لندن میں آج ہم جنس پرستوں کی پریڈ ہو رہی ہے جسے 'پرائیڈ پریڈ ' کہا جاتا ہے۔
'پرائیڈ' ایک عالمی مہم کا نام ہے جو دنیا بھر میں ہم جنس پرستوں کے حقوق کے لیے جدو جہد کر رہی ہے اور گزشتہ کئی ہفتوں سے دنیا بھر میں پریڈ کی شکل میں جشن منایا جا رہا ہے۔برطانیہ میں تقریباً باون سال پہلے ہم جنس پرستوں کے رشتے کو جرم قرار دیے جانے پر روک لگا دی گئی تھی۔
CHRIS J RATCLIFFE/GETTY IMAGES
حالانکہ برطانیہ میں قانون میں تبدیلی کر دی گئی تھی لیکن اب بھی دنیا کہ بہت سے ممالک میں ہم جنس پرستی غیر قانونی ہے۔ انسانی حقوق کی تنظیمیں دنیا بھر میں ہم جنس پرستوں کو یکساں حقوق دلوانے کے لیے جدو جہد کر رہی ہیں۔
پچاس سال پہلے نیو یارک میں ہم جنس پرستوں کے ایک گروپ کی بغاوت نے 'گے رائٹس موومنٹ' یعنی ہم جنس پرستوں کے حقوق کی تحریک کو جنم دیا تھا۔
JOHN MILNER/SOPA IMAGES/LIGHTROCKET VIA GETTY IMA
اٹھائیس جون 1969 کی صبح نیو یارک علاقے گرینچ ولیج میں ہم جنس پرستوں کے ایک بار 'سٹون وال اِن' پر پولیس کے چھاپے کے بعد ہم جنس پرستوں کے پر تشدد مظاہرے ہوئِے۔
GETTY IMAGES
کہا جاتا ہے کہ یہ مظاہرے امریکہ میں ہم جنس پرستوں کی آزادی کی تحریک کی سب سے بڑی وجہ بنے۔1950 اور 60 کی دہائی میں کچھ ہی ادارے ہم جنس پرستوں کا خیر مقدم کرتے تھے اور ان میں بارز شامل تھیں۔
GETTY IMAGES
حالانکہ بار کے زیادہ تر مالکان ہم جنس پرست نہیں ہوا کرتے تھے۔ اس وقت سٹون وال اِن نامی بار کے مالکان جرائم پیشہ افراد تھے اور کہا جاتا ہے کہ یہ بار ہم جنس پرست کمیونٹی کے غریب اور متوسط طبقے کے لوگوں میں مقبول تھا۔ ان میں بےروزگار نوجوان، جسم فروش مرد، عورتوں کا لباس یا حلیہ بنا کر رہنے والے فنکار اور لیسنِینز شامل تھیں۔
GETTY IMAGES
اس زمانے میں ہم جنس پرستوں کے بار یا ریستورانوں پر پولیس کے چھاپے روز کا معمول ہوا کرتے تھے اور سٹون وال اِن میں ایسے ہی ایک چھاپے کے دوران صورتِ حال پولیسں کے کنٹرول سے باہر ہو گئی۔
GETTY IMAGES
اگلی شام نیو یارک مظاہروں کے دوران پولیس اور علاقے کی ہم جنس پرست کمیونٹی کے درمیان کشیدگی بڑھ گئی اور مظاہروں کا سلسلہ کئی ہفتے چلا۔ اس واقعہ کے بعد ہم جنس پرست اور لیزبین جوڑوں کو ہر طرح کے امتیازی سلوک کا سامنا کرنا پڑا۔
GETTY IMAGES
جس کے بعد چھ ماہ کے اندر اندر نیو یارک میں ہم جنس پرستوں کی دو تنظیمیں بنیں اور چند ہی سالوں میں پورے امریکہ میں پھیل گئیں۔ اٹھائیس جون 1970 کو نیو یارک، لاس اینجلسِ اور سان فرانسسکو میں پہلا 'گے پرائیڈ مارچ' منعقد کیا گیا اوراب ہر سال دنیا بھر میں اس طرح کے مارچ کا انعقاد کیا جاتا ہے۔
GETTY IMAGES
