بنت کہ واجہ تئی سیاسی سروگان کئے انت ؟ جواب اِے داتگ اِش کہ سروگان وتی وھد ءِ سرا وت دیم ءَ کئیت۔

اے گپ منگی انت کہ رزاکاری ءُ ھَشَرکاری ءِ بنیاد ءِ سرا ایریں سلاہ بندیں جنگی بزاں مزاھمتی جُھد ءِ بازیں بلوچ ورناھاں سرینڈر کُتگ ۔ الم مجبور بوتگ اَنت۔ اے ھما مجبوری اَنت کہ ایشانی سوْب جنز ءِ سیاسی ءُ کُمکی کمزوری ءُ نزوری اَنت۔ جُست ایش انت نو کہ رھشون جُنز ءِ کمزوری ءُ نزوریانی کش اِت نہ کن اَنت یا جنز ءِ گٹاں گشاد کرت نہ کن اَنت گڑا آیا چوشیں رھشوناں ھَک ھست کہ ھمے نزوریانی سوب ءَ سرینڈر بوتگیں ورناھاں کوشّ ءِ پرمان ءَ بدی اَنت؟ بلوچ بَچّانی ھون باید چو ارزان مہ بیت پمیشکا منی نِزّآں سرمچار بہ بنت یا انچیں بلوچ زھگ چو چم ءِ وڑا دوست دارگ بہ بنت۔ لاپروائی مارا منزل ءَ سر نہ کنت۔ مارا جُنز ءِ گٹ (زلورت) ھَرھال ءَ گُشاد کنگی اَنت

۱ اگاں سجھیں گَل یک راجی لشکرے دْروشم ءَ اتک نہ کن انت بلے سجھیں سلاہ بندیں تنزیمانی یک ھوریں کمانڈے وا بہ بنت۔ سرمچارانی ءُ آیانی کھول ءِ مالی سھولت ءُ سپورٹ پورہ کنگی اِنت۔ ۳ جان دَرائی ءِ اِلاج بندوبست ھر پیم کنگی انت ۴ جنگی سلاہ ءُ سامان الم پُجارینگی انت ۵۔ جُنز ءِ چیریں ادارہ بزاں سکریٹ ایجنسی الم ٹھینگی انت دانکہ جُنز ءَ ھَمُک چیز ءِ چیر گوشی باید بہ بیت ۶۔ سرمچاراں ٹریننگ ڈسپلن جنگی رپک ءُ رھبند ھر وھد ءَ دیگ بہ بیت۔ ۷ بروھد ءُ سیکیورٹی سسٹم سرمچارے کہ لوگءَ رؤت گڑا آئی واستہ سیکیورٹی سسٹم الم بہ بیت دانکہ آ کمو آسود بوت بہ کنت متلب چار مردم چار پاس ءَ شھری زمہ واراں گشگ بہ بیت کہ دژمن ءِ سُر ءُ پُرّانی سرا چَم ایر کنگ بہ بیت۔ ۸ جُنز ءِ سرمچاراں کانود وانینگ ، میاں اُستمانی کانود دراہ وانینگ بہ بنت۔۔ ھَمُک سرمچار ءَ یک کانودی راھبندے اَلّم دیگ بہ بیت دانکہ آ کانودانی بنیاد سرا وتی آریشنءَ برجم بہ کنت۔ ۹ سرمچارءَ اے الم گوْشگ بہ بیت کہ آئی رواج ءُ سلوک گوں مھلوک ءَ پہ ھُب مھر ءُ دوستی بنیاد سرا بہ بیت نہ کہ پہ زور ءُ تپنگ پیش دارگ سرا بہ بیت۔ ۱۰ ھرچ سرمچار سرا ھَژدری اِنت کہ آ ڈسپلن ، آرڈر ، قوائد نظم و ضبط ءِ پابند بہ بیت، سنئر ٹو جنئر ڈسپلن بنیاد سرا آریشن بکنت۔ ۱۱ سلاہ بندیں جُنز ءِ آمد گس بزاں عدالتی نظام لازم بہ بیت آئی کیس پیش کنگ بہ بیت ۔ ہرچ لگور ءُ دژمن ءِ چاروگانی کیسانی پیسلّہ کنوک ھمے آمدگس بہ بیت۔ سرمچاراں وتی کیسّاں وتی چیریں ادارھاں پیش بہ کنت ءُ چیریں ادارہ جُست ءُ پُرس بہ کنت وتی جُست ءُ پُرس کنگ ءِ مکانیزم ءَ بہ ٹھین اِیت۔ سبوت پیش بہ کنت آمدگس ءِ دیما ۔ چاروگ ءُ لگورانی کھول ءِ مستریں مردم ءِ آرا وکیلی درجہ ءَ نامینگ بہ بیت دانکہ انساپ بہ بیت۔

اے سجھیں زلورتانی پورہ کنگ ءَ پد پدا ھم اگاں یک سرمچارے سرینڈر کنت گُڑا آئی کھول ءَ ھال ءُ اھوال کنگ بہ بیت کہ مجبوری چے بیتگ اَنت دومی آئی ءَ را گوْشگ بہ بیت کہ آ چہ وتی لوگ ءَ ڈن ءَ شت نہ کنت۔ دانکہ آئی کیس آمدگِس ءَ اِنت لوگ ءَ بند کنگ بزاں ہاؤس اریسٹ کنگ بہ بیت نی چد ءُ دیم باید پہ سرکار ءِ ڈیتھ اسکواڈاں گیشتر نَپّر دئیگ ءِ سامان سرجم مہ بنت ۔