دنیا کا کوئی بھی ملک ہو یا شہر، ہر جگہ کرونا وائرس سے بچنے کے لیے احتیاطی تدابیر اپنانے پر زور دیا جا رہا ہے۔ مین اسٹریم میڈیا اور سوشل میڈیا کے بعد اب دیواروں پر بنے خوبصورت اور رنگ برنگے خاکوں کی مدد سے بھی لوگوں کو احتیاطی تدابیر اختیار کرنے کی تلقین کی جا رہی ہے۔
1آئرلینڈ کے دارالحکومت ڈبلن میں سڑک سے گزرنے والوں کے لیے جگہ جگہ رنگ برنگے خاکوں سے کرونا وائرس سے آگاہی کا کام لیا جارہا ہے۔ ملک میں تعلیمی ادارے بند ہیں، اجتماعی تقاریب پر پابندی عائد ہے جب کہ ہر جگہ ایک دوسرے سے فاصلہ رکھنے پر روز دیا جا رہا ہے۔
2دنیا کے دیگر ممالک کی طرح برطانیہ میں بھی کرونا وائرس کے خلاف جنگ کرنے پر زور دیا جا رہا ہے۔
3سوڈان میں کرونا وائرس سے آگاہی مہم میں ماسک پہننے کی ہدایات جاری کی گئی ہیں۔ دیوار پر پینٹنگ کا سہارا لے کر لوگوں کو گھروں سے بلاضرورت باہر نہ نکلنے پر بھی زور دیا جا رہا ہے۔
4مغربی جرمنی میں نرسوں کو سپر ویمن کہا جانے لگا ہے۔ نرسیں فرنٹ لائن پر کرونا سے نمٹنے کے لیے جاری جنگ میں دن رات مصروفِ عمل ہیں۔
5امریکہ کے شہر لاس اینجلس میں سڑکوں پر بنائے گئے خاکوں میں دو فوجیوں کو ہینڈ سینیٹائزر، ویکیوم کلینر اور ٹوائلٹ پیپر اٹھائے ہوئے دکھایا گیا ہے۔
6چیک ری پبلک کے دارالحکومت پراگ میں کرونا وائرس کے سبب تمام سرگرمیاں ماند پڑ چکی ہیں۔ وہاں کی دیواروں پر بھی کرونا سے بچنے کے لیے ماسک پہننے کا پیغام دیا جارہا ہے۔
7لبنان کے دارالحکومت بیروت میں تھرمل پاور پلانٹ کے قریب اور شہر کی تمام اہم جگہوں پر خاکے بنائے گئے ہیں۔
8فلسطینی آرٹسٹ کا جنوبی غزہ کی پٹی کی ایک دیوار پر تیار کردہ خاکہ جس پر عربی زبان میں لکھا ہے، 'زمین کو وائرس کی وبا سے بچانے میں اپنا کردار ادا کریں۔'
9سینیگال کی ایک دیوار پر بنا خاکہ جس میں پیغام دیا گیا ہے کہ کھانستے ہوئے منہ پر رومال لازمی رکھیں۔
10مغربی فرانس میں ایک ریستوران کی دیوار پر کوکا کولا کی جگہ کرونا کولا لکھا ہوا ہے۔
