میل ءِ سِنگ یکشل ءَ روت ... سارا شُگفتہ رجانک ۔۔۔۔۔ مجید عاجز
میل ءِ سِنگ یکشل ءَ روت ... سارا شُگفتہ رجانک ۔۔۔۔۔ مجید عاجز آسمان ءِ ڈوبر ءَ غم پِر چَکَرّکی ورگا اِنت میلّ ءِ سنگ یکشل ءَ روگا اِنت ءُ اوشتوک اِنت شپ ءَ چہ من پیسر بُست کتگ گُداں پِریں پولنگ منی زھگانی ڈُکھ اَنت منی ھوناں تہنائی چَٹّگا اَنت چہ شھر ءِ گْواتگر ءَ بُوچّے دُزّ اِتگ اَت روچ ءَ رنجے جوڑینت منی وابانی پولنگ چمّ اَنت منی کبر منا چیرُکائی چارگا اِنت
دستونک ۔۔۔۔ ۔ مجید عاجز
زندگا زندہ گوٗر بوواناں چمّے آں من کہ کوٗر بوواناں ہَز کناں روشنائی یے گِنداں کُش چراگاں لگوٗر بوواناں لاشیں اہدے گَہینگا اِنت منا کِرم شاناناں ، موٗر بوواناں کیکّتہ دْریکّگانی آبریشُم پَچّ زرد ءِ نِزوٗر بوواناں سِستگاں چہ وتا ہمودا ، کہ گوں وتی جند ءَ ہوٗر بووناں شانک روزرد ءِ سرْمہ دان ءَ منا دنزے آں ، آڈہوٗر بوواناں بنگ چاڑیں چِہ موسُمے عاجز ریزہ ریزہ بُلوٗر بوواناں 3/12/2019 سلالہ
کہبگ
سارہ شُگفتہ / رجانک: مجید عاجز تو شائرے اِت ئِے من یک کہبگے بووگ ءَ ابید ھم یک کُڈّکے ءَ آروس دیگ بوت آں ءُ منی زھگ بے کپن مُرت ناچویے بووگ ءَ ابید ھم من ترا کَٹّ اِت نہ کت کہ کوڑویں زرّاں چہ منی گْوراں پینژار بست ءُ تو پرداچ باھینت تاں چار سال ءَ من نیم شَلونگیں تھتے اِت آں ءُ تو منی آزہ ءِ تھا وپت ئے من یک رودرتکی ناچوے آں پمشکہ تاں رو برکت ءَ من ترا تئی دَز مُزّ دات من پمشکا ماتے نھاں کہ تئی آسر بسّ رودرتک اِنت تو مرگ ءَ نہ شموش ئے ءُ من رنجاں منی آزَہ ءِ کوڑویں زرّاں کُجا ھرید بیت؟ کہ ھر کجا…
وام
سارہ شُگفتہ / رجانک: مجید عاجز منی پِت بْرھنگ اَت من وتی پُچ کشّ اِت ءُ آئی ءَ داتنت زمین ھم بْرھنگ اَت من آ گوں وتی بان ءَ پیوست کت لَجّ ھم بْرھنگ اَت من آئی ءَ چمّ داتنت تُنّ ءَ سمارے دات ءُ لُنٹان ءَ جھلادیں شھجوے ءَ کِشت موسم ءَ ماھے گون اَت ءُ چَکَرّگا اَت من موسم ءَ پولنگ داتنت ءُ ماہ آجو کت چہ گوراس ( چِتا )َ ءِ دُوتّاں من انسان جوڑ کت ءُ آئی ءِ دیم ءَ وتی دل ایر کت آئی ءِ لَبز کہ آئی ءَ وتی بوتن ءَ گچین کت ءُ گُشت من تئی چُکدان ءَ اجکّہی یے گِنداں آس کہ چہ منی بدن ءَ دُور ب…
Downlaod App For Android
Social Plugin